ខេត្តបន្ទាយមានជ័យ ៖ កម្លោះចាស់ម្នាក់បានផឹកទឹកថ្នាំលាងបង្គន់រងរបួសធ្ងន់ត្រូវសាច់ញាតិដឹកទៅសង្គ្រោះបន្ទាន់នៅឯមន្ទីរពេទ្យបង្អែកក្រុងប៉ោយប៉ែត ប៉ុន្តែជាអកុសលបានស្លាប់ព្រោះតែអាការធ្ងន់ធ្ងរពេកក្រុមគ្រូពេទ្យមិនអាចជួយបាន ។ ហេតុការណ៌ផឹកទឹកថ្នាំលាងបង្គន់នេះកើតឡើងកាលពីយប់ថ្ងៃទី៨ ខែសីហា ឆ្នាំ២០១៨ នៅភូមិថ្មី ឃុំម៉ាឡៃ…
ខេត្តបន្ទាយមានជ័យ ៖ កម្លោះចាស់ម្នាក់បានផឹកទឹកថ្នាំលាងបង្គន់រងរបួសធ្ងន់ត្រូវសាច់ញាតិដឹកទៅសង្គ្រោះបន្ទាន់នៅឯមន្ទីរពេទ្យបង្អែកក្រុងប៉ោយប៉ែត ប៉ុន្តែជាអកុសលបានស្លាប់ព្រោះតែអាការធ្ងន់ធ្ងរពេកក្រុមគ្រូពេទ្យមិនអាចជួយបាន ។
ហេតុការណ៌ផឹកទឹកថ្នាំលាងបង្គន់នេះកើតឡើងកាលពីយប់ថ្ងៃទី៨ ខែសីហា ឆ្នាំ២០១៨ នៅភូមិថ្មី ឃុំម៉ាឡៃ ស្រុកម៉ាឡៃ ។ ជនរងគ្រោះឈ្មោះ សួ ដន អាយុ៣៨ឆ្នាំ មានទីលំនៅក្នុងភូមិ-ឃុំកើតហេតុខាងលើ ។
តាមប្រភពបានឱ្យដឹងថា ក្រោយពីជនរងគ្រោះផឹកទឹកថ្នាំលាងបង្គន់របួសធ្ងន់ធ្ងរត្រូវគេដឹកតាមរថយន្តសង្គ្រោះទៅកាន់មន្ទីរពេទ្យបង្អែកក្រុងប៉ោយប៉ែត ប៉ុន្តែជនរងគ្រោះបានស្លាប់នៅម៉ោងជាង២រំលោងអធ្រាត្រឈានចូលថ្ងៃទី៩ ខែសីហា ឆ្នាំ២០១៨ នេះគ្រូពេទ្យមិនអាចជួយបាន ព្រោះតែអាការជនរងគ្រោះធ្ងន់ធ្ងរពេក និងត្រូវបានដឹកត្រឡប់ទៅលំនៅដ្ឋានវិញដើម្បីធ្វើបុណ្យតាមប្រពៃណី ។
ករណីប៉ុនប៉ងសម្លាប់ខ្លួនរហូតបានសម្រេចនេះគេមិនដឹងថា ពាក់ព័ន្ធនឹងបញ្ហាអ្វីពិតប្រាកដនោះទេ រវាងជនរងគ្រោះ និងក្រុមគ្រួសារ ព្រោះក្រុមគ្រួសារជនរងគ្រោះមិនអាចទាក់ទងសុំការបំភ្លឺបាន ប៉ុន្តែបើយោងតាមរបាយការណ៌របស់នគរបាលរដ្ឋបាលប៉ុស្តិ៍ម៉ាឡៃបញ្ជាក់ថា ជនរងគ្រោះផឹកទឹកថ្នាំលាងបង្គន់ដើម្បីបញ្ចប់ជីវិតគឺដោយសារខឹងនឹងក្រុមគ្រួសារមិនសូវស្រឡាញ់ខ្លួន ។
លោកវេជ្ជបណ្ឌិត ហ៊ុល សុផល្លី ប្រធានមន្ទីរពេទ្យបង្អែកក្រុងប៉ោយប៉ែតប្រាប់តាមទូរស័ព្ទថាករណីខាងលើពិតជាកើតមានមែន ប៉ុន្តែលោកថា ជនរងគ្រោះអាចស្លាប់មុនពេលបញ្ជូនដល់មន្ទីរពេទ្យ ព្រោះពេលក្រុមគ្រូពេទ្យរបស់លោកពិនិត្យតាមបច្ចេកទេស គឺជនរងគ្រោះផុតដង្ហើមបាត់ទៅហើយ ៕
ចែករំលែកព័តមាននេះ