ខេត្តកែប ៖ បើតាមសេចក្តីរាយការណ៍បានឲ្យដឹងថា បុរសម្នាក់បានផឹកស្រាស្រវឹងជោកជាំទើរជាប់នឹងរបងធនាគារក្នុងស្រុកមួយ ហេតុការណ៍នេះបានកើតឡើងកាលពីម៉ោង៣និង២០នាទីទៀបភ្លឺ ថ្ងៃទី២១ ខែសីហា ឆ្នាំ ២០១៨ ។
បើតាមប្រភពពីកន្លែងកើតហេតុបានឱ្យដឹងថា បុរសខាងលើមិនទាន់បានស្គាល់អត្តសញ្ញាណនោះទេ បុរសរងគ្រោះរូបនេះបានផឹកស្រាស្រវឹងជោកជា រួចមានបំណងចង់ចូលទៅក្នុងបរិវេណធនាគារមួយក្នុងស្រុក ហើយក៏បានឡើងតាមរបងដែក ស្រាប់តែរអិលជើងនៅលើរបងនោះ បណ្តាលឲ្យចម្រឹងរបងមុតរងរបួសយ៉ាងធ្ងន់ធ្ងរ ហើយត្រូវបានគេហៅរថយន្តសង្គ្រោះដឹកទៅសង្គ្រោះនៅមន្ទីពេទ្យបង្អែកខេត្តកែប។
ប្រភពដដែលបន្តទៀតថា ពាក់ព័ន្ធករណីខាងលើ សមត្ថកិច្ចមិនទាន់បានសួរនាំជនរងគ្រោះដើម្បីឲ្យដឹងពីមូលហេតុ និងអត្តសញ្ញាណជននៅឡើយទេ ដោយជនរងគ្រោះកំពុងស្ថិតក្នុងរបួសធ្ងន់ធ្ងរកំពុងសង្គ្រោះ ហើយជុំវិញករណីខាងលើនេះ នៅពេលសមត្ថកិច្ចសាកសួរដឹងនោះ ភ្នាក់ងារយើងនឹងរាយការណ៍ព័ត៌មានបន្តទៀត៕
ចែករំលែកព័តមាននេះ