ខេត្តឧត្តរមានជ័យ ៖ ស្ត្រីម្នាក់ត្រូវបានសមត្ថកិច្ចឃាត់ខ្លួនពីបទចែកចាយនូវសារធាតុញៀនកាលពីវេលាម៉ោង១១និង៤០នាទីព្រឹកថ្ងៃទី១២ កញ្ញា ២០១៨ ស្ថិតនៅក្នុងភូមិគោកចាន់រី សង្កាត់កូនគ្រៀល ក្រុងសំរោង ខេត្តឧត្តរមានជ័យ។
ស្ត្រីដែលសមត្ថកិច្ចឃាត់ខ្លួនខាងលើឈ្មោះរឿយ ឆឿន អាយុ៣៧ឆ្នាំ រស់នៅក្នុងភូមិសង្កាត់ខាងលើ។
ប៉ូលិសការិយាល័យគ្រឿងញៀនស្នងការដ្ឋាននគបាលខេត្តបានឱ្យដឹងថា មុនពេលឃាត់ខ្លួនស្ត្រីម្នាក់នេះ កំលាំងជំនាញបានឃាត់បុរសម្នាក់ឈ្មោះសារ៉ា បញ្ញា ភេទប្រុស អាយុ២៣ឆ្នាំ ពេលនោះសមត្ថកិច្ចបានធ្វើការសួរនាំ រួចឈានទៅធ្វើការឃាត់ខ្លួនស្ត្រីម្នាក់ខាងលើពីបទចែកចាយគ្រឿងញៀនតែម្តង។
ប៉ូលិសជំនាញបានបញ្ជាក់ថា ក្រោយពីការឃាត់ខ្លួនប៉ូលិសជំនាញបានធ្វើការឆែកឆេរកឃើញថ្នាំញៀនប្រភេទមេតំហ្វេតាមីន(WWY)ចំនួន១៤៤គ្រាប់ ទូរស័ព្ទដៃចំនួន២គ្រឿង ឧបករណ៍សេពគ្រឿងញៀន រួមទាំងសម្ភារវេចខ្ចប់មួយចំនួនទៀត។
យោងតាមចម្លើយសារភាព និងយោងទៅលើវត្ថុតាងមន្ត្រីជំនាញបានកសាងសំណុំរឿងបញ្ជូនទៅតុលាការអមសាលាដំបូងខេត្តឧត្តថមានជ័យចាត់ការទៅតាមនីតិវិធីច្បាប់៕
ចែករំលែកព័តមាននេះ