ក្រសួងផែនការជំរុញឲ្យអាជ្ញាធរខេត្តពន្លឿនការធ្វើសម្រង់ទិន្នន័យស្ថិតិថ្នាក់ក្រោមជាតិ
- ស្ទឹងត្រែង
ខេត្តស្ទឹងត្រែង ៖ ក្រសួងផែនការបានបើកវគ្គបណ្តុះបណ្តាលស្តីពីការចុះសម្រង់ទិន្នន័យស្ថិតិថ្នាក់ក្រោមជាតិ ដើម្បីសិក្សាពីមូលដ្ឋានសម្រាប់លើកផែនការអភិវឌ្ឍបន្ថែមដែលការចូលរួមនេះមកពីខេត្តចំនួន៥នៅភូមិភាគ ឦសាន្តរួមមានក្រចេះ-ស្ទឹងត្រែង-ព្រះវិហារ-មណ្ឌលគីរី-និងរតនគីរី-អ្នកចូលរួមចំនួន៥៥នាក់ ។ ក្នុងឱកាសបើកវគ្គបណ្តុះបណ្តាលនេះលោក ឆាយ ថន ទេសរដ្ឋមន្ត្រីរដ្ឋមន្ត្រីក្រសួងផែនការមានប្រសាសន៍ថា…
ក្នុងឱកាសបើកវគ្គបណ្តុះបណ្តាលនេះលោក ឆាយ ថន ទេសរដ្ឋមន្ត្រីរដ្ឋមន្ត្រីក្រសួងផែនការមានប្រសាសន៍ថា ប្រជាពលរដ្ឋត្រូវការប្រាក់ចំណូលប្រចាំថ្ងៃសម្រាប់ដោះស្រាយជីវភាព ដូច្នេះអាជ្ញាធរខេត្ត នីមួយៗត្រូវបង្កើនការងារអភិវឌ្ឍន៍តាមរយៈការទាក់ទាញដៃគូឯកជនឲ្យចូលមកវិនិយោគលើគ្រប់វិស័យនៅក្នុងខេត្ត ។ លោកបន្ថែមថា រាជរដ្ឋាភិបាលបានរំលែកកិច្ចការងារគ្រប់គ្រងឲ្យមកថ្នាក់ក្រោមជាតិរួចហើយ ដូច្នេះអាជ្ញាធរខេត្តត្រូវមានការទទួលខុសត្រូវទៅលើការរៀបចំអភិវឌ្ឍន៍ខេត្ត និងគិតគូរធ្វើឲ្យប្រជាពលរដ្ឋមានប្រាក់ចំណូលហើយកម្មករក៏នឹងមានជីវភាពអនាគតល្អ ។
លោកទេសរដ្ឋមន្ត្រីបានផ្តាំផ្ញើឱ្យមន្ត្រីនៃមន្ទីរផែនការទាំងអស់ត្រូវយកចិត្តទុកដាក់ខិតខំរៀនសូត្រនឹងបង្កើននូវចំណេះដឹងរបស់ខ្លួនបម្រើកិច្ចការងារឱ្យឆ្លើយតបទៅតាមផែនការនឹងគោលដៅដែលរាជរដ្ឋាភិបាលចង់បាន ។
ចែករំលែកព័តមាននេះ