សារព័ត៌មានបរទេសកាលពីពេល ថ្មីៗកន្លងមកផ្សាយថា ក្មេងប្រុសម្នាក់នៅរដ្ឋអ៊ូដប្រាដែស(Uttar Pradesh) ប្រទេសឥណ្ឌា រងការគំរាមកំហែងដល់ជីវិតពីសាច់ញាតិ ដោយសាររូបគេមានលក្ខណៈខុសប្រក្រតីលើរាងកាយ គឺមានម្រាមដៃ១២ និងម្រាមជើងចំនួន១២ ។
ក្រុមបងប្អូនញតិមិត្តកំពុងរិះរកវិធីសាស្ត្រចាប់កូនចៅរបស់ខ្លួនទៅបូជាយញ្ញ ក្រោយពីមានគ្រូខ្មោចម្នាក់បញ្ជាក់ថាការបូជាយញ្ញលើក្មេងម្នាក់នេះនឹងធ្វើឲ្យក្រុមគ្រួសារមានទ្រព្យសម្បត្តិស្ដុកស្ដម្ភ ។
ដោយសារតែការមានគ្រោះអាសន្នបែបនេះខាងឪពុកម្ដាយបានទៅពឹងប៉ូលិសឲ្យជួយ ខណៈពេលប៉ូលិសនៅក្នុងរដ្ឋបានបញ្ជាក់ថា បច្ចុប្បន្នបានទទួលបណ្ដឹងហើយ និងកំពុងធ្វើការសុើបអង្កេត ។
ពលរដ្ឋជាច្រើនបានអំពាវនាវឲ្យចាត់ការលើគ្រូខ្មោចដោយដាក់ទោស និងខ្លះទៀតអំពាវនាវឲ្យមានចេញច្បាប់មានលក្ខណៈសុក្រឹតដើម្បីភាពយុត្តិធម៌ទៅលើកុមារ ហើយខ្លះទៀតក៏បញ្ជាក់ថារឿងនោះមិនមែនជារឿងចម្លែកនៅក្នុងប្រទេសឥណ្ឌាឡើយ ៕
ចែករំលែកព័តមាននេះ