រាជធានីភ្នំពេញ ៖ កម្លាំងល្បាតរបស់សមត្ថកិច្ចខណ្ឌដូនពេញបានធ្វើការល្បាតនឹងឃាត់ខ្លួនជនសង្ស័យម្នាក់កំពុងតែចែកចាយថ្នាំយ៉ាងសកម្មនៅប្លុកបឹងកក់ក៏ធ្វើការឃាត់ខ្លួនដកហូតបានថ្នាំញៀនចំនួន៧កញ្ចប់តូច រួមនឹងមួយកញ្ចប់ធំ កាលពីវេលាម៉ោង១២អធ្រាត្រថ្ងៃទី៨ ខែសីហា ឆ្នាំ២០១៨ តាមបណ្តោយផ្លូវរ៉ារទះភ្លើង នៅចំណុចប្លុករោងចក្រឆ្នាំង ស្ថិតនៅក្នុងភូមិ៣…
រាជធានីភ្នំពេញ ៖ កម្លាំងល្បាតរបស់សមត្ថកិច្ចខណ្ឌដូនពេញបានធ្វើការល្បាតនឹងឃាត់ខ្លួនជនសង្ស័យម្នាក់កំពុងតែចែកចាយថ្នាំយ៉ាងសកម្មនៅប្លុកបឹងកក់ក៏ធ្វើការឃាត់ខ្លួនដកហូតបានថ្នាំញៀនចំនួន៧កញ្ចប់តូច រួមនឹងមួយកញ្ចប់ធំ កាលពីវេលាម៉ោង១២អធ្រាត្រថ្ងៃទី៨ ខែសីហា ឆ្នាំ២០១៨ តាមបណ្តោយផ្លូវរ៉ារទះភ្លើង នៅចំណុចប្លុករោងចក្រឆ្នាំង ស្ថិតនៅក្នុងភូមិ៣ សង្កាត់ស្រះចក ខណ្ឌដូនពេញ ។
ជនសង្ស័យដែលឃាត់ខ្លួនបានមានឈ្មោះ ម៉ុង វិបុល ភេទប្រុស អាយុ២៣ឆ្នាំ ស្នាក់នៅម្តុំវត្ត
នាគវ័ន្ត សង្កាត់បឹងកក់២ ខណ្ឌទួលគោក ។
តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតដោយមានបញ្ជាពីលោកអធិការហួត ចាន់យ៉ារ៉ាន់ បញ្ជាឲ្យលោកអធិការរង គង់ សុភារិទ្ធ ដឹកនាំកម្លាំងល្បាតសហប៉ុស្តិ៍ ដើម្បីការពារសុខសុវត្ថិភាពជូនប្រជាពលរដ្ឋទប់ស្កាត់រាល់បទល្មើសកុំឲ្យកើតមានដូចជា លួចឆក់ប្លន់ជាដើម កុំឲ្យកើតមានក្នុងមូលដ្ឋាន ខណៈពេលល្បាតមកដល់ចំណុចកើតហេតុខាងលើម្តុំរ៉ារទះភ្លើងរោងចក្រឆ្នាំង ក៏ស្រាប់តែជនសង្ស័យខាងលើនេះមានឈ្មោះដូចខាងលើកំពុងតែឈរចែកចាយថ្នាំយ៉ាងសកម្មក៏សមត្ថកិច្ចខណ្ឌដូនពេញបានធ្វើការឃាត់ខ្លួន និងដកហូតបានថ្នាំញៀនចំនួន៧កញ្ចប់តូច និងមួយកញ្ចប់ធំយកទៅសួរនាំ ។
នៅចំពោះមុខសមត្ថកិច្ចជនសង្ស័យខាងលើនេះបានឆ្លើយសារភាពថា ថ្នាំញៀនទាំងអស់នេះពិតជារបស់គេពិតប្រាកដមែន ។ ក្រោយពេលកើតហេតុជនសង្ស័យខាងលើរួម នឹងថ្នាំញៀនខាងលើនេះត្រូវបានសមត្ថកិច្ច
កសាងសំណុំរឿងបញ្ចូនខ្លួនទៅកាន់តុលាការ ដើម្បីចាត់ការទៅតាមនីតិវិធី ៕
ចែករំលែកព័តមាននេះ