រាជធានីភ្នំពេញ ៖ ខណៈក្រសួងវប្បធម៌ និងវិចិត្រសិល្បៈត្រៀមកោះហៅទៅណែនាំរួមជាមួយតារាមួយចំនួនទៀតនោះ សុខ ស្រីម៉ុច បង្ហាញជំហរថាទោះជាស្លាប់ទៅជាខ្មោចក៏មិនចោលភាពសិចស៊ីដែរ ។ ចំណែកផ្សេងទៀតសុទ្ធតែបង្ហាញអារម្មណ៍មិនសប្បាយចិត្តចំពោះក្រសួងវប្បធម៌ ។
តារាទាំង៥ដួងដែលក្រសួងវប្បធម៌គ្រោងនឹងកោះហៅនៅសប្តាហ៍ក្រោយនោះរួមមានលោកអេ៊នឌី កញ្ញាពេជ្រ អាវីហ្សា អ្នកនាងស្រី ម៉ុច កញ្ញារតនៈ ពិសី និងតារាសម្តែងចូលចិត្តសម្ញែងដើមទ្រូងមិនខ្វល់ភ្នែកមហាជនកញ្ញាសេង សូណា ។ នាពេល ថ្មីៗកន្លងមកនេះក្រសួងវប្បធម៌ និងវិចិត្រសិល្បៈបានបើកការប្រជុំជាមួយប្រធានសមាគមសិល្បករខ្មែរ ហើយត្រៀមកោះហៅតារាទាំង៥ដួងដែលកន្លងមកតែងតែមានប្រតិកម្មពីមហាជនរឿងបង្ហាញភាពសិចស៊ី ស្រើបស្រាលទៅអប់រំ និងដាក់ពិន័យ ។
អតីតតួសម្តែងនៅក្នុងបទ«ជីដូនកាកី»អ្នកនាងស្រីម៉ុច បានលើកឡើងតាមហ្វេសប៊ុកថា «មិនបាច់បញ្ឈប់ខ្ញុំទេ ព្រោះខ្ញុំមិនមែនជាតារា១០ឆ្នាំជាងហើយ ។ មិនមែនខ្ញុំព្រហើនឆ្លើយតបទៅចាស់ទុំរបៀបនេះទេ តែវារំខានពេកហើយខ្ញុំត្រូវការភាពស្ងប់សុខ សុំកុំរំខានខ្ញុំដោយរូបភាពផ្សេងៗ មានតារាជាច្រើនត្រូវការជំនួយសុំយកពេលទៅជួយពួកគេទៅ ឬមួយចាំមិនបានថាពួកគេជាតារា ? ឬក៏គេគ្មានកាតជាតារា ? តែនៅពេលដែចង់ជេរចង់ជាន់ពន្លិច ក៏តាំងជីកកកាយ អ្នកដែលមិនមែនជាតារា ហើយលិចកប់បាត់តាំងពីណាណីយកជីវិតគេមកជជែកវែកញែក ។ នេះសំណាងហើយ ដែលស្រីម៉ុចមិនបានទៅសុំជំនួយ កុំអីនឹងប្រើពាក្យមកខ្ញុំវិញមិនខានថា ខ្ញុំឈប់ពីតារាយូរហើយ អ៊ីចឹងពិបាកក្នុងកាជួយបន្តិច ។
ខ្ញុំមិនចង់និយាយអ្វីឲ្យវែងឆ្ងាយទេ តែខ្ញុំគ្រាន់តែចង់ជម្រាបថាខ្ញុំឈប់ពីតារានេះយូរហើយ មិនបាច់ប្រើពាក្យថាដោយសារខ្ញុំចង់ពាក់សិចស៊ីបានខ្ញុំប្រើពាក្យថាឈប់ពីតារា ។ សុំជម្រាបថាខ្ញុំសិចស៊ីតាំងពីខ្ញុំមិនទាន់ជាតារា ហើយការសម្តែងរបស់ខ្ញុំលើកដំបូង ប្ដីខ្ញុំហើយនិងអ្នកបើកឡានខ្ញុំ ជូនខ្ញុំដល់កន្លែងថតតែម្ដង ។
សុំទោសដល់ឯកឧត្តម លោកជំទាវ ទាំងអស់បើសិនមានការខុសឆ្គងក្នុងការឆ្លើយតបនេះ ព្រោះវារំខានដល់សិទ្ធិសេរីភាពក្នុងការរស់នៅ របស់ខ្ញុំខ្លាំងណាស់ ។ តែបញ្ហាគឺថារាល់ថ្ងៃហ្នឹងតាំងពីឈប់ពីតារាមក ហត់តែម្យ៉ាងទេព្រោះអត់មានការងារធ្វើក្រៅពីមើលកូន បោសជូតផ្ទះតែងខ្លួន ហើយទុកលុយប្ដី »។
ចំណែកតារាសម្តែងលោក អ៊ែន ឌី បានបង្ហាញសារសម្តែងការមិនពេញចិត្តចំពោះរឿងនេះថា «មិនដឹងព្រមានរឿងអីទេ ? សុដន់ក៏ខ្ញុំគ្មាន យោនីក៏គ្មាន ក្អែលក៏គ្មានដែរ ព្រោះខ្ញុំងូតទឹកមួយថ្ងៃបីដងតាមធម្មតា ឯការងារសិល្បៈមួយរយៈនេះវិញ មិនដែលមានភាពសិចស៊ីទេ អាចមើលបានទើបចេញ MV ពីរបទ ថ្មីៗ និងបទផ្សេងទៀតមិនដាក់តួស្រីទេ ហេតុអីខុសអីក៏ខុសយ៉ាងនេះ ? ឬចង់ឲ្យខ្ញុំបាត់បង់អាជីព និងដាច់បាយ ? ជួយណែនាំផងទៅតាមផ្លូវណាល្អ អត់យល់ ? ទាល់ចំណេះហើយបាទ ហេតុអីមកក្តៅក្រហាយតែជាមួយនឹងខ្ញុំ ច្រណែនមែន ? »។
តារាសម្តែងសាច់សដូចបណ្តូលចេកកញ្ញា ពេជ្រ អាវីហ្សា បានអះអាងប្រាប់ កោះសន្តិភាព តាមសារអេឡិចត្រូនិកថា ចាប់តាំងពីមានការបង្ហើបពីមជ្ឈដ្ឋានសិល្បៈដូចគ្នាពីមុខសញ្ញាដែលត្រូវកោះហៅពីក្រសួងនោះមក នាងមិនដែលហ៊ានសិចស៊ីទៀតឡើយ ។
នាងបញ្ជាក់ថា តាមការចុះផ្សាយពីបណ្តាញសារព័ត៌គឺក្រសួងបានព្រមាន ប្រសិនបើនៅតែបន្តនូវភាពសិចស៊ីទៀត នោះនឹងមានការកោះហៅ ប៉ុន្តែបន្ទាប់ពីនាងបានថតបទចម្រៀងជាមួយលោក អ៊េនឌី និងលោក ម៉ៃ សុគន្ធ នោះមក នាងមិនដែលហ៊ានស៊ិចស៊ីទៀតទេ ។
បើតាម អាវីហ្សា ប្រសិនបើមានការកោះហៅពីក្រសួងវប្បធម៌ដូចការគ្រោងទុកពិតមែននោះ នាងនឹងចូលរួមដោយមិនគេចវេះឡើយ ក្នុងពេលដែលនាងបានបញ្ឈប់ភាពសិចស៊ីខ្លាំងហើយនោះ ។ ចំណែកតារាចម្រៀង និងសម្តែងនាងរតនៈ ពីសី បានបង្ហាញយ៉ាងខ្លីមួយថា «ក្រសួងនឹងព្រមានហើយ កម្មក្រាស់ម្ល៉េះខ្ញុំ!»។
ដោយឡែកកញ្ញា សេង សូណា នៅមិនទាន់បានឃើញបញ្ចេញប្រតិកម្មណាមួយនៅឡើយទេ ។
ក្រសួងវប្បធម៌ និងវិចិត្រសិល្បៈ បានសម្រេចកំណត់ឈ្មោះតារារួចអស់ហើយ ដែលត្រូវចូលខ្លួនទទួលពិន័យ និងណែនាំ បន្ទាប់ពីបានបង្ហាញភាពសិចស៊ីជ្រុលពេក ។
ទីប្រឹក្សារបស់ក្រសួងវប្បធម៌ និងវិចិត្រសិល្បៈ លោកចំរើន វ៉ាន់ថា បានបញ្ជាក់ថា ក្រសួងបានកំណត់ដាក់ពិន័យ កញ្ញាសេង សូណា ឲ្យបញ្ឈប់រាល់សកម្មភាពសិល្បៈទាំងអស់រយៈពេលមួយឆ្នាំ ដូចកញ្ញា ដេនី ក្វាន់ កាលពីគ្រាមុនដែរ បន្ទាប់ពីតារារូបនេះនៅតែផ្គើនបង្ហាញភាពសិចស៊ីហួសហេតុ ពិសេសក្នុងខ្សែភាពយន្តកន្លងមក ។
ចំណែកតារា៤ដួងទៀត ដូចជា លោក អ៊ែន ឌី កញ្ញាពេជ្រ អាវីហ្សា កញ្ញារតនៈ ពិសី និង អ្នកនាងស្រីម៉ុច ក្រសួងសម្រេចត្រឹមណែនាំសិន ប៉ុន្តែប្រសិនបើបុគ្គលទាំង៤នាក់ នៅតែរឹងទទឹងនឹងដាក់ពិន័យឲ្យផ្អាកសកម្មភាពសិល្បៈ ដូចកញ្ញាសេង សូណាដែរ ៕
ចែករំលែកព័តមាននេះ