សព្វថ្ងៃ បទល្មើសជួញដូរគ្រឿងញៀន និងការក្លែងបន្លំលើផលិតផលនានា កំពុងតែរាតត្បាតនៅតាមព្រំដែនកម្ពុជា-ថៃ តែយ៉ាងណា ក៏មានសហការបង្ក្រាបពីអាជ្ញាធររបស់ប្រទេសទាំង២ផងដែរ ។ ជាក់ស្ដែង កាលពីថ្ងៃទី២៦ សីហា…
សព្វថ្ងៃ បទល្មើសជួញដូរគ្រឿងញៀន និងការក្លែងបន្លំលើផលិតផលនានា កំពុងតែរាតត្បាតនៅតាមព្រំដែនកម្ពុជា-ថៃ តែយ៉ាងណា ក៏មានសហការបង្ក្រាបពីអាជ្ញាធររបស់ប្រទេសទាំង២ផងដែរ ។
ជាក់ស្ដែង កាលពីថ្ងៃទី២៦ សីហា ប៉ូលិសថៃបានឃាត់ខ្លួនបុរសខ្មែរម្នាក់ពីបទលួចយកលិខិតឆ្លងដែនក្លែងបន្លំត្រាពីកម្ពុជាចូលទៅប្រទេសថៃដោយខុសច្បាប់ ។ ស្របពេលជាមួយគ្នានេះ ប្រភពព័ត៌មានរបស់ថៃ កាលពីថ្ងៃទី២៨ សីហា នេះបានផ្សាយទៀតថា នៅព្រឹកថ្ងៃខាងលើប៉ូលិសថៃដែលប្រចាំការក្នុងច្រកចេញចូលខ្លងលឹក ក្នុងខេត្តស្រះកែវ ប្រទេសថៃ បានធ្វើការបង្ក្រាបករណីលួចនាំចូលគ្រឿងញៀនពីកម្ពុជាចូលក្នុងប្រទេសថៃ ក្រោយពីស៊ើបដឹងថា មានក្រុមជួញដូរបានលួចលាក់គ្រឿងញៀនចូលនៅតាមច្រកខ្លងលឹក ហើយក៏ឃាត់ខ្លួន និងធ្វើការឆែកឆេរលើស្ត្រីជនជាតិកម្ពុជាម្នាក់ ។
តាមការឆែកឆេរប្រទះឃើញមានថ្នាំគ្រវី ឬ«យ៉ាអៃ»ពណ៌.ស ច្រកក្នុងថង់ប្លាស្ទិក មានទម្ងន់០,៣៣៦ក្រាមលាក់ទុកក្នុងកញ្ចប់បារី ដាក់នៅក្នុងវ៉ាលិស ។
នារីសង្ស័យឈ្មោះសូហ្វ៊ី សុខ អាយុ៣៤ឆ្នាំ បានសារភាពថា ថ្នាំគ្រីវីនេះ យកទៅប្រើដោយខ្លួនឯង បានទិញពីជនជាតិកម្ពុជា នៅឯកាសុីណូមួយកន្លែងក្នុងក្រុងប៉ោយប៉ែត ប្រទេសកម្ពុជា ។ ក្រៅពីនេះ ក៏មានការចាប់ខ្លួនស្ត្រីជនជាតិថៃម្នាក់ទៀតផងដែរ អាយុ២៥ឆ្នាំ មានទីលំនៅក្នុងស្រុកអារញ្ញប្រទេស ខេត្តស្រះកែវ ពីបទមានថ្នាំញៀនចំនួន២ស្បោងទម្ងន់ជាង៧ក្រាម បានលាក់ទុកនៅក្នុងអាវទ្រនាប់ទាំងសងខាង ព្រោះនាងជាបុគ្គលិកនៅឯកាសុីណូមួយនៅប៉ោយប៉ែត ។
ចែករំលែកព័តមាននេះ