ខេត្តកែប៖ ប្រភពព័ត៌មានពីការិយាល័យប្រឆាំងបទល្មើសគ្រឿងញៀននៃស្នងការដ្ឋានខេត្តកែបបានឲ្យដឹងថា កាលពីថ្ងៃទី២០ ខែសីហា ឆ្នាំ ២០១៨ កម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀននៃស្នងការដ្ឋានខេត្តកែបបានចុះបង្ក្រាបសំបុកជួញដូរ និងចែកចាយគ្រឿងញៀននៅក្នុងផ្ទះសំណាក់មួយឈ្មោះ«ផ្ទះសំណាក់តាពៅភូមិអូក្រសារ» ។ ជនសង្ស័យទាំង២នាក់ខាងលើដែលសមត្ថកិច្ចឃាត់ខ្លួនបានរួមមាន…
ខេត្តកែប៖ ប្រភពព័ត៌មានពីការិយាល័យប្រឆាំងបទល្មើសគ្រឿងញៀននៃស្នងការដ្ឋានខេត្តកែបបានឲ្យដឹងថា កាលពីថ្ងៃទី២០ ខែសីហា ឆ្នាំ ២០១៨ កម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀននៃស្នងការដ្ឋានខេត្តកែបបានចុះបង្ក្រាបសំបុកជួញដូរ និងចែកចាយគ្រឿងញៀននៅក្នុងផ្ទះសំណាក់មួយឈ្មោះ«ផ្ទះសំណាក់តាពៅភូមិអូក្រសារ» ។
ជនសង្ស័យទាំង២នាក់ខាងលើដែលសមត្ថកិច្ចឃាត់ខ្លួនបានរួមមាន ម្នាក់ឈ្មោះយឹម ចាន់ម៉េង ភេទប្រុស អាយុ៣០ឆ្នាំ មានទីលំនៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប មុខរបរមិនពិតប្រាកដ និងម្នាក់ទៀតឈ្មោះសៀង វ៉ាន់ចាន់សីហា ភេទប្រុស អាយុ២៤ឆ្នាំ មានទីលំនៅភូមិដំណាក់ចង្អើរ ស្រុកដំណាក់ចង្អើរ ខេត្តកែប ។
ប្រភពព័ត៌មានបានឲ្យដឹងថា ក្នុងករណីចុះបង្ក្រាបខាងលើ កំលាំងសមត្ថកិច្ចបានឃាត់ខ្លួនជនសង្ស័យបានចំនួន២នាក់ និងដកហូតវត្ថុតាងរួមមាន ថ្នាំញៀនប្រភេទម្សៅក្រាមពណ៌ស (ម៉ាទឹកកក) ១កញ្ចប់ធំ និង៤កញ្ចប់តូច ជញ្ជីងសំរាប់ថ្លឹង១គ្រឿង ដែកកេះចំនួន៣ ឧបករណ៍សំរាប់ជក់មួយសំរាប់ និងម៉ូតូមួយគ្រឿងម៉ាកស្មាស់ ពណ៌ខ្មៅ គ្មានស្លាកលេខ។
ជនសង្ស័យរួមនិងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕
ចែករំលែកព័តមាននេះ