ខេត្តព្រះសីហនុ ៖ ទីតាំងចាក់ដីមួយកន្លែងស្ថិតក្នុងភូមិ០៤ ឃុំអូត្រេះ ស្រុកស្ទឹងហាវ ខេត្តព្រះសីហនុ (ឆ្នេរព្រែកត្រែង) ក្នុងចំណោមទីតាំងរំលោភចំណីសមុទ្រប្រមាណ៣ទៅ៤កន្លែងនារសៀលថ្ងៃទី១៨ កញ្ញា ត្រូវបានសម្ដេចតេជោ…
ខេត្តព្រះសីហនុ ៖ ទីតាំងចាក់ដីមួយកន្លែងស្ថិតក្នុងភូមិ០៤ ឃុំអូត្រេះ ស្រុកស្ទឹងហាវ ខេត្តព្រះសីហនុ (ឆ្នេរព្រែកត្រែង) ក្នុងចំណោមទីតាំងរំលោភចំណីសមុទ្រប្រមាណ៣ទៅ៤កន្លែងនារសៀលថ្ងៃទី១៨ កញ្ញា ត្រូវបានសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានបញ្ជាឲ្យឧបនាយករដ្ឋមន្ដ្រី ជា សុផារ៉ា រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់ ចុះពិនិត្យសកម្មភាពចាក់ដីរំលោភចូលឆ្នេរសមុទ្រដើម្បីឲ្យកាយដីនោះចេញវិញភ្លាមៗដោយធ្វើយ៉ាងណាឱ្យឆ្នេរធម្មជាតិនេះឱ្យនៅដូចដើម ។
ក្រោយពីបានចុះពិនិត្យអស់រយៈពេលជាងមួយម៉ោងរួចមកទីតាំងចាក់ដីដែលបានរងការរិះគន់យ៉ាងខ្លាំងនោះត្រូវបានឧបនាយករដ្ឋមន្ដ្រី ជា សុផារ៉ា រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់ បញ្ជាអោយក្រុមការងារយកគ្រឿងចក្រចំនួន៣គ្រឿង រួមជាមួយរថយន្តជាច្រើនគ្រឿងកាយចេញជាបណ្តើរៗហើយ ដោយពុំមានការយោគយល់នោះទេ ព្រោះការចាក់ដីចូលសមុទ្រនេះវាពិតជាបានធ្វើអោយប៉ះពាល់យ៉ាធ្ងន់ធ្ងរដល់បរិស្ថាន និងវិស័យទេសចរណ៏នៅក្នុងខេត្តព្រះសីហនុ ។
ជុំវិញបញ្ហានេះបណ្តាញសារព័ត៌មានពុំអាចធ្វើកិច្ចសម្ភាសន៏ជាមួយលោកឧបនាយករដ្ឋមន្ដ្រី ជា សុផារ៉ា រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់ បានទេដោយលោកមានការមម៉ាញឹកក្នុងកិច្ចការបន្តទៀត ។
គួរំលឹកផងដែរថា កន្លងមកលោក ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ត្រៃយ៍គណៈកម្មការគ្រប់គ្រងឆ្នេរធ្លាប់បានបញ្ជាក់ថា ក្រុមហ៊ុនដែលកំពុងអភិវឌ្ឍន៍ នៅតំបន់ឆ្នេរព្រែកត្រែងកំពុងតែបំពានច្បាប់ស្ដីពីការគ្រប់គ្រងឆ្នេរដែលចេញដោយរាជរដ្ឋាភិបាល និងគណៈកម្មការគ្រប់គ្រងឆ្នេរ ដោយអនុញ្ញាតឲ្យរាល់គម្រោងអភិវឌ្ឍន៍នៅតំបន់ឆ្នេរ ត្រូវមានចម្ងាយយ៉ាងហោចណាស់១០០ម៉ែត្រ ឬឆ្ងាយជាងនេះ ៕
ចែករំលែកព័តមាននេះ