ទីក្រុងប៉េកាំង ៖ យោងតាមការិយាល័យស្ថិតិជាតិ (NBS) បានឲ្យដឹងថា ប្រាក់ចំណេញឧស្សាហកម្មចិនបានលូតលាស់១៧,២% ក្នុងឆមាសទី១ ឆ្នាំ២០១៨នេះ ។ ប្រាក់ចំណេញឧស្សាហកម្មបានកើនឡើង២០%នៅខែមិថុនា…
ទីក្រុងប៉េកាំង ៖ យោងតាមការិយាល័យស្ថិតិជាតិ (NBS) បានឲ្យដឹងថា ប្រាក់ចំណេញឧស្សាហកម្មចិនបានលូតលាស់១៧,២% ក្នុងឆមាសទី១ ឆ្នាំ២០១៨នេះ ។ ប្រាក់ចំណេញឧស្សាហកម្មបានកើនឡើង២០%នៅខែមិថុនា ឬទាបជាងខែឧសភា ១,១% ។
លោក He Ping អ្នកស្ថិតិក្នុងការិយាល័យស្ថិតិជាតិ (NBS) បានឲ្យដឹងថា ប្រាក់ចំណេញដ៏រឹងមាំនេះ គឺជំរុញដោយសារកំណែទម្រង់ការផ្គត់ផ្គង់នៅប្រទេសចិន ។
ក្នុងអំឡុងពេល៦ខែដំបូងឆ្នាំនេះ ការចំណាយបានធ្លាក់ចុះមកស្មើ១៣,៥៥ដុល្លារ សម្រាប់រាល់ប្រាក់ចំណូលចំនួន១៤,៦៤ដុល្លារ ។
ឧស្សាហកម្មប្រេងឥន្ធនៈ ការបូមឧស្ម័ន ការរំលាយលោហៈ និងកិនលោហៈ មើលឃើញប្រាក់ចំណេញកើនឡើងប្រមាណ៣១០% និង១១០% នៅក្នុងឆមាសទី១ឆ្នាំនេះ ។
ផលិតផលរ៉ែ (មិនមែនជាលោហៈ និងផលិតកម្មធាតុគីមី) ក៏មើលឃើញប្រាក់ចំណេញកើនឡើង៤៤,១% និង២៩,៤% ផងដែរ ។
ជាមួយគ្នានេះ ប្រាក់ចំណេញបានពីផ្នែកផលិតកម្ម និងផ្គត់ផ្គង់អគ្គិសនីនិងកម្តៅ បានកើនឡើង២៧,៤% ។ ឧស្សាហកម្មទាំង៥ ស្មើនឹង៦៧% នៃគម្រោងឧស្សាហកម្មសរុបរបស់ប្រទេសចិន ក្នុងអំឡុងពេល៦ខែដំបូងឆ្នាំនេះ។ នេះបើយោងតាម NBS ។
លោក He Ping បានបន្តថា ៖« កំណើនតម្លៃបានរក្សាប្រាក់ចំណេញផ្នែកឧស្សាហកម្ម បើទោះជាការលូតលាស់ក្នុងផ្នែកផលិតកម្មអន់ថយកាលពីខែមិថុនាក្តី » ។
សន្ទស្សន៍តម្លៃរបស់អ្នកផលិត The producer price index (PPI) ដែលវាស់ការចំណាយសម្រាប់ផលិតផលក្នុងរោងចក្រ បានកើនឡើង៤,៧%កាលពីខែមិថុនា ខ្ពស់ជាងខែឧសភា ដល់ទៅ០,៦% ។ រីឯសន្ទស្សន៍តម្លៃវត្ថុធាតុដើម The Input Price Index (IPI) បានកើនឡើង៥,១%ក្នុងរយៈពេលដូចគ្នា ខ្ពស់ជាងខែឧសភា ០,៨% ៕
ចែករំលែកព័តមាននេះ