ខេត្តតាកែវ ៖ រូបសំណាកព្រះនាង លីវ យី ជាស្ដេចស្រីមុនគេបង្អស់ដែលបានសោយរាជ្យនៅនគរគោកធ្លកឬប្រទេសកម្ពុជា ត្រូវបានអ្នកភូមិអូពោធិ ឃុំសំបួរ ស្រុកទ្រាំងខេត្តតាកែវ ប្រទះឃើញលេចរូបរាងឡើងនៅក្នុងព្រៃនៅក្រោយផ្ទះរបស់គាត់កាលពីថ្ងៃសុក្រ…
ខេត្តតាកែវ ៖ រូបសំណាកព្រះនាង លីវ យី ជាស្ដេចស្រីមុនគេបង្អស់ដែលបានសោយរាជ្យនៅនគរគោកធ្លកឬប្រទេសកម្ពុជា ត្រូវបានអ្នកភូមិអូពោធិ ឃុំសំបួរ ស្រុកទ្រាំងខេត្តតាកែវ ប្រទះឃើញលេចរូបរាងឡើងនៅក្នុងព្រៃនៅក្រោយផ្ទះរបស់គាត់កាលពីថ្ងៃសុក្រ ទី៣០ ខែសីហា ឆ្នាំ២០១៨ កន្លងទៅនេះ។
លោក ង៉ែត អូន ជាប្រជាពលរដ្ឋនៅភូមិខាងលើដែលបានប្រទះឃើញរូបសំណាកនេះបានថ្លែងថា កាលពីល្ងាចថ្ងៃសុក្រកន្លងទៅនេះ គាត់បានកាប់ឆ្ការព្រៃក្រោយផ្ទះដែលជាដីអតីតទួលអង្គសម័យមុនដើម្បីដាំដំណាំ ស្រាប់តែប្រទះឃើញរូបសំណាកថ្មមួយកប់នៅក្នុងដី គាត់ក៏បានគាស់យកមកប្រគល់អោយនគបាលប៉ុស្តិ៍សំបួរថែរក្សាទុក។ លោកបានបន្តទៀតថាក្រោយដឹងពីអ្នកភូមិថា រូបសំណាកនេះគឺជារូបសំណាករបស់ព្រះនាងលីវ យី ដែលជាស្ដេចស្រីដំបូងគេដែលបានសោយរាជ្យនៅនគគោកធ្លក ដែលជានគរដែលកកើតមុនគេ បងប្អូនប្រជាពលរដ្ឋក៏បាននាំគ្នាសើ្នសុំអាជ្ញាធយករូបសំណាកនេះមកធ្វើបុណ្យនៅកន្លែងដែលគាស់កកាយរកឃើញ ដើម្បីសុំសេចក្ដីសុខ និងភាពសម្បូសប្បាយដល់អ្នកភូមិ។
លោក ឈួន ផាន់នី អភិបាលស្រុកទ្រាំងបានថ្លែងឲ្យដឹងថា បន្ទាប់ពីមានប្រជាពលរដ្ឋប្រទះឃើញរូបសំណាកនេះ និងបានយកមកទុកនៅនគបាលប៉ុស្តិ៍នៅថ្ងៃនេះបងប្អូនប្រជាពលរដ្ឋបានស្នើសុំអាជ្ញាធយករូបសំណាកនេះមកធ្វើពីបុណ្យតាមប្រពៃណីសាសនាដើម្បីបន់ស្រន់ សុំសេចក្ដីសុខ ហើយនៅថ្ងៃស្អែកខាងមន្ទីរវប្បធម៌នឹងមកទទួលយករូបសំណាកនេះទៅតំកល់ទុកនៅសារៈមន្ទីរខេត្តតាកែវ។
លោកស្រី ព្រំ សុគន្ធារី ប្រធានមន្ទីរវប្បធម៌និងវិចិត្រសិល្បៈខេត្តតាកែវបានថ្លែងថា រូបសំណាកនេះមិនមែនជារូបសំណាកព្រះនាងលីវ យីនោះទេ ពោលរូបសំណាកនេះគឺជារូបសំណាកព្រះវិស្ណុ ហើយនៅថ្ងៃស្អែកមន្ត្រីមន្ទីរវប្បធម៌នឹងទៅយករូបសំណាកនេះមកថែរក្សាទុកនៅសារៈមន្ទីររបស់ខេត្ត ដោយឡែកខាងមន្ទីរក៏មានថវិការមួយចំនួនដើម្បីលើកទឹកចិត្តសម្រាប់ផ្ដល់ជូនប្រជាពលរដ្ឋដែលជីកកកាយរកឃើញផងដែរ ដើម្បីជាកាលើកទឹកចិត្តដល់គាត់ដែលបានរកឃើញ ៕
ចែករំលែកព័តមាននេះ