ខេត្តកំពង់ចាម ៖ មានហេតុការណ៍គួរឲ្យភ្ញាក់ផ្អើលមួយ ដែលកម្របានជួបណាស់ដែលយុវជនម្នាក់ឈ្មោះ រុន រាជអាយុ២៤ឆ្នាំ នៅភូមិកោះចិន ឃុំកំពង់រាប ស្រុកកោះសូទិន បានផឹកស្រាស្រវឹង…
ខេត្តកំពង់ចាម ៖ មានហេតុការណ៍គួរឲ្យភ្ញាក់ផ្អើលមួយ ដែលកម្របានជួបណាស់ដែលយុវជនម្នាក់ឈ្មោះ រុន រាជអាយុ២៤ឆ្នាំ នៅភូមិកោះចិន ឃុំកំពង់រាប ស្រុកកោះសូទិន បានផឹកស្រាស្រវឹង ហើយប្រព្រឹត្តនូវទង្វើ
មិនគប្បីដោយបានចាប់កូនឆ្កែហែកស៊ីទាំងរស់ចំនួន០៣ក្បាល ស៊ីគីង្គក់អស់១ក្បាល និងស៊ីកូនឆ្មារ
ទាំងរស់០១ក្បាលថែមទៀត។ ហេតុការណ៍ភ្ញាក់ផ្អើលនេះកើតឡើង នៅវេលាម៉ោង៧ និង៣០នាទីយប់
ថ្ងៃទី០៨ កញ្ញា ២០១៨ បង្កឲ្យភ្ញាក់ផ្អើលដល់ពលរដ្ឋ និងសមត្ថកិច្ច ចុះទៅតាមឃ្លាំមើលផងដែរ។
លោកវរសេនីយ៍ឯក អ៊ឹម ខឿន អធិការនគរបាលស្រុកកោះសូទិនប្រាប់ឲ្យដឹងថា មួយរយៈនេះយុវជន
ខាងលើបានបាត់ចេញពីផ្ទះទៅលេងម្តាយនៅភ្នំពេញជាច្រើនថ្ងៃ ហើយផ្ទះនៅភូមិកោះចិន បានបិទទ្វារ
ចាក់សោ។
លុះពេលត្រឡប់មកវិញទើបតែបាន៤ទៅ៥ថ្ងៃ នៅព្រឹកថ្ងៃទី០៨ កញ្ញា បានចេញទៅច្រូតស្មៅ ជាមួយនឹងជិតខាង លុះពេលត្រឡប់មកវិញបានទិញស្រាផឹកម្នាក់ឯងនៅលើផ្ទះឈើរបស់ខ្លួន។
អធិការនគរបាលស្រុកកោះសូទិនប្រាប់បន្តថា មុនផឹកដោយបានប្រាប់ទៅអ្នកជិតខាងថាសូមឲ្យជួយ
ប្រាប់ដល់សាច់ញាតិរបស់ខ្លួនថា«ល្ងាចនេះរូបគេមិនដូចមិនស្រួលខ្លួនទេ សូមជួយប្រាប់ទៅបងប្អូនឲ្យ
បានដឹង និងស្រះរបងបិទ ព្រោះក្នុងខ្លួនដូចមានមនុស្សប៉ុន្មាននាក់អ៊ីចឹង»។ លុះដល់វេលាម៉ោង៧ និង៣០នាទីយប់ ស្រាប់តែឮសូរសំឡេងឆ្កែស្រែក ហើយពលរដ្ឋបានឮក៏នាំគ្នាមកបញ្ចាំងភ្លើងពិលមើលក៏ឃើញយុវជននេះបានហែក កូនឆ្កែស៊ីទាំងរស់ពិតជាគួរឲ្យខ្លាច។ សូមបញ្ជាក់ថា កូនឆ្កែដែលបានហែកស៊ីទាំងរស់ចំនួន០៣ក្បាល (ស៊ីអស់០២ក្បាល ក្នុងនោះ០១ក្បាលហែកខាំស៊ីត្រង់បំពង់កហុតឈាម) និងស៊ីគីង្គក់ទាំងរស់ចំនួន០១ក្បាល ហើយស៊ីកូនឆ្មាទាំងរស់ចំនួន០១ក្បាល សត្វទាំងនេះជារបស់ខ្លួន។
ដោយឃើញក្នុងសភាពបែបនេះពលរដ្ឋ បានរាយការណ៍មករូបលោក ហើយក៏បានចាត់ឲ្យនាយរងប៉ុស្តិ៍រដ្ឋបាលកំពង់រាប និងប្រជាការពារចុះទៅដល់ ផ្ទះនោះ តែមិនបានឃើញយុវជនឈ្មោះ រាជ នៅផ្ទះទេ។ ដោយទទួលបានបញ្ជាពីលោកស្នងការនគរបាលខេត្ត និងស្នងការរងនគរបាលខេត្តទទួលផែនព្រហ្មទណ្ឌនោះបានចាត់ឲ្យកម្លាំងនៅឃ្លាំមើល រហូតដល់វេលាម៉ោង៩ និង១៥នាទីយប់ យុវជននោះបានត្រឡប់មកឡើងលើផ្ទះរបស់ខ្លួនវិញ ព្រមទាំងបានបិទទ្វារដេក។ ដោយបារម្ភខ្លាចពលរដ្ឋក្នុងភូមិមានគ្រោះថ្នាក់កើតឡើង សមត្ថកិច្ចបាននៅតាមឃ្លាំមើលរហូតដល់ វេលាម៉ោង៨ព្រឹក ថ្ងៃទី០៩ កញ្ញា បានទៅគោះទ្វារឲ្យបើក តែមិនត្រូវបានយុវជនដែលមានស្មារតីខុសពីធម្មតា ព្រមបើកឲ្យនោះទេថែមទាំងបានឆ្លើយថានៅដេក។
ស្ត្រីឈ្មោះ ហេង អេង អាយុ៤៣ឆ្នាំ ត្រូវជាម្តាយយុវជនខាងលើប្រាប់ថា កូនរបស់គាត់បានចេញពីស្រុកកំណើតមករស់នៅរាជធានីភ្នំពេញ ដោយបានប្រកបរបរលក់ផ្លែឈើដឹកតាមរ៉ឺម៉កម៉ូតូ នៅមុខរោងចក្រកាត់ដេរសម្លៀកបំពាក់នៅតាមផ្លូវវេងស្រេង រាល់ថ្ងៃលុះពេលយប់ទើបត្រឡប់មកផ្ទះ។ កូនប្រុសឈ្មោះ រាជ ចេះតែរករឿងដោយបានទារត្រឡប់មកផ្ទះ នៅស្រុកកោះសូទិន តែគាត់បានប្រាប់ថាកូនកុំអាលមកអីត្រូវនៅលក់បន្តទៀត ព្រោះជិតដល់រដូវបុណ្យ ភ្ជុំបិណ្ឌហើយ។ ចុងក្រោយគាត់បានដកសោម៉ូតូទុកដោយបានទិញផ្លែឈើដើម្បីឲ្យលក់បន្តទៀត តែកូននេះមិនព្រមហេតុតែខឹងក៏បានត្រឡប់មកផ្ទះនៅកោះសូទិនវិញ។
កូនប្រុសនេះកាលពីមុនធ្លាប់បានមុតរណាត្រូវដៃ តែគាត់មិនបានចាប់អារម្មណ៍យកទៅចាក់វ៉ាក់សាំងការពារតេតាណូស និងក្រោយមកទៀតក៏ស្រាប់តែប្រកាច់ដោយមានមនុស្ស៤ទៅ៥នាក់មកចាប់នឹងបានយកទៅពេទ្យរុស្សី នៅភ្នំពេញបន្តបន្ទាប់២លើកស្មើ២អាទិត្យ។ ហើយពេទ្យគេបានមើលប្រាប់ថា កូនប្រុសចូលកើតរោគសសៃប្រសាទ និងបានឲ្យថ្នាំពេទ្យយកមកលេបនៅផ្ទះតែកូនប្រុសមិនព្រមលេបនោះទេដោយបានបោះថ្នាំចោល ហើយជំងឺចាប់ពីពេលនោះមកជិត៣ឆ្នាំហើយមកទល់សព្វថ្ងៃនេះទោះបីជាគាត់បានមកដល់ផ្ទះនៅស្រុកកំណើតប្រឹងនិយាយលួងលោមយ៉ាងណាក្តីក៏កូនប្រុសមិនព្រមបើកទ្វារចុះមកដីនោះទេ ដូច្នេះមានតែពឹងសមត្ថកិច្ចឲ្យសង្គ្រោះកូនប្រុសគាត់។
លោកវរសេនីយ៏ឯក អ៊ឹម ខឿន អធិការនគរបាលស្រុកកោះសូទិន បញ្ជាក់ថា ជាមួយនោះរូបលោកបា
នឆ្លងយោបល់មកលោក ហួត វុទ្ធី ព្រះរាជអាជ្ញាអមសាលាដំបូងខេត្តផងដែរ។ តែដោយសារយុវជននោះ
មិនទាន់បានប្រព្រឹត្តនូវទង្វើអ្វីមួយក្នុងបទល្មើសព្រហ្មទណ្ឌ គ្រាន់តែឲ្យនៅតាមឃ្លាំមើលរហូត។ ស្រាប់តែ
នៅវេលាម៉ោងប្រមាណ១១ព្រឹក ថ្ងៃទី០៩ កញ្ញា យុវជនឈ្មោះ រាជ បានលើកពាងប្រហុកមកបើកស៊ីនៅ
មាត់ច្រកចូលក្នុងផ្ទះឈើ សមត្ថកិច្ចមិនហ៊ានឡើងទៅទេដោយខ្លាចគ្រោះថ្នាក់។ នៅរសៀលថ្ងៃដដែ
លរូបលោកបានដឹកនាំកម្លាំងព្រហ្មទណ្ឌស្រុកចុះដល់ផ្ទះកើតហេតុ យុវជននោះបានចាប់មាន់១ក្បាល
ដោយហែកស៊ីជញ្ជក់ឈាមរួចបានបោះមកដី។
ពេលដែលម្តាយមកដល់ប្រឹងបានអុជធូបបួងសួងដល់
ដូនតា និងបានប្រឹងហៅកូនប្រុសនោះ ឲ្យចុះមកដីដោយបានចុះបានតែបន្តិចក៏រត់ឡើងទៅលើផ្ទះវិញ។
មកដល់វេលាម៉ោងជិត៦ល្ងាច រូបលោកនូវតែបន្តដឹកនាំកម្លាំងឃ្លាំមើលយុវជនដែលមានសតិមិនប្រក្រ
តីនោះបន្តទៀត ចុងក្រោយបានប្រើវិធីសាស្ត្រដោយបញ្ឆោតឲ្យយុវជននោះ ទើបចាប់បានហើយប្រគល់ឲ្យម្តាយយកទៅទុកនៅវត្តសិន ហើយនឹងបន្តព្យាបាលជំងឺ៕
https://youtu.be/QN0rSdEdCAw
ចែករំលែកព័តមាននេះ