ខេត្តមណ្ឌលគិរី ៖ ជនសង្ស័យម្នាក់ដែលជាមនុស្ស.គក្នុងករណីប្លន់កាលពីជិតមួយឆ្នាំមុន ដែលគេចទៅលាក់ខ្លួនក្នុងព្រៃនោះ ត្រូវនគរបាលស្រុកអូររាំងឃាត់ខ្លួនបានហើយកាលពីម៉ោង៤ល្ងាច ថ្ងៃទី១៤ កញ្ញា ២០១៨ ក្នុងព្រៃស្ថិតនៅភូមិសាស្ត្រឃុំសែនមនោរម្យ ស្រុកអូររាំង។…
ខេត្តមណ្ឌលគិរី ៖ ជនសង្ស័យម្នាក់ដែលជាមនុស្ស.គក្នុងករណីប្លន់កាលពីជិតមួយឆ្នាំមុន ដែលគេចទៅលាក់ខ្លួនក្នុងព្រៃនោះ ត្រូវនគរបាលស្រុកអូររាំងឃាត់ខ្លួនបានហើយកាលពីម៉ោង៤ល្ងាច ថ្ងៃទី១៤ កញ្ញា ២០១៨ ក្នុងព្រៃស្ថិតនៅភូមិសាស្ត្រឃុំសែនមនោរម្យ ស្រុកអូររាំង។
លោកឧត្តមសេនីយ៍ត្រី សូ សុវណ្ណ ស្នងការរងខេត្តឲ្យដឹងថា ជនសង្ស័យដែលឃាត់ខ្លួននេះឈ្មោះ ព្យុល តុលា ហៅ អា.គ ត្រូវបានឃាត់ខ្លួនក្រោមអំណាចដីការបស់តុលាការលេខ ១១/១៨ ចុះថ្ងៃទី០៥ កុម្ភៈ ២០១៨ ពីបទ៖ ប្លន់។
លោកបន្តថា ជននេះក្រោយធ្វើសកម្មភាពប្លន់អ្នកភូមិ ក៏រត់គេចខ្លួនចូលទៅក្នុងដែនជម្រកការពារសត្វព្រៃលាក់ខ្លួនអស់រយៈពេលជិតមួយឆ្នាំ ទោះជាសមត្ថកិច្ចខិតខំរុករកយ៉ាងណាក៏មិនអាចចាប់ខ្លួនបានដែរ ព្រោះជនសង្ស័យសង្ងំក្នុងព្រៃឈើភូមិសាស្ត្រស្មុគស្មាញ តែកម្លាំងនៅតែតាមឃ្លាំមើលរហូតអាចឃាត់ខ្លួនបាននៅពេលថ្មីៗនេះតែម្តង។
សូមរំលឹកថា កាលពីយប់រំលងអធ្រាតឈានចូលថ្ងៃទី១៣ វិច្ឆិកា ២០១៧ មានករណីប្លន់ស្ត្រីអាជីវករនៅក្រុមពូឡា ភូមិពូហ្សាម ឃុំសែនមនោរម្យ ស្រុកអូររាំង ដែលប្រដាប់ដោយកាំភ្លើងអាកាមួយដើម និងកាំបិតចូលទៅប្លន់ក្នុងផ្ទះកាប់ជាច្រើនកាំបិត ហើយយកប្រាក់អស់មួយចំនួន ដូចជា លុយដុល្លារ៣០០ដុល្លារ និងលុយរៀល៣៥០ ០០០រៀល ។ ហើយនៅពេលប្រវាយប្រតប់គ្នា ជនរងគ្រោះដណ្តើមបានអាវុធ AK47 ០១ដើម គ្មានគ្រាប់៕
ចែករំលែកព័តមាននេះ