ឌួង ហ្ស៊ូរីដា បាត់ទាំងមុខទាំងក្រោយ
- ភ្នំពេញ
រាជធានីភ្នំពេញ ៖ តារាសម្តែង និងពិធីការិនីកញ្ញាឌួង ហ្ស៊ូរីដា ត្រូវចោរលួចយកស្លាកលេខរថយន្តទាំងមុខ និងក្រោយ កាលពីវេលាម៉ោង២រំលងអធ្រាត្រថ្ងៃទី២៨ ខែសីហា ២០១៨…
រាជធានីភ្នំពេញ ៖ តារាសម្តែង និងពិធីការិនីកញ្ញាឌួង ហ្ស៊ូរីដា ត្រូវចោរលួចយកស្លាកលេខរថយន្តទាំងមុខ និងក្រោយ កាលពីវេលាម៉ោង២រំលងអធ្រាត្រថ្ងៃទី២៨ ខែសីហា ២០១៨…
រាជធានីភ្នំពេញ ៖ តារាសម្តែង និងពិធីការិនីកញ្ញាឌួង ហ្ស៊ូរីដា ត្រូវចោរលួចយកស្លាកលេខរថយន្តទាំងមុខ និងក្រោយ កាលពីវេលាម៉ោង២រំលងអធ្រាត្រថ្ងៃទី២៨ ខែសីហា ២០១៨ នៅពេលនាងចតរថយន្តនោះនៅមុខហាងតាមបណ្ដោយមហាវិថីទេពផន ក្នុងសង្កាត់ទឹកល្អក់៣ រាជធានីភ្នំពេញ ។
ឌួង ហ្ស៊ូរីដា បានសម្តែងការហួសចិត្ត ដ្បិតចោរមិនលួចអ្វីក្រៅពីស្លាកលេខដែលមិនមែនជាលេខល្អផងនោះ ។ ទោះជាយ៉ាងណានាងបានកំណត់ភិនភាគចោរនោះបានហើយ ដោយផ្អែកលើកាមេរ៉ាសុវត្ថិភាព ។ ពេលនេះនាងត្រៀមធ្វើស្លាកលេខថ្មី ដោយយកលេខចាស់ដដែល ។
ឌួង ហ្ស៊ូរីដា បានរៀបរាប់តាមហ្វេសប៊ុកថា ៖ «អស់សំណើច និងហួសចិត្តទាំងព្រឹកនឹងលោកចោរ…! កញ្ចក់ឡានអីមិនលួច មកលួចដោះស្លាកឡានទាំងមុខ និងក្រោយយកទៅបាត់ធ្វើព្រងើយ…! អាសូរតែស្លាកលេខឡានខ្ញុំហ្នឹងលេខការ៉េ លេខហុងស៊ុយ លេខ ថ្លៃៗអីទៅមិនថាទេ លោកព្រះអើយ ? និយាយពីលេខឲ្យធម្មតាឲ្យសុទ្ធ គ្រាន់តែជាលេខកុម្ម៉ង់ដែលជាតួលេខនៃភាពចងចាំរបស់ខ្ញុំតើ ។ មើលមិនឃើញថា ហេតុអ្វីគាត់ត្រូវមកលួច ហើយជំនាញខ្លាំងមែនទែន មើលតែក្នុងវីដេអូកាមេរ៉ាឃើញច្បាស់ហើយ» ។
ឌួង ហ្ស៊ូរីដា បានរៀបរាប់បន្តថា សូមបងប្អូនប្រុងប្រយ័ត្នទាំងអស់គ្នា ស្លាកឡាននាងខ្ញុំ2AM-2113 ត្រូវបានចោរលួចយប់មិញវេលាម៉ោង២.១៥នាទីភ្លឺនេះ ដោយបុរសម្នាក់ពាក់ខោសខ្លី និងអាវស ជិះម៉ូតូរ៉ឺម៉កឥណ្ឌាកង់បីដូចក្នុងរូបនេះ ។ បើមានករណីឡានផ្សេងពាក់ស្លាកនេះ (2AM-2113) មិនមែនជាឡាន MG-GS2.0 ពណ៌ខ្មៅរបស់នាងខ្ញុំ យកទៅបង្កបញ្ហាណាមួយប៉ះពាល់ដល់អ្នកដទៃ នាងខ្ញុំមិនទទួលខុសត្រូវឡើយ ។
ឌួង ហ្ស៊ូរីដា បានបន្តទៀតថា ចាំមើលលោកពូប៉ូលិសក្នុងសង្កាត់ទឹកល្អក់៣យើងនេះ លោកអាចធ្វើការងារស្វែងរកជនដៃដល់ឃើញអត់ ? ផ្លូវទេពផននេះ និយាយពីរឿងចោរឆក់ ចោរលួចវិញ ដូចជាល្បីខ្លាំងគួរសមដែរ តាំងពីមកបើកហាងបានជាង៣ឆ្នាំនៅទឹកដីនេះ ហើយក៏ធ្លាប់ជួយសង្គ្រោះជនរងគ្រោះច្រើនករណីហើយដោយសារចោរឆក់តាមផ្លូវ និងអ្នកជិតខាងមកសុំឲ្យបើកកាម៉េរ៉ាមើលករណីបាត់ម៉ូតូ»៕
ចែករំលែកព័តមាននេះ