ខេត្តស្វាយរៀង ៖ ជនសង្ស័យម្នាក់ត្រូវបានកម្លាំងនគរបាលស្រុកស្វាយទាបធ្វើការឃាត់ខ្លួនពីបទប្រើប្រាស់ និងចែកចាយគ្រឿងញៀន ក្នុងនោះដកហូតបានថ្នាំញៀនចំនួន៩កញ្ចប់រួមនឹងសម្ភារៈប្រើប្រាស់គ្រឿងញៀនមួយចំនួនទៀត។ ករណីចុះបង្ក្រាបការចែកចាយគ្រឿងញៀនខាងលើបានកើតឡើងកាលពីវេលាម៉ោង១០និង៣៥នាទីយប់ថ្ងៃទី១១ ខែកញ្ញា ឆ្នាំ២០១៨ ស្ថិតនៅចំណុចខាងត្បូងវត្តតានូ ចម្ងាយ១០០ម៉ែត្រ…
ខេត្តស្វាយរៀង ៖ ជនសង្ស័យម្នាក់ត្រូវបានកម្លាំងនគរបាលស្រុកស្វាយទាបធ្វើការឃាត់ខ្លួនពីបទប្រើប្រាស់ និងចែកចាយគ្រឿងញៀន ក្នុងនោះដកហូតបានថ្នាំញៀនចំនួន៩កញ្ចប់រួមនឹងសម្ភារៈប្រើប្រាស់គ្រឿងញៀនមួយចំនួនទៀត។ ករណីចុះបង្ក្រាបការចែកចាយគ្រឿងញៀនខាងលើបានកើតឡើងកាលពីវេលាម៉ោង១០និង៣៥នាទីយប់ថ្ងៃទី១១ ខែកញ្ញា ឆ្នាំ២០១៨ ស្ថិតនៅចំណុចខាងត្បូងវត្តតានូ ចម្ងាយ១០០ម៉ែត្រ ក្នុងភូមិថ្មី ឃុំសំបួរ ស្រុកស្វាយទាប ខេត្តស្វាយរៀង។
បើតាមសមត្ថកិច្ចបានឲ្យដឹងថា ជនសង្ស័យឈ្មោះ ពុធ ដា ភេទប្រុស អាយុ១៨ឆ្នាំ ជនជាតិខ្មែរមុខរបរកសិករ មានទីលំនៅភូមិត្រពាំងអំពិល ឃុំសំបួរ ស្រុកស្វាយទាប ។
វត្ថុតាងដែលសមត្ថកិច្ចឆែករកឃើញលើខ្លួនជនសង្ស័យរួមមាន ថ្នាំញៀនប្រភេទម្សៅក្រាមពណ៌ស (ម៉ាទឹកកក) ចំនួន៩កញ្ចប់, កាបូបដៃ ពណ៌ខ្មៅ១, ប្រាក់ចំនួន១៧២០០រៀល, បារីចំនួន៩ដើម, កញ្ចប់បារី១កញ្ចប់, ដែកកេះចំនួន៤ និងទូរសព្ទ័ណូគា ពណ៍ក្រហមលាយខ្មៅ ចំនួន១គ្រឿង។
បច្ចុប្បន្នជនសង្ស័យនិងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនមកសាលាដំបូងខេត្តស្វាយរៀងចាត់ការតាមនីតិវិធី ៕
ចែករំលែកព័តមាននេះ