ស្ត្រីបីកូនខ្ចីប៉ងរត់ចូលឡាន…ទទួលអំណោយហើយ
- ស្វាយរៀង
ខេត្តស្វាយរៀង ៖ នៅរសៀលថ្ងៃទី៥ ខែកញ្ញា ឆ្នាំ២០១៨ លោក ម៉ែន វិបុល ប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀងបានចាត់ឲ្យក្រុមការងារសាខាដឹកនាំដោយ លោក…
ខេត្តស្វាយរៀង ៖ នៅរសៀលថ្ងៃទី៥ ខែកញ្ញា ឆ្នាំ២០១៨ លោក ម៉ែន វិបុល ប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀងបានចាត់ឲ្យក្រុមការងារសាខាដឹកនាំដោយ លោក…
ខេត្តស្វាយរៀង ៖ នៅរសៀលថ្ងៃទី៥ ខែកញ្ញា ឆ្នាំ២០១៨ លោក ម៉ែន វិបុល ប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀងបានចាត់ឲ្យក្រុមការងារសាខាដឹកនាំដោយ លោក សរ វណ្ណា នាយកសាខាព្រមទាំងមន្ត្រីអនុសាខាស្រុកនាំយកអំណោយមនុស្សធម៌របស់សាខាទៅផ្តល់ជូនគ្រួសារងាយរងគ្រោះ ឈ្មោះ សូ មុំ អាយុ២៨ឆ្នាំ ជាប្រពន្ធ និងប្តីឈ្មោះយស់ កាន់ អាយុ២៧ឆ្នាំ ជាកម្មករលីសែងគ្រឿងសំណង់ បច្ចុប្បន្នរស់នៅភូមិសំបួរ ឃុំសំបួរ ស្រុកស្វាយទាប គ្មានផ្ទះផ្ទាល់ខ្លួនរស់នៅជាមួយម្តាយជាស្ត្រីមេម៉ាយកូនច្រើន មានជីវភាពខ្វះខាត ។
ក្នុងឱកាសនោះ លោក សរ វណ្ណា នាយកសាខាតំណាងលោកម៉ែន វិបុល ប្រធានគណៈកម្មាធិការសាខាមានមតិសាកសួរសុខទុក្ខផ្តាំផ្ញើ និងបានណែនាំកុំឲ្យគិតខ្លីទៀត ត្រូវខិតខំកសាងខ្លួនប្រកបរបររកស៊ីបន្តទៀតនៅផ្ទះដាំដំណាំរួមផ្សំចិញ្ចឹមសត្វដើម្បីផ្គត់ផ្គង់ជីវភាពគ្រួសារ។
អំណោយដែលបានផ្តល់ជូនមានអង្ករ២បាវ ទម្ងន់៦០គីឡូក្រាម ធុងទឹកជ័រ១ កន្ទេលបត់មួយ ឆ្នាំងបាយសម្ល២ មី១កេស ត្រីខ១០កំប៉ុង ទឹកស៊ីអីវ៦ដបកញ្ចប់ ឃីតមាន(ភួយ មុង សារ៉ុង ក្រម៉ា) និងថវិកា២០០.០០០រៀល។
សូមរំលឹកថា កាលពីវេលាម៉ោង១២និង៣០នាទីថ្ងៃត្រង់ថ្ងៃទី៤ កញ្ញា ២០១៨ នៅលើផ្លូវជាតិលេខ១ ស្ថិតនៅភូមិសម្ភ័រ ឃុំសំបួរ ស្រុកស្វាយទាប មានករណីស្ត្រីម្នាក់ឈ្មោះសូ មុំ តូចចិត្តគ្មានលុយកាក់ចិញ្ចឹមកូន និងខឹងប្តីមិនមកផ្ទះបានគិតខ្លីបីកូនស្រីអាយុ៣ខែរត់ចូលឡានប៉ងធ្វើអត្តឃាត តែសំណាងល្អបានអ្នកស្រុកជួយទាន់ ហើយប្តឹងសមត្ថកិច្ចឲ្យមកនាំយកទៅអប់រំ និងហៅប្តីមកអប់រំ រួចឲ្យនាំប្រពន្ធកូនត្រឡប់ទៅផ្ទះវិញផងដែរ ៕
ចែករំលែកព័តមាននេះ