ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ជនជាតិថៃម្នាក់បានលោតពីលើអគារកាស៊ីណូជាន់ទី១៥ រងរបួសធ្ងន់នៅតែដង្ហើមចង្រិត ហើយបានស្លាប់ពេលបញ្ជូនទៅកាន់មន្ទីរពេទ្យបង្អែក ហេតុការណ៍ស្លាប់ដ៏ស្ងៀមស្ងាត់នេះបានកើតឡើងកាលពីម៉ោងជិត១រំលងអធ្រាត្រឈានចូលព្រឹកថ្ងៃទី១៨ សីហា ២០១៨ នៅចំណុចកាស៊ីណូមួយក្នុងភូមិក្បាលស្ពាន…
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ជនជាតិថៃម្នាក់បានលោតពីលើអគារកាស៊ីណូជាន់ទី១៥ រងរបួសធ្ងន់នៅតែដង្ហើមចង្រិត ហើយបានស្លាប់ពេលបញ្ជូនទៅកាន់មន្ទីរពេទ្យបង្អែក ហេតុការណ៍ស្លាប់ដ៏ស្ងៀមស្ងាត់នេះបានកើតឡើងកាលពីម៉ោងជិត១រំលងអធ្រាត្រឈានចូលព្រឹកថ្ងៃទី១៨ សីហា ២០១៨ នៅចំណុចកាស៊ីណូមួយក្នុងភូមិក្បាលស្ពាន សង្កាត់និងក្រុងប៉ោយប៉ែត។
ជនរងគ្រោះខាងលើឈ្មោះប៊ុនយ៉ាលីត ប៉ាត់ថាវីសាធៀន អាយុ៥៨ឆ្នាំ មានទីលំក្រុងបាងកកប្រទេសថៃ។
ប្រភពព័ត៌មានបានឱ្យដឹងថា ការលោតនេះគ្មាននរណាម្នាក់ដឹងពីមូលហេតុឡើយ ប៉ុន្តែសមត្ថកិច្ចបានបង្ហើបថា យោងតាមកាមេរ៉ាសុត្ថិភាព គឺជនរងគ្រោះមុនលោតគឺបានដើរទ្រេតទ្រោតទំនងជាស្រវឹង រួចឡើងអង្គុយចោងហោងលើបង្អួច ស្រាប់តែលោតទម្លាក់ខ្លួនពីជាន់ទី១៥ ទៅទើរលើឧបករណ៍ម៉ាស៊ីនត្រជាក់ធំមួយនៅជាន់ទី៣ របួសធ្ងន់បាក់ដៃឆ្វេង និងផ្ទៃមុខ ព្រមទាំងដងខ្លួនដោយអន្លើៗ។
ប្រភពដដែលបន្តថា ពេលធ្លាក់ភ្លាមជនរងគ្រោះមិនទាន់ស្លាប់ទេ គឺអាចស្លាប់តាមផ្លូវមុនពេលទៅដល់មន្ទីរពេទ្យ ព្រោះជនរងគ្រោះមានសភាពធ្ងន់ធ្ងរសល់ដង្ហើមចង្រឹតពីកន្លែងកើតហេតុទៅហើយ។
ប្រភពបន្តទៀតថា ជនរងគ្រោះជាអតីតវិស្វករចូលនិវត្តន៍ ចំណែកប្រពន្ធជនរងគ្រោះក៏ជាពេទ្យចូលនិវត្តន៍ ហើយស្ថិតនៅក្នុងកាស៊ីណូកន្លែងកើតហេតុដែរ ប៉ុន្តែនៅជាន់ខុសគ្នា។ ហើយកោះសន្តិភាពបានសាកសួរទៅលោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែតអំពីបញ្ហាខាងលើនេះដែរ តែលោកមិនឆ្លើយតប កាលពីម្សិលមិញ គឺថ្ងៃទី ២០ សីហា ។
យ៉ាងណាក៏ដោយ ករណីនេះត្រូវបានប្រភពពីសមត្ថកិច្ចម្នាក់ប្រាប់ថា ពិតជាកើតមានមែន ហើយសាកសពបានប្រគល់ឲ្យស្ត្រីជាប្រពន្ធយកទៅស្រុកកំណើត ដើម្បីធ្វើបុណ្យតាមប្រពៃណីហើយ៕
ចែករំលែកព័តមាននេះ