ឈ្មួញវៀតណាមដឹកបន្លែ ផ្លែឈើ ត្រីសាច់ ចូលមកស្រួល…
- ស្វាយរៀង
ខេត្តស្វាយរៀង ៖ ប្រជាពលរដ្ឋបានបង្ហាញនូវការព្រួយបារម្ភពីសុវត្ថិភាពចំណីអាហារ ខណៈសមត្ថកិច្ចបណ្តែតបណ្តោយឱ្យឈ្មួញវៀតណាមដឹកបន្លែ ផ្លែឈើ ត្រីសាច់ ពោះគោ ពោះជ្រូក គ្រឿងក្នុងមាន់ ទា…
ខេត្តស្វាយរៀង ៖ ប្រជាពលរដ្ឋបានបង្ហាញនូវការព្រួយបារម្ភពីសុវត្ថិភាពចំណីអាហារ ខណៈសមត្ថកិច្ចបណ្តែតបណ្តោយឱ្យឈ្មួញវៀតណាមដឹកបន្លែ ផ្លែឈើ ត្រីសាច់ ពោះគោ ពោះជ្រូក គ្រឿងក្នុងមាន់ ទា…
ខេត្តស្វាយរៀង ៖ ប្រជាពលរដ្ឋបានបង្ហាញនូវការព្រួយបារម្ភពីសុវត្ថិភាពចំណីអាហារ ខណៈសមត្ថកិច្ចបណ្តែតបណ្តោយឱ្យឈ្មួញវៀតណាមដឹកបន្លែ ផ្លែឈើ ត្រីសាច់ ពោះគោ ពោះជ្រូក គ្រឿងក្នុងមាន់ ទា
និងសាច់មាន់ទា នំកញ្ចប់ពីប្រទេសវៀតណាម ចូលមកតាមច្រករបៀងកំពង់ស្ពាន ភូមិបាវិតកណ្តាលច្រករបៀងសាលាក្រុងភូមិតាបិប សង្កាត់បាវិត ក្រុងបាវិត ដូចហែកឋិន មានទាំងរថយន្តចំណុះ២,៥តោន រ៉ឺម៉កម៉ូតូ និងម៉ូតូកង់បី រាប់សិបគ្រឿង ដោយពុំមានឃើញសមត្ថកិច្ចណាត្រួតពិនិត្យឡើយ ។
បើតាមអ្នកភូមិបាវិតកណ្តាលបានឱ្យដឹងថា ឈ្មួញវៀតណាមបានដឹកទំនិញពីប្រទេសវៀតណាម ចូលមកក្រុងបាវិតតាមច្រករបៀងកំពង់ស្ពានជាច្រើនខែមកហើយ គឺចាប់ពីម៉ោង៤ទៀបភ្លឺ ឈ្មួញវៀតណាមចាប់ផ្តើមដឹកទំនិញចូលមកដូចគេហែកឋិន ហើយក៏មិនដែលឃើញសមត្ថកិច្ចណាមកត្រួតពិនិត្យទេ មានតែអ្នកមកដាក់កុងត្រូលយកលុយបណ្តាក់គ្នាដូចខ្យង ។
ឈ្មួញដឹកទំនិញទាំងនោះតាមរថយន្តហ៊ីយ៉ាន់ដាយចំណុះ២,៥តោន៤គ្រឿង និងម៉ូតូរ៉ឺម៉ករាប់សិបគ្រឿង យកមកចែកចាយចំនួន៥កន្លែងនៅក្នុងភូមិបាវិតកណ្តាល រួចផ្ទេរដាក់រថយន្តប្រភេទទួរីសចំណុះ១២កៅអី ដឹកចែកចាយតាមផ្សារក្នុងខេត្ត ដឹកទៅរាជធានីភ្នំពេញ និងដាក់តាមកាស៊ីណូក្នុងក្រុងបាវិត ។ ចំណែក២កន្លែងទៀតស្ថិតនៅជាប់ផ្លូវជាតិលេខ១ ស្ថិតក្នុងភូមិតាបិប សង្កាត់បាវិត ក្រុងបាវិត ។
ការបើកដៃឱ្យឈ្មួញវៀតណាមនាំបន្លែ ត្រីសាច់ ពោះគោ ពោះជ្រូក គ្រឿងក្នុងមាន់ទា សាច់ជ្រូកមាន់ទា ចូលតាមច្រករបៀងនេះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់បានចេញសារាចរណែនាំឲ្យអាជ្ញាធរក្រុង ស្រុក ខេត្ត មន្ត្រីជំនាញសហការទប់ស្កាត់ និងបង្ក្រាប ក៏ប៉ុន្តែប្រជាពលរដ្ឋសង្កេតឃើញថា សមត្ថកិច្ចឈរជើងតាមច្រករបៀងនៅតែបើកដៃឱ្យឈ្មួញនាំទំនិញពីប្រទេសវៀតណាម ចូលតាមច្រករបៀងដដែលហាក់ដូចជាផ្គើននឹងប្រសាសន៍សម្តេចក្រឡាហោម ។
ទាក់ទិននឹងករណីនេះ លោក ផឹង និល ប្រធានសាខាកាំកុងត្រូលខេត្តមានប្រសាសន៍ តាមទូរសព្ទ័ថា លោកជ្រាបដែរហើយធ្លាប់ឱ្យមន្ត្រីជំនាញចុះទៅពិនិត្យនៅតាមទីតាំងដែលឈ្មួញស្តុកបន្លែ ផ្លែឈើ ទាំងនោះពីរបីដងមកហើយ ពុំដែលរកឃើញសារជាតិគីមីហាមឃាត់ទេ ទើបចេះតែអនុគ្រោះ ។ ទោះបីជាបែបណា លោកសន្យាថា ចាំលោកផ្តល់របាយការណ៍ជូនតាមក្រោយ ។
ផ្ទុយពីមន្ត្រីជំនាញ ពលរដ្ឋក្រុងបាវិតបានលើកឡើងថា ពួកគាត់មានការព្រួយបារម្ភពីសុវត្ថិភាពចំណីអាហារនេះខ្លាំងណាស់ ជាពិសេសចំពោះក្មេងៗទៅសាលារៀនមានអ្នកលក់ផ្លែឈើគ្រប់មុខ មានសាវម៉ាវ មៀន ផ្លែសារីវៀតណាម នំកញ្ចប់ ចាហួយ និងទឹកសុីរ៉ូ ដោយសមត្ថកិច្ចពិនិត្យតាមផ្សារចាប់បានជាច្រើនករណី ក៏ប៉ុន្តែឈ្មួញភាគច្រើនដឹកលក់តាមម៉ូតូនិងតាមតូបក្បែរសាលារៀន ។
ប្រជាពលរដ្ឋសំណូមពរដល់រាជរដ្ឋាភិបាល មេត្តារឹតបន្តឹងដល់មន្ត្រីជំនាញថ្នាក់ក្រោមជាតិ ជាពិសេសមន្ត្រីសាខាកាំកុងត្រូលខេត្ត ចុះទប់ស្កាត់និងពិនិត្យមុខទំនិញ ផ្លែឈើ ត្រីសាច់ ពោះជ្រូកពោះគោ គ្រឿងក្នុងមាន់ទា នាំចូលពីប្រទេសវៀតណាមតាមច្រករបៀងឱ្យមានប្រសិទ្ធភាព ដើម្បីធានាសុវត្ថិភាពចំណីអាហារ និងសុខភាពប្រជាពលរដ្ឋ ៕
ចែករំលែកព័តមាននេះ