រាជធានីភ្នំពេញ ៖ តាមសេចក្តីរាយការណ៍បានឲ្យដឹងថា នៅខណៈវេលាម៉ោង៤ជាងនេះមានសមត្ថកិច្ចនគរបាល អាជ្ញាធរខណ្ឌឬស្សីកែវបានចុះរុះរើសំណង់ដែលរំលោភលើដីដែលមានកម្មសិទ្ធត្រឹមត្រូវ ដែលការរុះរើនោះអាជ្ញាធរក៏បានប្រើកម្លាំងប្រមាណជាជាង១០០នាក់ ប្រដាប់ទៅដោយខែល ដំបង គ្រឿងចក្រ ហើយរថយន្តពន្លត់អគ្គិភ័យផងដែរ…
រាជធានីភ្នំពេញ ៖ តាមសេចក្តីរាយការណ៍បានឲ្យដឹងថា នៅខណៈវេលាម៉ោង៤ជាងនេះមានសមត្ថកិច្ចនគរបាល អាជ្ញាធរខណ្ឌឬស្សីកែវបានចុះរុះរើសំណង់ដែលរំលោភលើដីដែលមានកម្មសិទ្ធត្រឹមត្រូវ ដែលការរុះរើនោះអាជ្ញាធរក៏បានប្រើកម្លាំងប្រមាណជាជាង១០០នាក់ ប្រដាប់ទៅដោយខែល ដំបង គ្រឿងចក្រ ហើយរថយន្តពន្លត់អគ្គិភ័យផងដែរ ។ ហេតុការណ៍នោះក៏មានការប្រឈមមុខដាក់គ្នារវាងក្រុមតវ៉ាប្រមាណជា២០នាក់ ដែលប្រដាប់ទៅដោយដបសាំង កាំបិត ដំបង ដំថ្ម និងគំរាមដុតដើម្បីប្រឆាំងនឹងអាជ្ញាធរ ។
សេចក្តីរាយការណ៍បន្តថា ទំនាស់ដីនោះគឺ ជាទំនាស់រាំរ៉ៃ រវាងលោកស្រី លឹម វណ្ណា លោកមាស សាវឿន អនុរដ្ឋលេខាក្រសួងយុត្តិធម៌ ។ ដោយអាជ្ញាធរបានឲ្យដឹងថា គឺលោកមាស សាវឿនបានកើនបក្សពួកមករំលោភដីលោកស្រី លឹម វណ្ណា ដែលលោកស្រីបានទិញដោយស្របច្បាប់ ។ លើសពីនេះនៅក្នុងហេតុការណ៍ខាងលើសមត្ថកិច្ចបានឃាត់បុរសម្នាក់ដែលដឹកដបសាំងមកឲ្យក្រុមតវ៉ា ។
នៅខណៈនេះដែរអាជ្ញាធរនៅស្ងប់ស្ងាត់ ដែលកម្លាំងបានត្រៀមរួចជាស្រេច តែមិនទាន់បានធ្វើ អីខ្លាំងនៅឡើយទេ ។ នៅក្នុងការប្រតិបត្តិការខាងលើនេះដឹកនាំដោយលោក ខាំ សុផារី ព្រះរាជអាជ្ញារងអមសាលាដំបូងរាជធានី និងលោក ជា ពិសី អភិបាលខណ្ឌឬស្សីកែវ ។
បញ្ជាក់ ៖ ដែលដីទំនាស់ខាងលើប្រមាណជាជាង១ហិកតា ស្ថិតក្នុងភូមិទួលពពែ សង្កាត់ទួលសង្ការ២ ខណ្ឌឬស្សីកែវ ៕
ព័ត៌មានលម្អិតនឹងមានផ្សាយជូននៅទំព័រកាសែតកោះសន្តិភាព ។
ចែករំលែកព័តមាននេះ