ខេត្តកែប ៖ មានសេចក្តីរាយការណ៍ព័ត៌មានមួយឲ្យដឹងថា កាលពីវេលាម៉ោង០៣ និង២០នាទីទៀបភ្លឺថ្ងៃ
ទី២១ សីហា មានករណីជនមិនស្គាល់អត្តសញ្ញាណម្នាក់ ស្រវឹងស្រាហើយមានបំណងចង់ចូលទៅក្នុងបរិវេណធនាគារមួយកន្លែង ហើយឡើងតាមរបងដែក ស្រាប់តែរអិលជើងធ្លាក់មកលើរបង បណ្តាលឲ្យជង់នឹងចម្រឹងរបងមុតជាប់ស្តោករងរបួសយ៉ាងធ្ងន់ធ្ងរ ហើយត្រូវបានគេហៅរថយន្តសង្គ្រោះដឹកទៅមន្ទីរពេទ្យបង្អែកខេត្ត ។
ប្រភពដដែលឱ្យដឹងទៀតថា ចំពោះករណីខាងលើ សមត្ថកិច្ចនៅមិនទាន់បានសួរនាំជនរងគ្រោះ ដើម្បីឱ្យដឹងពីមូលហេតុ និងអត្តសញ្ញាណនៅឡើយទេ ដោយសារជនរងគ្រោះកំពុងស្ថិតក្នុងស្ថានភាពរបួសធ្ងន់ ហើយក្រុមគ្រូពេទ្យកំពុងធ្វើការសង្គ្រោះ ។
ចែករំលែកព័តមាននេះ