ទោះឈ្នះពិតមែន តែ Pep Guardiola ឆេះដុំខ្លាំងជាមួយកីឡាករនឹងរឿង១នេះ
តាមប្រភពព័ត៌មាន Sky Sports បានឲ្យដឹងថា គ្រូបង្វឹកក្លិបមេឃខៀវ Manchester City លោក Pep Guardiola…
តាមប្រភពព័ត៌មាន Sky Sports បានឲ្យដឹងថា គ្រូបង្វឹកក្លិបមេឃខៀវ Manchester City លោក Pep Guardiola…
តាមប្រភពព័ត៌មាន Sky Sports បានឲ្យដឹងថា គ្រូបង្វឹកក្លិបមេឃខៀវ Manchester City លោក Pep Guardiola ចង់បានការលេងឲ្យល្អជាងនេះពី Manchester City ក្រោយពីយកឈ្នះក្រុម Fulham កាលពីថ្ងៃសៅរ៍ ។ លោកបានឃើញការលេងមានចន្លោះច្រើនកាលពីថ្ងៃសៅរ៍ បើទោះបីជាយកឈ្នះ Fulham ក្នុងលទ្ធផល 3-0 ក៏ដោយ ។
លោកបាននិយាយថា ៖«ប្រតិកម្មរបស់ខ្ញុំគឺកើតឡើងនៅពេលពួកគេធ្វើរឿងសាមញ្ញៗមិនបានល្អ ។ នៅពេលនោះហើយ គឺជាពេលដែលខ្ញុំមិនអាចទប់កំហឹងបាននោះទេ ។ នៅពេលដែលកីឡាករម្នាក់បានបាល់ ហើយនៅតែទាត់បញ្ជូនឲ្យគេរហូតទាល់តែបាត់បាល់ពីក្រុមធ្លាក់ទៅជើងក្រុមផ្សេង ពេលនោះគឺខ្ញុំខឹងខ្លាំងណាស់ ។ ខ្ញុំពិតជាសោកស្តាយមែនទែនជាមួយនឹងកីឡាកររបស់ខ្ញុំ ។ ពួកគេដឹងពីរឿងនេះ ព្រោះពួកយើងនិយាយពីវាច្រើនដងហើយ» ។
គ្រូបង្វឹករូបនេះបានបន្តថា ៖«ប្រសិនបើពួកគេស៊ុតចូលទីខុស ខ្ញុំមិនខឹងទេ តែប្រសិនបើគ្រាន់តែបណ្តើរបាល់ និងបញ្ជូនបាល់ខុស (កើតឡើងនៅថ្ងៃសៅរ៍) គឺខ្ញុំខឹងខ្លាំង ។ នេះគឺជាអ្វីដែលខ្ញុំត្រូវឲ្យពួកគេពង្រឹងបន្ថែម» ៕
ចែករំលែកព័តមាននេះ