ខេត្តបន្ទាយមានជ័យ ៖ កូនគោមួយក្បាលមិនដឹងថា ដើរស៊ីស្មៅយ៉ាងម៉េច បែរជាចូលក្បាលក្នុងប្រហោងដែករន្ទារបស់អ្នកស្រុកដែលគេទុកចោល រួចបោលតាមដងផ្លូវទៅដួលបត់.កលើវាលស្មៅមួយកន្លែង ប៉ុន្តែសំណាងល្អ អ្នករត់ម៉ូតូឌុប២នាក់បានជួយសង្គ្រោះរួចផុតជីវិតភ្លាមៗ ។ ហេតុការណ៍ដ៏កម្រនេះ…
ខេត្តបន្ទាយមានជ័យ ៖ កូនគោមួយក្បាលមិនដឹងថា ដើរស៊ីស្មៅយ៉ាងម៉េច បែរជាចូលក្បាលក្នុងប្រហោងដែករន្ទារបស់អ្នកស្រុកដែលគេទុកចោល រួចបោលតាមដងផ្លូវទៅដួលបត់.កលើវាលស្មៅមួយកន្លែង ប៉ុន្តែសំណាងល្អ អ្នករត់ម៉ូតូឌុប២នាក់បានជួយសង្គ្រោះរួចផុតជីវិតភ្លាមៗ ។
ហេតុការណ៍ដ៏កម្រនេះ បានកើតឡើងនៅភូមិមិត្តភាពសង្កាត់ប៉ោយប៉ែត ក្រុងប៉ោយប៉ែត នៅព្រឹកថ្ងៃទី២២ សីហា ។ តាមប្រភពព័ត៌មានថា គេឃើញកូនគោញី១ក្បាលខាងលើ បានរត់ទាំងជាប់ដែករន្ទានៅ.ក ពីទិសខាងត្បូង តាមបណ្តោយផ្លូវក្រួសក្រហម ដោយកអូសដែកទៅជាមួយ ។
លុះដល់វាលស្មៅមួយ ស្រាប់តែដួលបត់.កងើបលែងរួច ។ ពេលនោះ អ្នកម៉ូតូឌុប២នាក់ ដែលឆ្លងកាត់ទីនោះឃើញក៏នាំគ្នាជួយ ខណៈកូនគោនេះ ដួលបត់.កលើវាលស្មៅក្បែរផ្លូវ ។ មើលឃើញគួរអាណិត ទើបពួកគេ បាននាំគ្នាជួយដោះដែកនោះ ចេញពី.កបានរួចផុតពីងាប់ ។
ករណីនេះ ក៏មានការរិះគន់ថា មកពីម្ចាស់លែងគោអនាធិបតេយ្យ ទើបកើតបញ្ហាគ្មានអ្នកដឹងសូម្បីម្ចាស់វាក៏អត់ដឹងដែរ ។ នេះសំណាងហើយកើតឡើងពេលថ្ងៃ បើចំពេលយប់វិញកូនគោមួយក្បាលខាងលើ ប្រហែលសល់តែឆ្អឹងប៉ុណ្ណោះ ព្រោះអត់ដឹងម្ចាស់នៅទីណាផង ៕
ចែករំលែកព័តមាននេះ