ខេត្តប៉ៃលិន ៖ សេចក្តីរាយការណ៍បឋមឱ្យដឹងថា កម្មករសំណង់៤នាក់ស្លាប់ និងម្នាក់រងរបួសធ្ងន់ ហើយ ត្រូវគេបញ្ជូនបន្តទៅសង្គ្រោះនៅមន្ទីរពេទ្យខេត្តបាត់ដំបង ក្រោយពួកគេទាំងនោះជិះខ្សែរ៉តយោងពីក្រោមឡើងទៅជាន់ទី១២ ដើម្បីធ្វើការងារ លុះកំពុងតែយោងឡើងទៅដល់ជាន់ទី៧…
ខេត្តប៉ៃលិន ៖ សេចក្តីរាយការណ៍បឋមឱ្យដឹងថា កម្មករសំណង់៤នាក់ស្លាប់ និងម្នាក់រងរបួសធ្ងន់ ហើយ
ត្រូវគេបញ្ជូនបន្តទៅសង្គ្រោះនៅមន្ទីរពេទ្យខេត្តបាត់ដំបង ក្រោយពួកគេទាំងនោះជិះខ្សែរ៉តយោងពីក្រោមឡើងទៅជាន់ទី១២ ដើម្បីធ្វើការងារ លុះកំពុងតែយោងឡើងទៅដល់ជាន់ទី៧ ស្រាប់តែដាច់
ខ្សែរ៉តធ្លាក់ចុះដីវិញបុកជាមួយនឹងដែកខាងក្រោមយ៉ាងរន្ធត់តែម្តង ។
ហេតុការណ៍នេះ កើតឡើងកាលពីវេលាម៉ោង៧ និង៣០នាទីព្រឹកថ្ងៃទី០៤ កញ្ញា នេះ ស្ថិតនៅចំណុចជាប់ផ្លូវជាតិលេខ៥៧ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពពីសមត្ថកិច្ចថា ជំហានដំបូងគេនៅមិនទាន់ដឹងមូលហេតុនោះទេ ដោយជនរងគ្រោះទី១-មានឈ្មោះ ថោន កក ភេទប្រុស អាយុ១៩ឆ្នាំ (ស្លាប់) ២-ឈ្មោះបូរី ភេទប្រុស អាយុ៣៣ឆ្នាំ (ស្លាប់) ៣. ឈ្មោះប្រាក់ ខឿន ភេទប្រុស អាយុ៣២ឆ្នាំ (ស្លាប) ទី៤-ឈ្មោះ លឹម វែង ភេទប្រុស អាយុ១៨ឆ្នាំ (ស្លាប់) និងទី៥-ឈ្មោះ តន អាយុ៣២ឆ្នាំ រងរបួសធ្ងន់ ទាំងអស់គ្នាស្នាក់នៅបណ្តោះអាសន្នកន្លែងកើតហេតុខាងលើ ។
បើតាមប្រភពពីអ្នកឃើញហេតុការណ៍ថា គេឃើញកម្មករសំណង់ទាំងនោះ បានឡើងជិះកន្ត្រកយោងដូចសព្វមួយដង លុះកំពុងតែយោងឡើងសុខៗ ដល់ជាន់ទី៧ ស្រាប់តែដាច់ខ្សែរ៉ត ធ្លាក់ចុះមកដីវិញយ៉ាងពេញទំហឹង បណ្តាលឱ្យបុកប៉ះចំនឹងដែកនៅខាងក្រោម ធ្វើឱ្យអ្នកខ្លះបាក់ដៃជើង និងក.ស្លាប់ភ្លាមៗចំនួន៣នាក់ និងរងរបួសធ្ងន់២នាក់ លុះបញ្ជូនទៅដល់មន្ទីរពេទ្យបង្អែកខេត្តប៉ៃលិន ក៏បានស្លាប់បន្ថែមម្នាក់ទៀត និងម្នាក់ទៀតរងរបួសធ្ងន់ ត្រូវបានគ្រូពេទ្យបញ្ជូនបន្តទៅសង្គ្រោះនៅឯមន្ទីរពេទ្យខេត្តបាត់ដំបង ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ