ខេត្តប៉ៃលិន ៖ ប្រជាពលរដ្ឋសង្កេតឃើញកាលពីព្រឹកនៅថ្ងៃទី0៩ ខែសីហា ឆ្នាំ២០១៨នេះ បន្ទាប់ពីលោក ឈឹម វាសនា ប្រធានកាំកុងត្រូលសាខាខេត្តប៉ៃលិនបានសហការណ៍ជាមួយមន្ត្រីនៃមន្ទីរពាណិជ្ជកម្មខេត្តចុះត្រួតពិនិត្យ និងដកហូតទំនិញខូចគុណភាព…
ខេត្តប៉ៃលិន ៖ ប្រជាពលរដ្ឋសង្កេតឃើញកាលពីព្រឹកនៅថ្ងៃទី0៩ ខែសីហា ឆ្នាំ២០១៨នេះ បន្ទាប់ពីលោក ឈឹម វាសនា ប្រធានកាំកុងត្រូលសាខាខេត្តប៉ៃលិនបានសហការណ៍ជាមួយមន្ត្រីនៃមន្ទីរពាណិជ្ជកម្មខេត្តចុះត្រួតពិនិត្យ និងដកហូតទំនិញខូចគុណភាព ហួសកាលបរិច្ឆេទនៅក្នុងផ្សារប៉ាងរលឹម និងតាមគេហដ្ឋានមួយចំនួន ស្ថិតក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ។ 
ដោយរឹបអូសបានជិត១តោន ធ្វើឱ្យប្រជាពលរដ្ឋរស់នៅក្នុងខេត្តព្រឺសម្បុរ និងព្រួយបារម្ភចំពោះសុខភា ព ។ តែពួកគាត់មិនសង្ឃឹមថា អាចចាប់ទំនិញទាំងនោះអស់ឡើយ ព្រោះចាប់តាមភូមិ និងតាមផ្សារ រីឯនៅច្រកទ្វារវិញបើកឱ្យឈ្មួញនាំចូលដោយគ្មានការត្រួតពិនិត្យឱ្យបានត្រឹមត្រូវនោះឡើយពោល គឺបើកឱ្យចូលទាំងយប់ទាំងថ្ងៃតែម្តង ។
ប្រភពព័ត៌មានបានឱ្យដឹងថា លោក ឈឹម វាសនា ដឹកនាំមន្ត្រីក្រោមឱវាទចុះត្រួតពិនិត្យទំនិ ញ ដោយបានរកឃើញមានខូចគុណភាព និងហួសកាលបរិច្ឆេទជាច្រើនប្រភេទដូចជា ទឹកក្រូចដបជ័រ ភេសជ្ជៈកំប៉ុង ស្រាបៀរ មីកំប៉ុង ទឹកម្ទេសដប ស្ករគ្រាប់ដូង ចាហួយកញ្ចប់ និងប័រប្រអប់ជាដើម សរុបទាំងអស់ស្មើនឹង៤០១.៥ គីឡូក្រាម ។
ប្រភពបន្តទៀតថា ជាមួយគ្នានេះដែរប្រជាពលរដ្ឋបានលើកឡើងថា ពួកគាត់មានការព្រួយបារម្ភយ៉ាងខ្លាំង ចំពោះសុវត្ថិភាពសុខភាពចំណីអាហារ ដោយឃើញខាងកាំកុងចុះពិនិត្យម្តងៗ ចាប់បានទំនិញយ៉ាងច្រើនសន្ធឹកសន្ធាប់គួរឱ្យកត់សម្គាល់ ។ ពួកគាត់ក៏សុំឲ្យខាងកាំកុងត្រូលត្រួតពិនិត្យនៅច្រកទ្វារអន្តរជាតិឲ្យបានដិតដល់ផងដែរ កុំចេះតែបណ្តោយឲ្យទំនិញថៃ ដែលគេបោះបង់ចោលទៅហើយ ឬជិតហួសកាលបរិច្ឆេទ ស្រាប់តែឈ្មួញខ្មែរនាំចូលមកលក់ឱ្យប្រជាពលរដ្ឋទិញយកទៅទទួលទានយ៉ាងរំភើយ ជាហេតុបណ្តាលឱ្យប៉ះពាល់ដល់សុខភាពធ្ងន់ធ្ងរផងដែរ ៕
ចែករំលែកព័តមាននេះ