តាមប្រភពពីទីភ្នាក់ងារព័ត៌មានបរទេសកាលពីពេលថ្មីៗកន្លងមកផ្សាយថា ប៉ូលិសឥណ្ឌាបានចាប់ខ្លួនបុរស២នាក់នៅក្រុងអ៊ីដេរ៉ាបាត Hyderabad ក្រោយពីបង្កហេតុលួចចានស្រាក់មាសលំអដោយគ្រាប់ពេជ្រ ពែងតែមាស ទ្រនាប់ចាន និងស្លាបព្រាមានតំលៃ៧លានដុល្លារ ជាសម្បត្តិរបស់ម្ចាស់ស្រុកអ៊ីដេរ៉ាបាត កាលពីសប្ដាហ៍មុន ។
ទ្រព្យសម្បត្តិទាំងអស់សុទ្ធសឹងជារបស់របរប្រើប្រាស់ផ្ទាល់របស់ព្រះអង្គ Mir Osman Ali Khan ឬអ្នកដឹកនាំអង្គចុងក្រោយក្នុងទីក្រុង Nizam of Hyderabad ។
ប៉ូលិសបង្ហើបឲ្យដឹងថា បុរសទាំង២បានសារភាពថា ក្រោយពីបង្កហេតុក៏គេចខ្លួនទៅក្រុងមុមបៃ នៅភាគខាងលិចប្រទេស ដើម្បីយកវត្ថុដ៏មានតំលៃទៅលក់នៅទីនោះ ដោយដេកនៅសណ្ឋាគារផ្កាយ៥ និងយកចានស្រាក់មាសប្រើជំនួសចានបាយ ។
ពួកគេរកអ្នកទិញមិនបានទើបត្រឡប់មកក្រុងអ៊ីដេរ៉ាបាតវិញ និងត្រូវចាប់ខ្លួន រីឯវត្ថុតាងត្រូវអាជ្ញាធរយកប្រគល់ដល់សារមន្ទីរវិញ ៕
ចែករំលែកព័តមាននេះ