ខេត្តប៉ៃលិន ៖ បុរសជាកម្មករសំណង់ម្នាក់ត្រូវបាននគរបាលចាប់ឃាត់ខ្លួន ខណៈដើរម្នាក់ឯងនៅតាមដងផ្លូវ ហើយបានដាក់ថ្នាំញៀនជាប់តាមខ្លួន លុះសមត្ថកិច្ចចុះល្បាតបានជួបប្រទះក៏មានការសង្ស័យ ស្រាប់តែរត់គេចខ្លួន ក៏ត្រូវសមត្ថកិច្ចដេញចាប់ឃាត់ខ្លួនយកមកសួរនាំតែម្តង ។ ហេតុការណ៍នគរបាលចុះល្បាតប៉ះចំអ្នកប្រើប្រាស់នេះបានកើតឡើងកាលពីវេលាម៉ោង៥ និង១៥រសៀលថ្ងៃទី១៣ ខែសីហា ឆ្នាំ២០១៨ ស្ថិតនៅក្នុងភូមិសាស្ត្រ ភូមិទួលល្វា សង្កាត់ទួលល្វា ក្រុងប៉ៃលិន ។
ជនសង្ស័យមានឈ្មោះ ជី ប្រាំង ភេទប្រុស អាយុ៣៤ឆ្នាំ ជាកម្មករ មានទីលំនៅបច្ចុប្បន្នក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយដកហូតបានវត្ថុតាងរួមមានថ្នាំញៀនម្សៅក្រាមពណ៌ស ម៉ាទឹកកក ចំនួន១កញ្ចប់ធំ ។
ប្រភពព័ត៌មានបានឱ្យដឹងថា កងកម្លាំងនគរបាលបានចុះល្បាតនៅតាមចំណុចគោលដៅ ស្រាប់តែឃើញបុរសម្នាក់ដែលជាជនគួរអោយសង្ស័យកំពុងតែដើរតាមផ្លូវលំ លុះឃើញដូចនេះក្រុមល្បាតក៏ហៅឱ្យឈប់ដើម្បីសួនាំ ។
ប្រភពបន្តទៀតថា ពេលនោះរូបគេបានរត់គេចខ្លួនយ៉ាងលឿនតែភ្លាមៗដែរក្រុមល្បាតក៏ដេញតាមពីក្រោយរួចក៏ចាប់ឃាត់ខ្លួនមកសួរនាំ និងអោយរូបគេលូកឆែកឆេរលើដងខ្លួនឯងរំពេចនោះក៏ប្រទះឃើញមានថ្នាំញៀន១កញ្ចប់នៅក្នុងហោប៉ៅខោតែម្តង ។
ពាក់ព័ន្ធនឹងបញ្ហានេះបន្ទាប់មកនគរបាលបាននាំខ្លួនជនសង្ស័យរូបនោះទៅអធិការដ្ឋាននគរបាលក្រុងប៉ៃលិនដើម្បីធ្វើការសាកសួរបន្តតែម្តង ។ បច្ចុប្បន្ននគរបាលជំនាញព្រហ្មទណ្ឌ នៃអធិការដ្ឋាននគរបាលក្រុងប៉ៃលិនកំពុងរៀបចំកសាងសំណុំរឿង និងឃាត់ខ្លួនជនសង្ស័យជាបណ្តោះអាសន្នដើម្បីចាត់ការតាមនីតិវិធី ៕
ចែករំលែកព័តមាននេះ