សភានៅក្រុង Guadalajara ប្រទេសមុិកសុិក បានធ្វើវិសោធនកម្មច្បាប់អនុញ្ញាតការរួមរ័កនៅទីសាធារណៈ ដូចជានៅសួនសាធារណៈ ក្នុងរថយន្តជាដើម ។
លោកស្រី María Guadalupe Morfín Otero សមាជិកសភាម្នាក់ ដែលស្នើឲ្យធ្វើវិសោធនកម្មច្បាប់នេះបញ្ជាក់ថា «ការបង្ហាញពីក្ដីស្រឡាញ់ការឱបថើបនៅទីសាធារណៈ មិនមែនជារឿងអាក្រក់ ហើយក៏មិនមែនជាបទឧក្រិដ្ឋ សុទ្ធសឹងសម្តែងពីមនុស្ស និងគួរបានទទួលការគោរពដ៏ខ្ពង់ខ្ពស់» ។
អាជ្ញាធរសង្ឃឹមយ៉ាងមុតមាំថា វិសោធនកម្មលើច្បាប់នេះនឹងជួយការពារមិនឲ្យប៉ូលិសគំរាមដល់យុវវ័យនៅទីសាធារណៈ ។ តាមការអង្កេត លើនិស្សិតក្នុងមហាវិទ្យាល័យមាន៩០ភាគរយ ឆ្លើយថា ធ្លាប់ត្រូវប៉ូលិសគំរាម ដោយមានអំណះអំណាងថា ពួកគេប្រព្រឹត្តខុសនឹងសីលធម៌ ឬប្រព្រឹត្តអំពើអនាចារ ។ ក្រៅពីនេះអាជ្ញាធរសង្ឃឹមថា ប៉ូលិសគួររឹតបន្តឹងលើបទឧក្រិដ្ឋ និងអំពើឃាតកម្មឲ្យប្រសើរជាងមុន ។
ក្នុងរយៈពេល២ខែដំបូងនៃឆ្នាំនេះ មានកើតអំពើឃាតកម្មនៅក្នុងទីក្រុងឡើងដល់២៤៧ករណី កើនលើសពីអំឡុងពេលដូចគ្នានៃឆ្នាំមុនដល់ទៅ២៥ភាគរយ ៕
ចែករំលែកព័តមាននេះ