ចោទទាហានមួយក្រុមថា លើកគ្នាទៅរំលោ.ភលើដីគេមានកម្មសិទ្ធ
- កំពង់ស្ពឺ
ខេត្តកំពង់ស្ពឺ ៖ នៅព្រឹកថ្ងៃទី៣ ខែសីហា ឆ្នាំ២០១៨ នេះមានការភ្ញាក់ផ្អើលមួយបានកើតឡើងបន្ទាប់ពីគេឃើញមានមនុស្សមួយក្រុមប្រដាប់ដោយចបជីក ចបកាប់ និងបង្កោលថ្មផងនោះបាននាំគ្នាចូលទៅជីកដីដាំបង្គោលលើដីដែលមានប័ណ្ណកម្មសិទ្ឋស្របច្បាប់របស់គេទៅវិញ ។ ដីដែលក្រុមមនុស្សមួយក្រុមនោះមកធ្វើសកម្មភាពជីកដីដាំបង្គោលរបងដើម្បីរំលោភបំពានយកត្រូវបានដឹងថាជាដីដែលមានប្លង់កាន់កាប់ដែលចេញដោយមន្ទីរដែនដីខេត្តកំពង់ស្ពឺមានម្ចាស់ឈ្មោះ…
បើតាមមន្ត្រីឃុំក្រាំងអំពិលមួយរូបបានប្រាប់ថា មនុស្សដែលចូលមកទន្ទ្រានជីកដាំបង្គោលរបងលើដីកម្មសិទ្ឋរបស់អ្នកដ៏ទៃនោះសុទ្ធសឹងជាមន្ត្រីយោធាវរៈ៤ចំណុះកងពលមួយដែលមានឈ្មោះ អ៊ុក សារុន ជាអ្នកបញ្ជា ។ ដីប្លង់កម្មសិទ្ឋនេះមានក្បាលដីលេខ២១៨ចុះហត្ថលេខាបញ្ជាក់ដោយលោកតាប់ម៉ាលៃប្រធានមន្ទីរដែនដី និងសុរិយោដីខេត្តកំពង់ស្ពឺ ។
ពាក់ព័ន្ឋនឹងការដែលក្រុមទាហានចូលមករំលោភបំពានដីប្លង់កម្មសិទ្ឋអ្នកដ៏ទៃនេះ(កន្លែងនេះភូមិថ្នល់បត់ ឃុំក្រាំងអំពិល ស្រុកសំរោងទង ខេត្តកំពង់ស្ពឺ) មិនមែនជាលើកទី១របស់ក្រុមទាហាននោះទេ គឺច្រើនដងមកហើយតែមហិច្ឆតានេះមិនបានសម្រេចទើបនៅតែចិញ្ចឹមចិត្តចង់បានរហូតមក ។
ចែករំលែកព័តមាននេះ