ខេត្តមណ្ឌលគិរី ៖ តាមសេចក្តីរាយការណ៍បឋមបានឱ្យដឹងថា បុគ្គលិកក្រុមហ៊ុន អិល.អូ.ឌី (L.O.D) ចំនួន៧នាក់ បានរងរបួសធ្ងន់ស្រាលក្នុងហេតុការណ៍ក្រឡាប់រថយន្តជាច្រើនត្រឡប់ រួចធ្លាក់ចូលក្នុងប្រឡាយទឹក ដែលហេតុការណ៍នេះបានកើតឡើងកាលពីវេលាម៉ោងប្រមាណ៩និង២៧នាទីព្រឹក ថ្ងៃទី១៨ ខែកញ្ញា ឆ្នាំ២០១៨ តាមបណ្តោយផ្លូវជាតិលេខ៧៦ ភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី។
រថយន្តខាងលើម៉ាកឡិចស៊ីស RX៣០០ ពាក់ស្លាក់លេខ ភ្នំពេញ ២L-៦៣៨៣ បើកបរដោយបុរសម្នាក់។
អ្នកឃើញហេតុការណ៍បានឱ្យដឹងថា មុនកើតហេតុ គេឃើញរថយន្តរងគ្រោះបើកបរក្នុងទិសដៅពីលិចទៅកើត លុះមកដល់ចំណុចកើតហេតុ ដោយផ្លូវមានសភាពកោង ហើយរថយន្តក៏រេ ចង្កូតមកម្ខាងផ្លូវ បណ្តាលឱ្យក្រឡាប់ជាច្រើនត្រឡប់ធ្លាក់ចូលទៅក្នុងក្នុងប្រឡាយទឹកតែម្តង ។ ភ្លាមៗនោះ អ្នកភូមិបានជួយសង្គ្រោះជនរងគ្រោះចំនួន៤នាក់យកទៅមន្ទីរពេទ្យឯកជនផងដែរ។
សមត្ថកិច្ចបានឱ្យដឹងថា រថយន្តនេះបានធ្វើដំណើរពីខេត្តក្រចេះ ជារបស់ក្រុមហ៊ុនអចលនទ្រព្យ អិល.អូ.ឌី L.O.D ផ្តល់សេវាកម្មបង់រំលស់ បញ្ចាំម៉ូតូ ឡាននិងកាតគ្រីគ្រប់ប្រភេទ។
សមត្ថកិច្ចបានឱ្យដឹងទៀតថា ករណីគ្រោះថ្នាក់ចរាចរណ៍រថយន្តក្រឡាប់នេះដោយសារអ្នកបើកបរខ្វះការប្រុងប្រយ័ត្ន ទើបបណ្តាលឲ្យមានគ្រោះថ្នាក់បែបនេះ។
បច្ចុប្បន្ន រថយន្តត្រូវបានកម្លាំងអធិការរដ្ឋានស្រុកកែសីមាស្ទូចយកមករក្សាទុករង់ចាំការដោះស្រាយពេលក្រោយ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ