ខេត្តបន្ទាយមានជ័យ ៖ បុរសជនជាតិថៃម្នាក់គេ ប្រទះឃើញចង.កស្លាប់លើផ្ទះសំណាក់មួយក្នុងភូមិក្បាលស្ពាន០១ សង្កាត់ និងក្រុងប៉ោយប៉ែតមិនដឹងពីមូលហេតុតែមានលិខិតផ្តាំផ្ញើឲ្យលស់ម៉ូតូ និងលិខិតឆ្លងដែនផងដាក់បញ្ចាំគេ ។ ហេតុការណ៍បង្កភ្ញាក់ផ្អើលនេះ កើតឡើងនៅព្រឹកថ្ងៃទី០៣ កញ្ញា ។
ជនរងគ្រោះខាងលើមានឈ្មោះ ភី រ៉ាផាត់រតនៈចាន់ ភេទប្រុស អាយុ៤៧ឆ្នាំ ជាបុគ្គលិកកាស៊ីណូមួយនៅក្រុងប៉ោយប៉ែត ។
នគរបាលជំនាញប្រាប់តាមទូរស័ព្ទថា ជនរងគ្រោះចង.ក និងក្រម៉ាទៅនឹងពិដាន បន្ទប់ហើយថា មិនដឹងពីមូលហេតុពិតប្រាកដទេ តែមានលិខិតផ្តាំផ្ញើឲ្យប្រពន្ធជួយលស់ម៉ូតូ និងលិខិតឆ្លងដែនដែលបញ្ចាំគេផង និងជួយយកសពត្រឡប់ទៅស្រុកកំណើតវិញផង ។ តាមការត្រួតពិនិត្យ និងកោសល្យវិច្ច័យរបស់គ្រូពេទ្យសមត្ថកិច្ចប្រាប់ថា ជនរងគ្រោះចង.កសម្លាប់ខ្លួនពិតប្រាកដមែន ។
ក្រោយត្រួតពិនិត្យសព និងយកទៅតម្កល់នៅវត្តឃស្ថារាមហៅវត្តត្រាច ក្បែរក្នុងភូមិកើតហេតុរង់ចាំការសម្រេចពីស្ត្រីជាប្រពន្ធ ដែលពេលនេះបានមកដល់កន្លែងកើតហេតុហើយ ។ ដោយមានទុកលិខិតផ្តាំផ្ញើលើគ្រែមុនចង.ក សង្ស័យដោយសារជំពាក់គេច្រើន ៕
ចែករំលែកព័តមាននេះ