ADផ្ទាំងផ្សព្វផ្សាយពាណិជ្ជកម្ម

Picture

មិនដឹងថា​ជើង​ខ្លាំង​កម្ពុជាប៉ះ​​ជើង​ខ្លាំង​ថៃ​យ៉ាង​ម៉េច​ដែរ តោះ​ទាយ!!!

5 ឆ្នាំ មុន
  • ភ្នំពេញ

រាជធានី​ភ្នំពេញ ៖ នៅ​ទីបំផុត ជំនួប​រវាង​កីឡាករ​ជើង​ខ្លាំង​វ័យក្មេង​របស់​កម្ពុជា​និង​ថៃ​ត្រូវ បាន​កំណត់​ហើយ គឺ​ល្ងាច​ថ្ងៃ​សៅរ៍​ទី​៨ ខែកញ្ញា នៅ​សង្វៀន​ស្ថានីយទូរទស្សន៍​ប៉ុស្ដិ៍​លេខ​៥ ដោយ​កីឡាករ​កម្ពុជា ទេស…

រាជធានី​ភ្នំពេញ ៖ នៅ​ទីបំផុត ជំនួប​រវាង​កីឡាករ​ជើង​ខ្លាំង​វ័យក្មេង​របស់​កម្ពុជា​និង​ថៃ​ត្រូវ
បាន​កំណត់​ហើយ គឺ​ល្ងាច​ថ្ងៃ​សៅរ៍​ទី​៨ ខែកញ្ញា នៅ​សង្វៀន​ស្ថានីយទូរទស្សន៍​ប៉ុស្ដិ៍​លេខ​៥ ដោយ​កីឡាករ​កម្ពុជា ទេស ជីវ៉ា ប្រកួត​ជាមួយ​កីឡា​ករ​ថៃ Pich Srakkeo ដែល​គេ​ស្គាល់​ថា​ជា​ជើង​ខ្លាំង​និង​កំពុង​មាន​សន្ទុះ​ខ្លាំង ។

ជំនួប​ប្រកួត​រវាង​កីឡាករ​ជើង​ខ្លាំង​ប្រទេស​ទាំង​ពីរ​នេះ នឹង​ត្រូវធ្វើ​ឡើង​នៅ​សង្វៀន​ស្ថានីយ​ទូរទស្សន៍​ប៉ុស្ដិ៍​លេខ​៥ ស្ថិត​នៅ​ព្រែក​កំពឹស​ជាយ​រាជធានី​ភ្នំពេញ ដែល​ការ​ប្រកួត​នោះ​គឺ​ក្នុង​ព្រឹត្តិ​ការណ៍​ប្រកួត​ជើងឯក TV5 Boxing Knock Out Series By K-Cement ដែល​មាន​កីឡាករ​ប្រកួត​គ្នា​ចាញ់​ធ្លាក់​ៗ ដើម្បី​យក​កៅអី​៤​នាក់​ទៅ​កាន់​វគ្គ​បន្ត ។

ការ​ប្រកួត​ដែល​ចាប់ផ្ដើម​ពី​ម៉ោង​៦​ល្ងាច​ទៅ ត្រូវ​គេ​មើលឃើញ​ថា មានការ​រំពឹង​ខ្ពស់​មិន​ខុស​ពី​ការ​ប្រកួត​អន្តរជាតិ​មុន​ៗ​នោះ​ទេ ដោយសារ​តែ​ភាព​ជាក់ស្ដែង​គឺ​ព្រឹត្តិការណ៍​ដំណើរ​ការ​ចំ​ពេល​ល្ងាច​ថ្ងៃ​សម្រាក ដែល​ជា​ថ្ងៃ​មនុស្ស​ម្នា​នៅ​តំបន់​ព្រែក​កំពឹស​និយម​មក​ទស្សនា​កកកុញ ស្រប​ពេល​ដែល​នៅ​តំបន់​ប៉ុស្ដិ៍​លេខ​៥​ក៏​មាន​កំណើន​អ្នក​រស់នៅ​ច្រើន​ឡើង ក្រោយ​ពី​មាន​វត្តមាន​សំណង់​បុរី​ព្រោងព្រាត ។

កីឡាករ​កម្ពុជា​ត្រូវ​បាន​គេ​ចាប់អារម្មណ៍​ហួសប្រមាណ ក្រោយ​ពី​មានការ​ប្រកាស​ថា​តម្រូវ​ឲ្យ​ស្វាគមន៍​ជើង​ខ្លាំង​មក​ពី​ប្រទេស​ថៃ កង កែវ​វ៉ា​ន ដែល​អ្នក​ណា​ៗ​ក៏​ស្គាល់​ថា​ជា​ជើង​ខ្លាំង​ម្នាក់ ទើប​ទទួល​បាន​ខ្សែក្រវាត់​ជើងឯក និង​មាន​ប្រវត្តិ​វាយ​ឈ្នះ​គូប្រកួត​រាប់​មិន​អស់ ដោយ​ឈ្នះ​ទាំង​គូប្រកួត​ជើង​ខ្លាំង​ៗ​ផង​មិនធម្មតា ។

វត្តមាន​កីឡាករ​កម្ពុជា​និង​ថៃ​ក្នុង​ស​ប្ដា​ហ៍​នេះ មិន​ថា​ការ​ប្រកួត​ជា​លក្ខណៈ​អន្តរជាតិ ឬ​ការ​ប្រកួត​ជា​លក្ខណៈ​មិត្តភាព​ក្នុងស្រុក​ទេ ពិត​ជា​ធ្វើ​ឲ្យ​អ្នក​ស្នេហា​វិស័យ​ប្រដាល់​មាន​ការ​ចាប់​អារម្មណ៍ ។ ជា​ពិសេស​គឺ​វត្តមាន​របស់​កីឡាករ ទេស ជីវ៉ា ដោយសារ​តែ​កីឡាករ​រូប​នេះ ត្រូវ​គេ​ដឹង​ថា​ជា​ជើង​ខ្លាំង ហើយ​ម្នាក់​ៗ​កំពុង​ចាំ​តាម​ដាន​ថា តើ​គេ​នឹង​កាន់តែ​បង្កើន​សន្ទុះ​នៅ​ពេល​ប៉ះ​ជាមួយ​ជើង​ខ្លាំង​មក​ពី​ប្រទេស​ថៃ ឬ​ក៏​អត់​សម្រាប់​ជំនួប​នេះ ។

វត្តមាន​របស់​សមាសភាព​គូ​អន្តរជាតិ​នេះ ត្រូវ​បាន​គេ​អះអាង​ថា មានការ​សម្រាំង​យ៉ាង​ពិសេស ដើម្បី​ឲ្យ​អ្នក​ទស្សនា​កាន់តែ​កន្ត្រាក់​អារម្មណ៍ ក្នុង​ពេល​ដែល​ស​ប្ដា​ហ៍​នេះ​គឺជា​ការ​ប្រកួត​រវាង​អ្នក​ឈ្នះ​៨​នាក់​ក្នុង​ព្រឹត្តិការណ៍​ដណ្ដើម​ជើងឯក​នៅ​សង្វៀន​ប៉ុស្ដិ៍​លេខ​៥ ដើម្បី​ជម្រុះ​យក​តែ​៤​នាក់​សម្រាប់​ជុំ​ថ្មី​ផង ។

លោក សេង ក​ដិ​កា បញ្ជាក់​ថា សមាសភាព​ខាង​កម្ពុជា​សម្រាប់​ការ​ប្រកួត​ជាមួយ​ថៃ លោក​ជឿជាក់​ខ្លាំង​លើ​កីឡាករ ទេស ជីវ៉ា ដោយសារ​តែ​កីឡាករ​រូប​នេះ ធ្លាប់​មាន​ស្នាដៃ​រាប់​មិន​អស់ ហើយ​លោក​ជឿ​ថា កណ្ដាប់ដៃ​និង​ភាព​ខ្លាំង​របស់​គេ​នឹង​ល្អ ទើប​លោក​សម្រេច​ដាក់​ឲ្យ​ប្រកួត​ជា​លក្ខណៈ​អន្តរជាតិ ក្នុង​ស​ប្ដា​ហ៍​ប្រកួត​ជម្រុះ​រវាង​កីឡាករ​ខ្លាំង​ៗ​លើក​នេះ ។ លោក​ប្រកាស​ថា វត្តមាន​របស់​កីឡាករ​ថៃ ហា​ឆ្លាម លោក​ទុកចិត្ត​កីឡាករ​កម្ពុជា​រូប​នេះ ទើប​លោក​ហ៊ាន​សម្រេច​ផ្គូផ្គង បើ​ទោះជា​មាន​អ្នកគាំទ្រ​ភាគច្រើន​ថា​កីឡាករ​កម្ពុជា​អាច​នឹង​ពិបាក​ទប់​ជាមួយ​កីឡាករ​ថៃ​ក៏​ដោយ ។

លោក​បាន​កំណត់​ឲ្យ​កីឡាករ​កម្ពុជា​រូប​នេះ ហ្វឹកហាត់​ជាប់លាប់​មិន​តិច​ជាង​១​ស​ប្ដា​ហ៍​ឡើយ មុន​ពេល​ផ្គូផ្គង ទើប​លោក​យល់​ពី​កីឡាករ​កម្ពុជា​រូប​នេះ​គ្រប់គ្រាន់​សម្រាប់​ឲ្យ​ប៉ុស្តិ៍​លេខ​៥​ដាក់​ឲ្យ​ប្រកួត​ជា​លក្ខណៈ​អន្តរជាតិ នៅ​ថ្ងៃ​សៅរ៍​ទី​៨ ខែកញ្ញា ។ កីឡាករ​កម្ពុជា​និង​ថៃ សុទ្ធតែ​ត្រូវ​បាន​អះអាង​ថា​មានការ​ត្រៀមខ្លួន​ច្បាស់លាស់ ដោយសារ​តែ​ភាគី​ម្ខាង​ៗ​ចង់​ឈ្នះ​ការ​ប្រកួត​រៀង​ៗ​ខ្លួន និង​មិន​ចង់​បាត់បង់​ក្រេ​ឌី​ត​ក្រោយ​ពេល​ប៉ះ​គ្នា ។

មួយគូ​នេះ មានការ​ចាប់អារម្មណ៍​ភាគច្រើន ថា​នឹង​មាន​អ្នក​ស្នេហា​វិស័យ​ប្រដាល់​ជក់ចិត្ត ដោយ​សារ​ជា​បទ​ពិសោធន៍ កីឡាករ​កម្ពុជា ទេស​ជីវ៉ា មិនសូវ​មាន​ទម្លាប់​ឡើង​វ៉ៃ​លាក់​ដៃ​ស្រាប់​ទៅ​ហើយ ហើយ​បើ​និយាយ​ពី​ភាព​ក្លាហាន និង វាយ​ស៊ូ គឺ​លោក​ពេញចិត្ត ។ ជំនួប​អន្តរជាតិ​ដែល​បាន​ធ្វើ​ឡើង​នៅ​សង្វៀន​ស្ថានីយទូរទស្សន៍​ប៉ុស្តិ៍​លេខ​៥ មិនមែន​សុទ្ធតែ​រន្ថាន់​ព្រឹត្តិការណ៍​ជើងឯក​ឲ្យ​អ្នក​ទស្សនា​កាន់តែ​មាន​អារម្មណ៍​កញ្ជ្រោល​នោះ​ទេ ប៉ុន្តែ​សម្រាប់​ជំនួប​រវាង​កីឡាករ​ទាំង​២​រូប​នេះ លោក​ជឿជាក់​ថា​នឹង​កក្រើក ដោយសារ​កី
ឡាករ​ថៃ លោក​ស្គាល់​ថ្វីដៃ​ច្បាស់​ហើយ​ថា មិន​ធម្មតា ហើយ​សម្រាប់​កីឡាករ​កម្ពុជា​វិញ ក៏​ល្អ​ស្ថិត​ក្នុង​ទំនុកចិត្ត​លោក​តាំងពី​មុន​ផ្គូផ្គង ។

ទោះជា​យ៉ាងណា សម្រាប់​កីឡាករ​កម្ពុជា​ថ្វី​ដ្បិតថា​រូប​លោក​និង​អ្នកគាំទ្រ​ទុកចិត្ត​ពី​សមត្ថ​​ភាព តែបើ​គេ​ប្រកួត​មិនល្អ ឬ​មិន​អស់ពី​សមត្ថ​ភាព​ក៏​ពិតជា​រង​ការ​រិះគន់​មិន​តិច​ដែរ ។ ដោយ​ឡែក​សម្រាប់​គូប្រកួត​ដែល​ប្រកួត​ជម្រុះ​ដណ្ដើម​យក​កៅអី​៤​នាក់ ក្នុង​ចំណោម​អ្នក​ឈ្នះ​៨​នាក់​សម្រាប់​ព្រឹត្តិការណ៍​ដណ្ដើម​ជើងឯក​នៅ​ស​ប្ដា​ហ៍​នេះ ក៏​មានការ​អះអាង​ថា ត្រៀមខ្លួន​មិនធម្មតា​ដែរ ដើម្បី​កុំ​ឲ្យ​បាត់បង់​ឱកាស​ទៅ​កាន់​វគ្គ​បន្ត ៕

អត្ថបទសរសេរ ដោយ

កែសម្រួលដោយ