សត្វអានាលដ៏កម្ររាប់សិបក្បាលរកចំណីតាមព្រំដែន ប្រជាពលរដ្ឋបារម្ភខ្លាច
- ស្វាយរៀង
ខេត្តស្វាយរៀង ៖ មានសត្វអានាលមួយហ្វូងប្រមាណជា៥០ក្បាលបានមករកស៊ីនៅតាមវាលស្រែជិតព្រំដែនស្ថិតនៅភូមិតាបិប សង្កាត់បាវិ តក្រុងបាវិត។ សត្វអានាលគឺជាសត្វដ៏កម្រជិតផុតពូជទៅហើយ ទើបតែមួយខែចុងក្រោយនេះគេឃើញសត្វអានាលមួយហ្វូងមករកចំណីនៅក្នុងវាលស្រែជិតព្រំដែនកម្ពុជា-វៀតណាម ។ នៅពេលព្រឹកគេតែងតែឃើញពួកវាហើរចុះរកចំណីរហូតដល់ម៉ោង៥ល្ងាច ក៏នាំគ្នាហើរចេញទៅវិញមិនដឹងថា…
នៅពេលព្រឹកគេតែងតែឃើញពួកវាហើរចុះរកចំណីរហូតដល់ម៉ោង៥ល្ងាច ក៏នាំគ្នាហើរចេញទៅវិញមិនដឹងថា ពួកវាទៅដេកនៅឯណានោះទេ។ ដូច្នេះប្រជាពលរដ្ឋមានការព្រួយបារម្ភខ្លាចមានអ្នករកស៊ីទាក់សត្វស្លាបមកដាក់ជង់ចាប់សត្វអានាលទាំងនោះ ។
ដោយបច្ចុប្បន្នមានអ្នកទាក់សត្វស្លាប ដូចជាសត្វលលក កុក ស្លាបត្រពាំង ក្រួច ។ល។ យកទៅព្យួរលក់តាមដងផ្លូវជាតិលេខ១ យ៉ាងរំភើយ ទើបប្រជាពលរដ្ឋមានការព្រួយបារម្ភ ក៏ប៉ុន្តែមិនដឹងថា ការពារ និងអភិរក្សសត្វអានាលទាំងនោះបានឬទេ ពីព្រោះសត្វអានាលទាំងនោះមករកស៊ីនៅពេលថ្ងៃ ពេលយប់ហើរទៅដេកកន្លែងផ្សេងបែបនេះ៕
ចែករំលែកព័តមាននេះ