ទីក្រុងហូជីមិញ ៖ យោងតាមរបាយការណ៍មួយរបស់ក្រុមហ៊ុន Uoolu ដែលបានចេញកាលពីថ្ងៃទី៣១ ខែសីហាឆ្នាំ២០១៨ បានឲ្យដឹងថា ប្រទេសវៀតណាមស្ថិតក្នុងចំណោមទីផ្សារធំៗទាំង១០ដែលទទួលបានចំណាប់អារម្មណ៍ពីវិនិយោគិនអចលនទ្រព្យ ក្រោមការគំនិតផ្តួចផ្តើមខ្សែក្រវាត់ និងវិថី របស់ប្រទេសចិន បានច្រើនជាងគេ ។
ការផ្តួចផ្តើមខ្សែក្រវាត់ និងវិថី នេះ ត្រូវបានស្នើឡើងដោយរដ្ឋាភិបាលចិនកាលពីឆ្នាំ២០១៣ ដើម្បីពង្រឹងទំនាក់ទំនងជាមួយនឹងប្រទេសអាស៊ីដទៃ ។ តាំងពីពេលនោះមក សកម្មភាពរវាងប្រទេសចិន និងប្រទេសក្នុងតំបន់អាស៊ី កើនឡើងកាន់តែខ្លាំងឡើងក្នុងផ្នែកការវិនិយោគលើអចលនទ្រព្យ ។
ក្នុងរបាយការណ៍ខាងលើ Uoolu បានជ្រើសយកប្រទេសចំនួន៨ក្នុងអាស៊ីអាគ្នេយ៍ និង២ប្រទេសមកពីមជ្ឈិមបូព៌៌ាដោយយោងទៅតាមសន្ទស្សន៍អភិវឌ្ឍន៍ ដើម្បីវាយតម្លៃលើហារនិភ័យនៃការវិនិយោគក្នុងតំបន់ ។
ប្រទេសទាំង១០ត្រូវបានចាត់តាំងដោយយោងតាមលក្ខណៈវិនិច្ឆ័យខុសៗគ្នាដូចជាអត្រាលូតលាស់នៃតម្លៃផ្ទះជាដើម ។ ទិន្នន័យនេះបង្ហាញពីទីផ្សារដែលសំខាន់និងងាយចូលវិនិយោគក្នុងតំបន់ រួមទាំងប្រជាសាស្ត្រនៃវិនិយោគិនជនជាតិចិនផងដែរ ។
វិនិយោគិនធំៗមានអាយុរវាងពី៣០ទៅ៤៩ឆ្នាំ និងភាគច្រើនមកពីវិស័យថ្មីៗ ។ វិនិយោគិនដែលមកពីផ្នែកបច្ចេកវិទ្យាព័ត៌មាន និងអុិនធើរណេតស្មើប្រមាណ៣១%នៃវិនិយោគិនដែលបើកដំណើរការអាជីវកម្មបច្ចេកវិទ្យាទូរស័ព្ទ និងផ្តល់សេវាកម្មថ្មីៗ ៕
ចែករំលែកព័តមាននេះ