ខេត្តរតនគីរី ៖ ការិល័យគ្រឿងញៀនសហការជាមួយប៉ូលិសក្រុងបានលុងបើកប្រតិបត្ដិការបង្ក្រាបគ្រឿងញៀនចាប់បានយុវជន៤នាក់ ជាមុខសញ្ញាប្រើប្រាស់នឹងជួញដូរយ៉ាងសកម្មប្រចាំខេត្ត ។ ក្នុងករណីបង្ក្រាបនេះសមត្ថកិច្ចបានធ្វើឡើងនៅនៅវេលាម៉ោង១២នឹង១៥នាទី ថ្ងៃទី០៦ ខែសីហា ឆ្នាំ២០១៨ នៅចំណុចភូមិអូកន្សែង សង្កាត់បឹងកន្សែង ក្រុងបានលុង ។
ទាក់ទិនករណីខាងលើនេះលោកវរៈសេនីយ៍ឯក លាង អ៊ីម នាយការិល័យប្រឆាំងគ្រឿងញៀននៃស្នងការដ្ឋាននគបាលខេត្តបានឲ្យសារព័ត៌មានយើងដឹងថា ក្នុងករណីចុះបង្ក្រាបមុខសញ្ញាខាងលើ ដោយមានការចង្អុលបង្ហាញពីសំណាក់លោកស្នងការនឹងស្នងការរងទទួលផែនសេដ្ឋកិច្ចនឹងមានការសម្របសម្រួលពីលោក រ៉ាបូ រ៉ាន់ឌី ព្រះរាជអាជ្ញារងអមសាលាដំបូងខេត្តបានដាក់កម្លាំងចុះតាមដានមុខសញ្ញានេះជាច្រើនខែកន្លងមកហើយ ទើបចាប់នៅថ្ងៃនេះជនសង្ស័យទាំង៤នាក់ខាងលើ មានទី១ – ឈ្មោះ ពៅ ពិទូ ភេទប្រុស អាយុ២៨ឆ្នាំ មានមុខរបមិនប្រាកដរស់នៅសង្កាត់ឡាបានសៀក ក្រុងបានលុង មុខសញ្ញានាក់ដឹកជញ្ជូន និងចែកចាយ ចំណែកទី២- មានឈ្មោះ ម៉ម តុលា ភេទប្រុស អាយុ២៨ឆ្នាំ មុខរបមិនពិតប្រាកដ ។ ករណីរក្សាទុកនឹងប្រើប្រាស់មានទីលំនៅភូមិអភិវឌ្ឍសង្កាត់ឡាបានសៀក ក្រុងបានលុង ទី៣-មានឈ្មោះផៃ សំណាង ភេទប្រុស អាយុ២៤ឆ្នាំ មុខរបមិនពិតប្រាកដ ជាករណីប្រើប្រាស់ ហើយរស់នៅភូមិអភិវឌ្ឍសង្កាត់ឡាបានសៀក ក្រុងបានលុង រីជនសង្ស័យទី៤ មានឈ្មោះ សុវណ្ណ វិចិត្ត ភេទប្រុស អាយុ២២ឆ្នាំ មុខរបមិនពិតប្រាកដ ជាករណីប្រើប្រាស់ រស់នៅភូមិអូកន្ទិល សង្កាត់ឡាបានសៀក ក្រុងបានលុង ជនសង្ស័យទាំង៤នាក់ ជាជនជាតិខ្មែរទាំងអស់ ។
សមត្ថកិច្ចដដែលបានបន្តទៀតថា ក្រុមជនសង្សយ័ទាំង៤នាក់ខាងលើ ក្រោយពីឃាត់ខ្លួនបានសមត្ថកិច្ចធ្វើការត្រួតពិនិតទឹកនោមលទ្ធិផលវិជ្ជមានទាំងអស់ ហើយវត្ថុតាងដែលរឹបអូសបានរួមមានទី១ម្សៅក្រាម ពណ៌សថ្លា ម៉ាទឹកកក់ចំនួន២ថង់តូច និង១កញ្ចប់តូចWY ទូរសព្វ័១គ្រឿង ទីនាឡិការដៃចំនួន៣គ្រឿង ម៉ួតូចំនួន២គ្រឿង សម្ភារសម្រាប់សេពគ្រឿងញៀនមួយចំនួនទៀត ។
បច្ចុបន្នជនសង្ស័យទាំង៤នាក់ រួមទាំងវត្ថុតាងឃាត់នឹងរក្សាទុកបណ្ដោះអាសន្ននៅការិល័យជំនាញ ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមវិធីច្បាប់មុខសញ្ញាជនសង្ស័យទាំង៤នាក់ខាងលើនេះចែកចាយថ្នាំញៀនយ៉ាងសកម្មនៅក្នុងខេត្តរតនគិរី ពេលសមត្ថកិច្ចចាប់បានមុខសញ្ញាទាំងនោះប្រជាពលរដ្ឋខេត្តរតនគិរីមានការសប្បាយចិត្តយ៉ាងខ្លាំង ៕
ចែករំលែកព័តមាននេះ