ខេត្តបន្ទាយមានជ័យ ៖ បុរសជនជាតិឥណ្ឌូណេស៊ីម្នាក់បានស្លាប់ពេលបញ្ជូនទៅមន្ទីរពេទ្យបង្អែកក្រុងប៉ោយប៉ែតក្រោយពីមានអាការមិនស្រួលខ្លួនកាលពីព្រឹកថ្ងៃទី១២ សីហា ឆ្នាំ២០១៨ ។ ជនរងគ្រោះដែលស្លាប់ឈ្មោះ ANDRIAN ភេទប្រុស អាយុ៣០ឆ្នាំ…
ខេត្តបន្ទាយមានជ័យ ៖ បុរសជនជាតិឥណ្ឌូណេស៊ីម្នាក់បានស្លាប់ពេលបញ្ជូនទៅមន្ទីរពេទ្យបង្អែកក្រុងប៉ោយប៉ែតក្រោយពីមានអាការមិនស្រួលខ្លួនកាលពីព្រឹកថ្ងៃទី១២ សីហា ឆ្នាំ២០១៨ ។
ជនរងគ្រោះដែលស្លាប់ឈ្មោះ ANDRIAN ភេទប្រុស អាយុ៣០ឆ្នាំ ជនជាតិឥណ្ឌូណេស៊ី ជាបុគ្គលិកផ្នែកអនឡាញនៅកាស៊ីណូមួយក្នុងក្រុងប៉ោយប៉ែត និងស្នាក់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត។ ជនរងគ្រោះមានប្រពន្ធជាខ្មែរ និងមានកូនស្រីម្នាក់ ។
សមត្ថកិច្ចជំនាញផ្នែកបច្ចេកទេសនៃអធិការដ្ឋាននគរបាលក្រុងប៉ោយប៉ែតប្រាប់ថា ដំបូងជនរងគ្រោះមានអាការៈមិនស្រួលខ្លួន លុះប្រពន្ធបញ្ជូនទៅកាន់មន្ទីរពេទ្យក៏ស្លាប់តាមផ្លូវ ។ តាមគ្រូពេទ្យបញ្ជាក់ថា ជនរងគ្រោះស្លាប់ដោយសារជម្ងឺគាំងបេះដូង។
សពត្រូវបានតម្កល់នៅបរិវេណវត្តបាលិលេយ្យក្នុងភូមិក្បាលស្ពាន២ សង្កាត់ប៉ោយប៉ែត្រ ក្រុងប៉ោយប៉ែត ហើយសមត្ថកិច្ចបានឱ្យដឹងថាពេលនេះម្តាយរបស់ជនរងគ្រោះកំពុងធ្វើដំណើរពីប្រទេសឥណ្ឌូនេស៊ីដើម្បីមកចូលរួមធ្វើបុណ្យនៅក្នុងបរិវេណវត្តខាងលើ៕
ចែករំលែកព័តមាននេះ