ខេត្តបន្ទាយមានជ័យ ៖ ពលករខ្មែរ៣នាក់ ជាបងប្អូនជីដូនមួយនឹងគ្នាបានស្លាប់ជាមួយគ្នាក្នុងពេលតែមួយយ៉ាងអាណោចអាធ័ម ដោយសារត្រូវចរន្តអគ្គិសនីឆក់នៅទឹកដីថៃ ហើយត្រូវបានបញ្ជូនត្រឡប់មកឲ្យសាច់ញាតិតាមច្រកទ្វារអន្តរជាតិប៉ោយប៉ែត កាលពីព្រឹកថ្ងៃទី២៥ ខែកក្កដាកន្លងទៅ ។ ជនរងគ្រោះទាំង៣នាក់មាន…
ខេត្តបន្ទាយមានជ័យ ៖ ពលករខ្មែរ៣នាក់ ជាបងប្អូនជីដូនមួយនឹងគ្នាបានស្លាប់ជាមួយគ្នាក្នុងពេលតែមួយយ៉ាងអាណោចអាធ័ម ដោយសារត្រូវចរន្តអគ្គិសនីឆក់នៅទឹកដីថៃ ហើយត្រូវបានបញ្ជូនត្រឡប់មកឲ្យសាច់ញាតិតាមច្រកទ្វារអន្តរជាតិប៉ោយប៉ែត កាលពីព្រឹកថ្ងៃទី២៥ ខែកក្កដាកន្លងទៅ ។
ជនរងគ្រោះទាំង៣នាក់មាន ១-ឈ្មោះ ស៊ុនឈិន ភេទប្រុស អាយ២២ឆ្នាំ ២-ឈ្មោះភន ស៊ាបភេទប្រុស អាយុ២៧ឆ្នាំ និង៣-ឈ្មោះ លឹម នីតា ភេទប្រុស អាយុ៤៣ឆ្នាំ ។ ពួកគេទាំង៣នាក់ជាកម្មករធ្វើឡូហ្គោនៅខេត្តឧប៊ុនរាជធានី ប្រទេសថៃ និងមានទីលំនៅក្នុងភូមិចាមរអា ឃុំព្រៃស្វាយ ស្រុកមោងឫស្សីខេត្តបាត់ដំបង ។
កម្មកររួមការងារជាមួយគ្នានិងជាសាច់ញាតិដែលវិលត្រឡប់មកជាមួយសពបានប្រាប់ថាដំបូងជនរងគ្រោះបានស្ទូចឡូហ្គោ លុះដាក់ដងសន្ទូចចុះវិញស្រាប់តែប៉ះចំខ្សែភ្លើង បណ្តាលឲ្យឆក់ឈ្មោះ ស៊ុន ឈិន ដែលជាអ្នកបញ្ជាដងសន្ទូច ។ ពេលនោះ ជនរងគ្រោះ២នាក់ទៀតឃើញនាំគ្នាស្ទុះទៅជួយ ក៏ឆក់ស្លាប់ទាំង៣នាក់នៅនឹងកន្លែងតែម្តង ។សពត្រូវបានសាច់ញាតិជួលរថយន្ត៣គ្រឿងដឹកទៅលំនៅឋាន ដើម្បីធ្វើបុណ្យតាមប្រពៃណី៕
ចែករំលែកព័តមាននេះ