បូកសរុបលទ្ធផលកិច្ចសហប្រតិបត្តិការបង្ការទប់ស្កាត់ និងបង្ក្រាបបទល្មើសនៅតាមតំបន់ព្រំដែន
- មណ្ឌលគិរី
ខេត្តមណ្ឌលគិរី ៖ ស្នងការនគរបាលខេត្តមណ្ឌលគិរី បានដឹកនាំមន្ត្រីចូលរួមកិច្ចប្រជុំបូកសរុបលទ្ធផលកិច្ចសហប្រតិបត្តិការបង្ការទប់ស្កាត់ និងបង្ក្រាបបទល្មើសនៅតាមតំបន់ព្រំដែនប្រចាំឆ្នាំ២០១៧ និងលើកទិសដៅកិច្ចសហប្រតិបត្តិការឆ្នាំ២០១៨ រវាងស្នងការដ្ឋាននគរបាលខេត្តមណ្ឌលគិរី (កម្ពុជា) ជាមួយបញ្ជាការដ្ឋានកងទ័ពការពារព្រំដែនខេត្តប៊ិញភឿក(រៀតណាម)។ កិច្ចប្រជុំនេះបានធ្វើឡើងនៅថ្ងៃទី១៣…
លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានឲ្យដឹងថា នៅក្នុងកិច្ចប្រជុំនេះដែរ ភាគីទាំងពីរបានឯកភាព និងវាយតម្លៃខ្ពស់ចំពោះលទ្ធផលដែលសម្រេចបាននាពេលកន្លងមក និងបញ្ហាដែលនៅសេសសល់មួយចំនួននៃកិច្ចសហប្រតិបត្តិការបង្ការទប់ស្កាត់ និងបង្ក្រាបបទល្មើស រវាងភាគីទាំងពីរក្នុងរយៈពេលមួយឆ្នាំកន្លងទៅនេះ។
ក្នុងគោលបំណងបង្កើនចំណងសាមគ្គីភាព មិត្តភាព សហប្រតិបត្តិការល្អក្នុងការបង្ការ ទប់ស្កាត់ និងប្រយុទ្ធប្រឆាំងបទល្មើសគ្រប់ប្រភេទ ដើម្បីធានាសន្តិសុខសណ្តាប់ធ្នាប់តាមតំបន់ព្រំដែនរវាងខេត្តទាំងពីរ(មណ្ឌលគិរី-ប៊ិញភឿក) ភាគីទាំងពីរបានឯកភាពអនុវត្តយ៉ាងម៉ឺងម៉ាត់ កំណត់ហេតុធ្វើការ រវាងគណៈប្រតិភូអគ្គស្នងការដ្ឋាននគរបាលជាតិ ក្រសួងមហាផ្ទៃ នៃព្រះរាជាណាចក្រកម្ពុជា និងបញ្ជាការដ្ឋានកងទ័ពការពារព្រំដែនក្រសួងការពារជាតិនៃសាធារណរដ្ឋសង្គមនិយមវៀតណាម ដែលបានចុះហត្ថលេខាកាលពីថ្ងៃទី២៨ ខែវិច្ឆិកា ឆ្នាំ២០១៧ នៅរាជធានីភ្នំពេញ នៃព្រះរាជាណាចក្រកម្ពុជា និងបន្តអនុវត្តខ្លឹមសារនៃកិច្ចសហប្រតិបត្តិការលើកំណត់ហេតុក្នុងកិច្ចប្រជុំថ្ងៃនេះ។
លោកឧត្តមសេនីយ៍ ស្នងការនគរបាលខេត្តមណ្ឌលគិរី បានសំណូមពរដល់ខាងភាគីវៀតណាម បន្តទំនាក់ទំនង មិត្តភាព សាមគ្គីភាពដ៏ជិតស្និទ្ធ រវាងប៉ុស្តិ៍ច្រកទ្វារទ្វេភាគីកម្ពុជា និងប៉ុស្តិ៍កងទ័ពការពារព្រំដែនខេត្តប៊ិញភឿក វៀតណាម ដែលនៅទល់មុខគ្នា បង្កលក្ខណៈងាយស្រួលទៅវិញទៅមករវាងអាជ្ញាធរមូលដ្ឋាន អាជីវករ មន្ត្រីរាជការ ប្រជាពលរដ្ឋនៃប្រទេស ទាំងពីរក្នុងការឆ្លងកាត់ព្រំដែន ដើម្បីបំពេញបេសកកម្មផ្លាស់ប្តូរទំនិញ សួរសុខទុក្ខញាតិសណ្តាន ទេសចរណ៍ ព្យាបាលជំងឺជាដើម៕
ចែករំលែកព័តមាននេះ