ខេត្តបន្ទាយមានជ័យ ៖ បុរសជនជាតិចិនម្នាក់ សង្ស័យប្រើថ្នាំចូលអីៗនៅហាងម៉ាស្សាកោសជប់ បានគាំងបេះដូងស្លាប់ ពេលបញ្ជូនទៅកាន់មន្ទីរពេទ្យបង្អែកក្រុងប៉ោយប៉ែត ។ ហេតុការណ៍នេះ កើតឡើងកាលពីវេលាទៀបភ្លឺថ្ងៃទី៦ ខែកញ្ញា នៅហាងម៉ាស្សាមួយកន្លែង ក្នុងប្លុកកាស៊ីណូ ក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ។
បុរសចិនដែលស្លាប់នេះឈ្មោះWu Quanzhong អាយុ២៧ឆ្នាំ កាន់លិខិតឆ្លងដែនលេខE៦១៨៧០៩៥៥ ។ តាមប្រភពព័ត៌មានថា មុនកើតហេតុបុរសចិនខាងលើបានចូលទៅហាងម៉ាស្សាកោសជប់មួយកន្លែងនៅប្លុកកាស៊ីណូ ។
យោងតាមរបាយការណ៍សមត្ថកិច្ច ម្ចាស់ហាងម៉ាស្សាខាងលើប្រាប់ថា ខណៈគាត់និងប្រពន្ធកូនកំពុងដេក ស្រាប់តែឮសំឡេងស្រែកឆោឡោ លុះចេញមកមើល ក៏ឃើញបុរសចិនម្នាក់ក្នុងចំណោម២នាក់ដៃជើងញ័រទទ្រើត និងបញ្ឈរភ្នែក បន្ទាប់មកក៏មានសន្តិសុខកាស៊ីណូដឹកតាមម៉ូតូទៅគ្លីនិកមួយនៅក្បែរនោះ តែខាងគ្លីនិកនោះមិនហ៊ានទទួលព្យាបាលទេ ។
ប្រភពពីម្ចាស់គ្លីនិកនិយាយថា ហេតុផលដែលមិនហ៊ានទទួល គឺដោយសារសង្ស័យថាជនរងគ្រោះស្លាប់បាត់ទៅហើយ និងប្រាប់ឲ្យបញ្ជូនបន្តទៅមន្ទីរពេទ្យបង្អែកក្រុងប៉ោយប៉ែត ។ លោកវេជ្ជបណ្ឌិត ហ៊ុល សុផល្លី ប្រធានមន្ទីរពេទ្យបង្អែកក្រុងប៉ោយប៉ែត ប្រាប់តាមទូរស័ព្ទថា ពិតជាមានបុរសជនជាតិចិនម្នាក់ស្លាប់មែន ប៉ុន្តែជនរងគ្រោះបានស្លាប់មុនពេលចូលដល់មន្ទីរពេទ្យ ។
ប្រភពព័ត៌មានថា ដំបូងគណៈកម្មការចម្រុះបានធ្វើតេស្តិទឹកនោមរបស់ជនរងគ្រោះ តែជាលទ្ធផលពុំមានពាក់ព័ន្ធនឹងគ្រឿងញៀនទេ ។ ប្រភពដាច់ដោយឡែកមួយទៀតនិយាយថា ជនរងគ្រោះមានទឹកកាមនៅចុងលិង្គ ដែលអាចសង្ស័យថា ទើបមកពីអីៗហើយកើតខ្យល់គរតែម្តង ។
ជុំវិញករណីនេះ រហូតដល់រសៀលថ្ងៃដដែលទើបចេញជាលទ្ធផល គឺយោងតាមការត្រួតពិនិត្យនិងធ្វើកោ សល្យវិច័យរបស់គ្រូពេទ្យនិងសមត្ថកិច្ច បានសន្និដ្ឋានថា ជនរងគ្រោះអាចស្លាប់ដោយសារខ្យល់គរ មិនពាក់ព័ន្ធនឹងករណីអ្វីផ្សេងឡើយ ។ សមត្ថកិច្ចជំនាញបញ្ជាក់ថា សពត្រូវបានតម្កល់នៅមន្ទីរពេទ្យបង្អែកក្រុង
ប៉ោយប៉ែតរង់ចាំសាច់ញាតិដែលកំពុងធ្វើដំណើរមកពីប្រទេសចិនមកទទួលយក ៕
ចែករំលែកព័តមាននេះ