ខេត្តឧត្តរមានជ័យ ៖ រយៈពេលពីរថ្ងៃមូលដ្ឋានកងរាជអាវុធហត្ថស្រុកអន្លង់វែង ចុះបង្ក្រាបករណីជូញដូរគ្រឿងញៀនខុសច្បាប់ លទ្ធផលឃាត់ខ្លួនជនសង្ស័យពីរនាក់ដកហូតសារធាតុញៀន ទម្ងន់១២៦,០៩ក្រាម និងរថយន្ត LexusRx ០១គ្រឿង ។…
ខេត្តឧត្តរមានជ័យ ៖ រយៈពេលពីរថ្ងៃមូលដ្ឋានកងរាជអាវុធហត្ថស្រុកអន្លង់វែង ចុះបង្ក្រាបករណីជូញដូរគ្រឿងញៀនខុសច្បាប់ លទ្ធផលឃាត់ខ្លួនជនសង្ស័យពីរនាក់ដកហូតសារធាតុញៀន ទម្ងន់១២៦,០៩ក្រាម និងរថយន្ត LexusRx ០១គ្រឿង ។
មូលដ្ឋានកងរាជអាវុធហត្ថស្រុកអន្លង់វែងបានឃាត់ខ្លួនជនសង្ស័យ២នាក់រួមនឹងវត្ថុតាងគ្រឿងញៀនទៅសាលាដំបូងខេត្តឧត្តរមានជ័យនៅរសៀលថ្ងៃទី២៤ ខែសីហា ឆ្នាំ២០១៨ ពាក់ព័ន្ធនឹងករណីជួញដូរ និងចែកចាយថ្នាំញៀន ។
លោកវរសេនីយ៍ទោ ងួន ទ្ធីរិទ្ធ មេបញ្ជាការកងរាជអាវុធហត្ថស្រុកអន្លង់វែងបានឲ្យដឹងថា នៅវេលាម៉ោង១៤និង៣០នាទី ថ្ងៃទី២៣ ខែសីហា ឆ្នាំ២០១៨ ក្រោយពីមានសេចក្តីរាយការណ៍មកថា មានសកម្មភាពចែកចាយថ្នាំញៀនលោកបានដឹកនាំកម្លាងកងរាជអាវុធហត្ថស្រុកអន្លង់វែងចុះបង្ក្រាបនៅចំណុចភូមិអូរជញ្ជៀន ឃុំស្រុកអន្លង់វែង ខេត្តឧត្តរមានជ័យ ដែលជាលទ្ធផលឃាត់ខ្លួនជនសង្ស័យបានចំនួនម្នាក់ឈ្មោះ ហេង មូង ភេទប្រុស អាយុ៣៦ឆ្នាំ មានមុខរបធ្វើស្រែ រស់នៅភូមិអភិវឌ្ឍន៍ ឃុំស្រុកអន្លង់វែង ព្រមទាំងដកហូតវត្ថុតាងរួមមាន ម្ស៉ៅក្រាមពណ៌សរ (ម៉ាទឹកកក) ចំនួន៨ថង់តូចទម្ងន់២៣.០៤ក្រាម ប្រាក់ខ្មែចំនួន១៥ម៉ឺនរៀល ទូរស័ព្ទ ដៃម៉ាកណូគាចំនួន២គ្រឿង និងទូរស័ព្ទម៉ាកHiya(ហៃយ៉ា) ចំនួន១គ្រឿងទៀត ឮ
លោកបន្តថា បន្ទាប់មកក៏នាំជនសង្ស័យមកស្នាក់ការអាវុធហត្ថស្រុកអន្លង់វែង ។
ក្រោយពីសាកសួរជនសង្ស័យខាងលើបានសារភាពថា ខ្លួនបានទិញមកពីមេខ្លោង នៅខេត្តសៀមរាប ហើយព្រមចូលរួមសហការណ៍ ដើម្បីចាប់មេខ្លោង លុះដល់ម៉ោង៨និង៤៥នាទី ថ្ងៃទី២៤ ខែសីហា ឆ្នាំ២០១៨ មេខ្លោងចែកចាយថ្នាំញៀនបានមកដល់ភូមិអូរគគីលើ ឃុំលំទង ស្រុកអន្លង់វែងត្រូវបាន កម្លាំងអាវុធហត្ថ ស្រុកអន្លង់វែងចុះបង្ក្រាប និងបានឃាត់ខ្លួនជនសង្ស័យម្នាក់ឈ្មោះ លន សាវឿន ភេទប្រុស អាយុ៣២ឆ្នាំ មុខរបរមិនពិតប្រាកដព្រមទាំងដកហូតវត្ថុតាងរួមមាន ថ្នាំញៀនម្ស៉ៅក្រាមពណ៌ស ប្រភេទម៉ាទឹកកក ចំនួន១កញ្ចប់ធំ និងចំនួន៣ថង់តូច សរុបទម្ងន់១០៣,៤៧ក្រាម រថយន្ត Lexus Rx 300 ពណ៌ស គ្មានស្លាកលេខ១គ្រឿង ទូរស័ព្ទដៃចំនួន២គ្រឿង ម៉ាកណូគាចំនួន១គ្រឿង និងម៉ាកអូប៉ូ០១គ្រឿង ប្រដាប់ជក់ថ្នាំញៀនមួយចំនួន និងថង់សម្រាប់ច្រកថ្នាំមួយចំនួនធំ ។
ក្រោយពីធ្វើការឃាត់ខ្លួន បច្ចុប្បន្នជនសង្ស័យទាំងពីរខាងលើយើងកំពុងកសាងសំណុំរឿងបញ្ជូនទៅតុលាការចាត់ការតាមនីតិវីធី ៕
ចែករំលែកព័តមាននេះ