ខេត្តសៀមរាប ៖ សេចក្តីរាយការណ៍បឋមឱ្យដឹងថា ឃាតករដែលអារ.កបុរសពិការម្នាក់ដោយកាំបិត ប៉័ងតោ ត្រូវសមត្ថកិច្ចនគរបាលខេត្តសៀមរាប សហការជាមួយនគរបាលព្រហ្មទណ្ឌកំរិតធ្ងន់ស្រុកអូរជ្រៅស្រាវជ្រាវរហូតឈានឃាត់ខ្លួនបាន កាលពីវេលាម៉ោង០៣ និង៣០នាទីរសៀលថ្ងៃទី៦ សីហា…
ខេត្តសៀមរាប ៖ សេចក្តីរាយការណ៍បឋមឱ្យដឹងថា ឃាតករដែលអារ.កបុរសពិការម្នាក់ដោយកាំបិត
ប៉័ងតោ ត្រូវសមត្ថកិច្ចនគរបាលខេត្តសៀមរាប សហការជាមួយនគរបាលព្រហ្មទណ្ឌកំរិតធ្ងន់ស្រុកអូរជ្រៅស្រាវជ្រាវរហូតឈានឃាត់ខ្លួនបាន កាលពីវេលាម៉ោង០៣ និង៣០នាទីរសៀលថ្ងៃទី៦ សីហា ស្ថិតនៅក្នុងភូមិគុត្តសត ឃុំគុត្តសត ស្រុកអូរជ្រៅ ខេត្តបន្ទាយមានជ័យ ខណៈរត់ចេញពីសៀមរាបទៅពួនសងំផ្ទះឪពុកមាទីនោះ ហើយបម្រុងគេចបន្តទៅប្រទេសថៃ ។
សេចក្តីរាយការណ៍បន្តថា ជនសង្ស័យខាងលើ ឈ្មោះ អ៊ុច ចាន់ណា ហៅជីវ ភេទប្រុស អាយុ២៤ឆ្នាំ ជាកម្មករសំណង់ មានទីលំនៅភូមិថ្នល់ចែក ឃុំកៀនសង្កែ ស្រុកសូទ្រនិគម ខេត្តសៀមរាប ។ ចំណែកជនរងគ្រោះឈ្មោះឈិត ខ្វាន់ ភេទប្រុស អាយុ៥៦ឆ្នាំ ជាមនុស្សពិការ (ស្វិតជើង ដើរកាន់ឈើច្រត់) មានទីលំនៅភូមិជាមួួយ ។
លោកអធិការនគរបាលស្រុកសូទ្រនិគមបានឱ្យដឹងដែរថា កម្លាំងបានធ្វើការឃាត់ខ្លួនបានជនសង្ស័យ
រូបនេះនៅផ្ទះឪពុកមាឈ្មោះ សោម សំ ខណៈរូបគេមកគេចខ្លួនពីស្រុកសូទ្រនិគម មកសុំស្នាក់នៅបណ្តោះអាសន្ន២ទៅ៣ថ្ងៃ ដើម្បីលួចចូលទៅធ្វើជាកម្មករនៅប្រទេសថៃ ប៉ុន្តែអត់បានដូចបំណង ។ ចំពោះមូលហេតុ គឺជនសង្ស័យខឹងជាមួយជនរងគ្រោះថា រូបគេចេះអូមអាម ទើបរូបគេសម្លាប់ជនរងគ្រោះតែម្តង ។
គួររំលឹកថា ជនសង្ស័យធ្វើសកម្មភាពចាប់អារ.កសម្លាប់ជនរងគ្រោះ ខណៈកំពុងដេកនៅក្នុងមុងក្រោមផ្ទះ ត្រូវប្រជាពលរដ្ឋប្រទះឃើញ កាលពីវេលាម៉ោង០៨ និង២០នាទីយប់ថ្ងៃទី៥ សីហា ស្ថិតក្នុងភូមិថ្នល់ចែក ឃុំកើនសង្កែ ស្រុកសូទ្រនិគម ខេត្តសៀមរាប ។ ហើយជនសង្ស័យបានទុកកាំបិតចោលនៅលើគ្រែក្បែរសាកសព ហើយរត់គេចខ្លួនតែម្តង ។
ចែករំលែកព័តមាននេះ