រាជធានីភ្នំពេញ ៖ សមត្ថកិច្ចនគរបាល ប៉ុស្ដិ៍រដ្ឋបាលផ្សារដើមថ្កូវដឹកនាំដោយលោក នាយប៉ុស្ដិ៍ សេង វណ្ណៈ នារសៀលថ្ងៃទី១២ កក្កដា ឆ្នាំ២០១០ បានឃាត់ខ្លួនមុខសញា សង្ស័យធ្វើសកម្មភាពប្លន់យកទូរស័ព្ទដៃ និង កាបូបប្រាក់ពីអ្នករត់ម៉ូតូឌុបម្នាក់ កាលពី វេលាម៉ោង១២ និង១០នាទីថ្ងៃត្រង់ ថ្ងៃទី ១១ កក្កដា នៅកែងផ្លូវលេខ៥០៨ និងផ្លូវ លេខ៩៥ ភូមិ៤ សង្កាត់ផ្សារដើមថ្កូវ ខណ្ឌ ចំការមន។
ជនសង្ស័យដែលសមត្ថកិច្ចឃាត់ខ្លួននេះ ឈ្មោះចាន់ សុខនី អាយុ២៤ឆ្នាំ ស្នាក់នៅ ផ្ទះលេខ២៤៦ ផ្លូវលេខ៥០៨ សង្កាត់ផ្សារ ដើមថ្កូវ។ នៅចំពោះមុខសមត្ថកិច្ចនគរបាល ប៉ុសិ៍្ដផ្សារដើមថ្កូវ ជនឈ្មោះចាន់ សុខនី បាន និយាយថា កាលពីថ្ងៃទី១១ កក្កដា ខ្លួននិង បក្សពួកម្នាក់ឈ្មោះថាន់ ភេទប្រុស អាយុ ២៧ឆ្នាំ មុខរបរ និងទីលំនៅមិនច្បាស់លាស់ បាននាំគ្នាយកកាំបិតប៉័ងតោគំរាមភ្ជង់ប្លន់ យកទូរស័ព្ទដៃ និងកាបូបលុយរបស់ឈ្មោះ ទន់ ស៊ីណាត ភេទប្រុស អាយុ៣១ឆ្នាំ មាន ទីលំនៅក្នុងសង្កាត់ចាក់អង្រែក្រោម ខណ្ឌ មានជ័យ ។
.តាមប្រភពព័ត៌មានឱ្យដឹងថា មូលហេតុ ដែលឈ្មោះចាន់ សុខនី រួមជាមួយបក្ស ពួកធ្វើសកម្មភាពប្លន់យកទូរស័ព្ទនិងកាបូប លុយរបស់ឈ្មោះទន់ ស៊ីណាត បាន គឺដោយ សារឈ្មោះទន់ ស៊ីណាត ជិះម៉ូតូសេ១០០កូរ៉េ ឆ្វែលរកម៉ូយឌុបនៅកែងផ្លូវលេខ៥០៨ និង ផ្លូវលេខ៩៥ ហើយឈ្មោះ ចាន់ សុខនី ធ្វើ ជាហៅម៉ូតូជិះជាមួយបក្សពួកឈ្មោះថាន់ ។ ខណៈពេលនោះឈ្មោះថាន់បានយកកាំបិត ប៉័ងតោគំរាមប្លន់យកទូរស័ព្ទដៃ និងកាបូប ប្រាក់ពីឈ្មោះទន់ ស៊ីណាត ។ ដោយសារ មានការភ័យខ្លាចឈ្មោះ ទន់ ស៊ីណាត ក៏ ប្រគល់ទូរស័ព្ទ និងកាបូបលុយដែលមាន ប្រាក់១៨ម៉ឺនរៀលទៅឱ្យក្រុមចោរប្លន់ ។
នៅព្រឹកថ្ងៃទី១២ កក្កដា បុរសឈ្មោះទន់ ស៊ីណាត បានមកដាក់ពាក្យបណ្ដឹងនៅស្នាក់ ការនគរបាលប៉ុស្ដិ៍ផ្សារដើមថ្កូវ ហើយសមត្ថ កិច្ចក៏កំណត់មុខសញាបានរួចចាប់ឃាត់ខ្លួន ឈ្មោះចាន់ សុខនី យកទៅសួរនាំ និងទទួល បានការសារភាពថា រូបគេ និងបក្សពួកម្នាក់ ពិតជាបានធ្វើសកម្មភាពដូចលើកឡើងខាង លើមែន ។ យោងតាមចំលើយសារភាព របស់ជនសង្ស័យ សមត្ថកិច្ចក៏ឈានទៅដក ហូតបានវត្ថុតាង គឺកាំបិតប៉័ងតោ និងទូរស័ព្ទ ដៃរបស់អ្នករងគ្រោះមួយគ្រឿងប្រគល់ឱ្យ ម្ចាស់វិញ ។ រីឯជនសង្ស័យ និងវត្ថុតាង គឺកាំបិតប៉័ងតោត្រូវបានកសាងសំណុំរឿង បញ្ជូនទៅអធិការដ្ឋាននគរបាលខណ្ឌចំការ មនដើម្បីចាត់ការបន្ដតាមច្បាប់ ។លោកអ៊ុច សុខុន អធិការនគរបាលខណ្ឌ ចំការមនបានសំរេចឱ្យនគរបាលជំនាញ កសាងសំណុំរឿងបញ្ជូនខ្លួនជនសង្ស័យទៅ សាលាដំបូង រីឯបក្សពួកកំពុងតាមស្រាវ ជ្រាវចាប់ខ្លួនបន្ដទៀត ៕
ចែករំលែកព័តមាននេះ