Mikel Arteta ថា អវត្តមាន Pep Guardiola មិនមែនជាហេតុដែល Man City ចាញ់ទេ
តាមប្រភពព័ត៌មាន Sky Sports បានឲ្យដឹងថា ជំនួយការគ្រូបង្វឹកលោក Mikel Arteta បដិសេធចំពោះការលើកឡើងថា Manchester City…
តាមប្រភពព័ត៌មាន Sky Sports បានឲ្យដឹងថា ជំនួយការគ្រូបង្វឹកលោក Mikel Arteta បដិសេធចំពោះការលើកឡើងថា Manchester City…
តាមប្រភពព័ត៌មាន Sky Sports បានឲ្យដឹងថា ជំនួយការគ្រូបង្វឹកលោក Mikel Arteta បដិសេធចំពោះការលើកឡើងថា Manchester City ចាញ់ការប្រកួតបើកឆាក Champions League ជាមួយនឹង Lyon ក្នុងលទ្ធផល 2-1 មកពីអវត្តមានរបស់គ្រូបង្វឹក Pep Guardiola ។
លោក Arteta ត្រូវជំនួសតួនាទីរបស់លោក Guardiola ក្នុងការនាំកីឡាករមកប្រកួតជាមួយនឹងLyon ដោយសារតែ Guardiola ត្រូវទទួលពិន័យមិនឲ្យមកដឹកនាំកូនក្រុម ហើយបានត្រឹមតែឈរមើលការប្រកួតពីចម្ងាយ ។
នៅមុនពេលនាទីទី៦៧ ក្រុមខាងមេឃខៀវមិនបានស៊ុតចូលទីសោះ ដែលបណ្តាលឲ្យខាង Lyon យកឈ្នះដល់ទៅ 2-0 ។ នៅនាទីទី៦៧ កីឡាករ Bernardo Silva បានស៊ុតចូលមួយគ្រាប់ ដែលលទ្ធផលចប់ការប្រកួតខាងមេឃខៀវចាញ់ 2-1 ។
នៅក្នុងបទសម្ភាសន៍លោក Arteta និយាយឆ្លើយតបនឹងពាក្យថា ការចាញ់នេះមកពីគ្មានការដឹកនាំរបស់លោក Guardiola ថា «ខ្ញុំគ្មានយោបល់ទេ ក្នុងរឿងនេះ ។ វាគ្មានតែការលើកឡើងគ្មានអំណះអំណាងប៉ុណ្ណោះ ។ ការពិត គឺថា លោក Pep មិននៅទីនេះ ហើយយើងចាញ់ការប្រកួត ។ ប្រសិនបើគាត់នៅក៏ខ្ញុំមិនអាចថា យើងនឹងឈ្នះនោះដែរ » ។ បើទោះបីជាខាង City ចាញ់អ៊ីចឹងក៏ដោយលោក Arteta ថា ទាំងអស់គ្នាបានប្រឹងប្រែងអស់ហើយមុនពេលប្រកួត ។ លោកបាននិយាយថា៖ «ពួកយើងបានដឹងច្បាស់ពីចំណុចខ្លាំង និងចំណុចខ្សោយរបស់ Lyon ។ ពួកយើងបានរៀបចំខ្លួនរួចរាល់ហើយ ។ តែពួកយើងបានត្រៀមខ្លួនសម្រាប់ចាញ់នោះទេ »។
គួរបញ្ជាក់ផងដែរថា នៅមុនពេលសមរភូមិ Champions League កើតឡើងជំនួយការគ្រូបង្វឹករបស់ក្លិបមេឃខៀវ Mikel Arteta ក៏បានសរសើរក្លិបរបស់ខ្លួនថា ជាក្លិបល្អផ្តាច់គេលើលោក ៕
ចែករំលែកព័តមាននេះ