ខេត្តមណ្ឌលគិរី ៖ នៅរសៀលថ្ងៃទី២០ កញ្ញា ២០១៨ សង្ស័យម្នាក់ត្រូវបាននគរបាលខេត្តមណ្ឌលគិរីបញ្ជូនខ្លួនទៅសាលាដំបូងដើម្បីចាត់វិធានការតាមផ្លូវច្បាប់ ក្រោយធ្វើសកម្មភាពលួចរថយន្តរបស់អ្នកស្រុក។
លោកឧត្តមសេនីយ៍ សូ សុវណ្ណ ស្នងការរងខេត្តបានឲ្យដឹងថា នៅវេលាម៉ោង១២និង៣០នាទីយប់រំលងអាធ្រាតឈានចូលថ្ងៃទី១៩ កញ្ញា ឆ្នាំ២០១៨ កម្លាំងនគរបាលប៉ុសិ៍្ដអបួនស្ទាក់ចាប់បានជនសង្ស័យដែលបានលួចរថយន្ត១គ្រឿងប្រភេទមួយបាំង ពណ៌ស្លែ ពាក់ស្លាកលេខ ភ្នំពេញ ២A-៣០០៣ នៅចំណុចផ្លូវជាតិលេខ៧៦ ដែលជារថយន្តរបស់ឈ្មោះ យ៉ង់ ណាល់ ភេទប្រុសរស់នៅភូមិទី៣ ឃុំស្រែ សង្គមស្រុកកោះញែក ។
ជនសង្ស័យឈ្មោះស្រើត ស្រ៊ី ភេទប្រុស អាយុ២២ឆ្នាំ មុខរបរកសិករ រស់នៅភូមិទី២ ឃុំស្រែសង្គម ស្រុកោះញែក ។
លោកស្នងការរងបន្តថា ករណីខាងលើកើតឡើងនៅពេលដែលម្ចាស់បានទុករថយន្តនៅតាមផ្លូវស្ថិតក្នុងភូមិស្រែធំ ឃុំសុខសាន្ត ស្រុកកោះញែក ក៏ត្រូវជនសង្ស័យលួចយកតែម្តង ៕
ចែករំលែកព័តមាននេះ