ស្នេហ៍បានខ្លួន… ស្ងួនក៏ដោះដៃ
- ប៉ៃលិន
ខេត្តប៉ៃលិន ៖ ពាក្យចាស់លោកពោលថា «ឃ្លានឆ្ងាញ់ស្រឡាញ់ល្អ» មានន័យថា បើស្រឡាញ់ហើយ ទោះ បីដើរឆ្លងភ្លើង ក៏ «យកអូនទាល់តែបានដែរ»…
ខេត្តប៉ៃលិន ៖ ពាក្យចាស់លោកពោលថា «ឃ្លានឆ្ងាញ់ស្រឡាញ់ល្អ» មានន័យថា បើស្រឡាញ់ហើយ ទោះ បីដើរឆ្លងភ្លើង ក៏ «យកអូនទាល់តែបានដែរ»…
ខេត្តប៉ៃលិន ៖ ពាក្យចាស់លោកពោលថា «ឃ្លានឆ្ងាញ់ស្រឡាញ់ល្អ» មានន័យថា បើស្រឡាញ់ហើយ ទោះ
បីដើរឆ្លងភ្លើង ក៏ «យកអូនទាល់តែបានដែរ» តែវាមិនច្បាស់ឡើយថា តើភាពស្នេហ៍មោះមុតនោះ មានជាអមតៈ ឬបែបណា ?
ការពិត ស្នេហាផ្លោះរបងកម្រក្លាយជាផ្លែផ្កាណាស់ច្រើនតែ «ជិនណាយ» រុះរោយ នាពេលក្រោយមក ។ ស្នេហ៍ឆក់កណ្តៀតមួយ បានក្លាយទៅជាការប្តឹងប្តល់ទៅសមត្ថកិច្ចពីរឿង «ក្បត់» ពីសំណាក់នារីម្នាក់ ខណៈបុរសជាគូស្នេហ៍ បានដោះដៃគេចខ្លួនទៅធ្វើការងារនៅខេត្តព្រះសីហនុ ដើម្បីផ្តាច់ចំណងស្នេហ៍ពីរូបនាង ។
ទីបំផុត នាងបានដាច់ចិត្តជិះម៉ូតូឌុបទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលឃុំស្ទឹងកាច់ ដើម្បីឱ្យហៅបុរសជាប្តីហេងស៊យឥតខាន់ស្លា ឱ្យមកទទួលខុសត្រូវចំពោះកូនក្នុងផ្ទៃ ដែលនឹងគ្រប់ខែនាពេលប៉ុន្មានខែខាងមុខ ។
ការដាក់ពាក្យបណ្តឹងនេះ បានធ្វើឡើងកាលពីវេលាម៉ោង៩ និង៣០នាទីព្រឹកថ្ងៃទី៨ ខែសីហា ។ប្រភពព័ត៌មានបានឱ្យដឹងថា នារីដែលប្តីហេងស៊យរត់ចោលនេះ មានអាយុ១៩ឆ្នាំ និងមានស្រុកកំណើតនៅខេត្តកំពង់ឆ្នាំង បច្ចុប្បន្នស្នាក់នៅក្នុងឃុំស្ទឹងកាច់ ស្រុកសាលាក្រៅ ។ ចំណែកបុរសដែលគេចខ្លួនឈ្មោះ វីរៈ អាយុ២២ឆ្នាំ បានយកនាងមករស់នៅក្នុងផ្ទះរបស់ខ្លួននៅក្នុងភូមិឃុំជាមួយគ្នា ។
នាងរៀបរាប់ថា កាលពីជាង៥ខែមុន នាងបានធ្វើដំណើរពីខេត្តកំពង់ឆ្នាំង មកស្នាក់នៅធ្វើការស៊ីឈ្នួលកាច់ពោតឱ្យថៅកែម្នាក់នៅក្បែរផ្ទះបុរសខាងលើ ។ លុះក្រោយមកក៏ស្គាល់គ្នា ហើយបុរសរូបនេះ បានឌុបនាងទៅដើរលេងនៅក្នុងក្រុងប៉ៃលិន ។ ក្រោយមក ពួកនាងទាំង២នាក់ ក៏រួមរស់ជាមួយគ្នារហូតដល់ទៅស្នាក់នៅផ្ទះខាងប្រុស ដោយមិនបានរៀបការឬសែនព្រេនអ្វីទេ តែបានក្លាយទៅជាប្តីប្រពន្ធនឹងគ្នា ។
ប៉ុន្តែក្រោយមក ស្រាប់តែឪពុកម្តាយខាងប្រុស មិនពេញចិត្តនឹងរូបនាង និងមិនទទួលស្គាល់នាងជាកូនប្រសា ខណៈនាងមានផ្ទៃពោះ៥ខែទៅហើយ ទើបនាងបង្ខំចិត្តទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាល ដើម្បីឱ្យហៅប្តីហេងស៊យ មកទទួលខុសត្រូវចំពោះកូនក្នុងផ្ទៃរបស់នាង ។
ស្ត្រីរូបនេះរៀបរាប់ទៀតថា បច្ចុប្បន្ននាងគ្មានអ្វីទីពឹងនោះទេ មានឪពុកម្តាយដែរ តែពួកគាត់ក្រីក្ររកព្រឹកខ្វះល្ងាច ដោយសុំផ្ទះគេស្នាក់នៅ ហើយគាត់ក៏បានដេញនាងចេញពីផ្ទះទៀត ដោយមិនទទួលស្គាល់ជាកូននោះឡើយ ។ នាងមិនដឹងជាគិតយ៉ាងណានោះទេ ព្រោះឥឡូវនេះកូននៅក្នុងពោះ៥ខែទៅហើយ ស្រាប់តែប្តីរត់គេចខ្លួនទៅរស់នៅឯខេត្តព្រះសីហនុបាត់ស្រមោល ។ នាងមិនចង់ទាមទារអ្វីច្រើនទេ គ្រាន់តែឱ្យរូបគេមកដោះស្រាយផ្តល់ថ្លៃសំណង រួចចង់ទៅណាក៏នាងមិនឃាត់ដែរ ។
ពាក់ព័ន្ធនឹងបញ្ហានេះ លោក សេម សុផល នាយប៉ុស្តិ៍នគរបាលឃុំស្ទឹងកាច់បានឱ្យដឹងថា ខាងលោកបានទទួលពាក្យបណ្តឹងពីស្ត្រីខាងលើរួចរាល់អស់ហើយ និងកំពុងហៅបុរសជាប់ចោទឱ្យប្រញាប់មកទទួល ខុស ត្រូវផ្តល់អាហារកិច្ចដល់ទារកដែលនឹងកើតនាពេលឆាប់ៗខាងមុខ។ នេះគឺជាការទទួលខុសត្រូវមួយដែលមិនអាចប្រកែកបាន ទោះបីអត់បានរៀបការ អត់មានចុះលិខិតអាពាហ៍ពិពាហ៍ក្តី តែការពិនិត្យឈាមទារកក៏បង្ហាញច្បាស់ជាកូនអ្នកណាដែរ ៕
ចែករំលែកព័តមាននេះ