បង្ក្រាបសម្បុកជួញដូរគ្រឿងញៀ.នមួយកន្លែង ក្នុងស្រុកឈូក
- កំពត
ខេត្តកំពត ៖ ថ្ងៃពុធ ៣កើត ខែភទ្របទ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី១២ ខែកញ្ញា…
ខេត្តកំពត ៖ ថ្ងៃពុធ ៣កើត ខែភទ្របទ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី១២ ខែកញ្ញា…
ខេត្តកំពត ៖ ថ្ងៃពុធ ៣កើត ខែភទ្របទ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី១២ ខែកញ្ញា ឆ្នាំ ២០១៨ កម្លាំងនគរបាលការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្ត បានសហការជាមួយកម្លាំងអធិការដ្ឋាននគរបាលស្រុកឈូក ក្រោមការចង្អុលបញ្ជាពីលោក ឧត្ដសេនីយទោ ម៉ៅ ចន្ទ័មធុរិទ្ធ ស្នងការខេត្ត និងមានការសម្រួលនីតិវិធីពីលោក ឯក ឆេងហ៊ួត ព្រះរាជអាជ្ញាអមសាលាដំបូងខេត្ត ដឹកនាំដោយលោកវរសេនីយទោ អ៊ឺម ឃឿ នាយរងការិយា ល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្ត បានចុះបង្ក្រាប សម្បុកជួញដូរគ្រឿងញៀនមួយកន្លែង ស្ថិតក្នុងភូមិក្រាំងរលួស ឃុំក្រាំងស្នាយ ស្រុកឈូក ខេត្តកំពត។
ក្នុងករណីចុះប្រតិបត្តិការបង្ក្រាបសម្បុកគ្រឿងញៀនខាង លើកម្លាំងសមត្ថកិច្ចបានចាប់ឃាត់ខ្លួន ជនសង្ស័យបានចំនួន៣នាក់ ដកហូតវត្ថុតាងថ្នាំញៀនប្រភេទម្សៅក្រាម(ម៉ាទឹកកក) បានចំនួន ២៩កញ្ចប់ស្មើនឹង២,៧៩ក្រាម និងឧបករណ៍សម្រាប់ប្រើប្រាស់ និងបម្រើសេវាថ្នាំញៀនមួយចំនួន។ សមត្ថកិច្ចបានឲ្យដឹងថា ជនសង្ស័យទាំងបីនាក់ដែលកម្លាំងសមត្ថកិច្ចឃាត់ខ្លួនរួម មាន៖ ទី១/ឈ្មោះ គិន វ៉ន ភេទប្រុស អាយុ៣៣ឆ្នាំ រស់នៅភូមិ ឃុំកន្លែងកើត ហេតុខាងលើ។
ទី២/ឈ្មោះ យី សេង (ហៅយក្ស) ភេទប្រុស អាយុ២៥ឆ្នាំ រស់នៅភូមិតូច ឃុំក្រាំងស្នាយ ស្រុកឈូក ខេត្តកំពត។ ទី៣/ឈ្មោះ វ៉ន់ លីហួរ ភេទប្រុស អាយុ២០ឆ្នាំ រស់នៅភូមិទឹកថ្លា ឃុំគូស ស្រុកត្រាំកក់ ខេត្តតាកែវ។ បច្ចុប្បន្ន ជនសង្ស័យទាំងបីនាក់ រួមនឹងវត្ថុតាង សមត្ថកិច្ចកំពុងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕
ចែករំលែកព័តមាននេះ