ខេត្តពោធិ៍សាត់ ៖ ហេតុការណ៍គ្រោះថ្នាក់ចរាចរណ៍មួយបានកើតឡើងនៅវេលាម៉ោង៤ទៀបភ្លឺថ្ងៃទី២៦ ខែកក្កដា ឆ្នាំ២០១៨នេះ ដោយរថយន្តមួយគ្រឿងរេចង្កូតហោះរំលងស្រះទឹកមួយទៅធ្លាក់ក្នុងស្រះទឹកមួយទៀតទាំងព្រឹក ដោយមិនដឹងមូលហេតុ ។ គ្រោះថ្នាក់ចរាចរណ៍នេះបានកើតឡើងនៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ១៣៩-១៤០…
ខេត្តពោធិ៍សាត់ ៖ ហេតុការណ៍គ្រោះថ្នាក់ចរាចរណ៍មួយបានកើតឡើងនៅវេលាម៉ោង៤ទៀបភ្លឺថ្ងៃទី២៦ ខែកក្កដា ឆ្នាំ២០១៨នេះ ដោយរថយន្តមួយគ្រឿងរេចង្កូតហោះរំលងស្រះទឹកមួយទៅធ្លាក់ក្នុងស្រះទឹកមួយទៀតទាំងព្រឹក ដោយមិនដឹងមូលហេតុ ។ គ្រោះថ្នាក់ចរាចរណ៍នេះបានកើតឡើងនៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ១៣៩-១៤០ នៅក្នុងភូមិថ្គោលតូច ឃុំអន្សាចំបក់ ស្រុកក្រគរ ខេត្តពោធិ៍សាត់ ។
ប្រភពពីកន្លែងកើតហេតុបានអោយដឹងថា មុនពេលកើតហេតុ រថយន្តមួយគ្រឿង ម៉ាព្រូស ពណ៌ទឹកប្រាក់ ពាក់ស្លាកលេខ ភ្នំពេញ ២AT-១៤២៤ បានបោះពួយយ៉ាងលឿនលើផ្លូវជាតិលេខ៥ ក្នុងទិសដៅពីកើតទៅលិច លុះមកដល់ចំណុចកើតហេតុបានរេចង្កូតធ្លាក់ផ្លូវហោះរំលងស្រះទឹកមួយទៅធ្លាក់ក្នុងស្រះទឹកមួយទៀត បណ្ដាលឲ្យរថយន្ដរងការខូចខាតមួយកំណាត់មុខយ៉ាងដំណំ រីឯអ្នកបើកបរមិនមានគ្រោះថ្នាក់អ្វីទេ។
បើតាមអ្នកស្រុកនៅទីនោះឃើញហេតុការណ៍បានប្រាប់ឱ្យដឹងថា នៅវេលាម៉ោង៤ទៀបភ្លឺនោះ គេឃើញរថយន្ដមួយគ្រឿងម៉ាកព្រូសខាងលើធ្វើដំណើរពីកើតទៅលិច លុះមកដល់ចំណុចកើតហេតុ មិនដឹងជាយ៉ាងម៉េច ស្រាប់តែរេចង្កូតក្រឡាប់ធ្លាក់ទៅក្នុងទឹកស្រះតែម្ដង តែសំណាងល្អ គឺមិនមានគ្រោះថ្នាក់អ្វីនោះទេ គ្រាន់តែខូចខាតរថយន្តតែប៉ុណ្ណោះ។
ក្រោយពេលកើតហេតុ អ្នកស្រុកអ្នកភូមិបានដើរទៅមើលឃើញនារីម្នាក់ជាអ្នកបើកបរនៅជាប់ក្នុងរថយន្ដក៍នាំគ្នាគាស់ចេញមក រួចហើយនារីម្នាក់នោះបានទូរស័ព្ទហៅបងប្អូនមកយកទៅបាត់ដោយមិនបានស្គាល់ឈ្មោះនោះទេ ប៉ុន្តែមានអ្នកធ្លាប់ស្គាល់នាងបាននិយាយថា នារីដែលជាអ្នកបើកបរនោះរស់នៅក្នុងខេត្តពោធិ៍សាត់ ។ អ្នកដែលទៅឃើញហេតុការណ៍បាននិយាយថា សំណាងល្អដែលទឹកស្រះរាក់ បើជ្រៅវិញលេចរថយន្ដចូលទៅក្នុងទឹកអាចមានគ្រោះថ្នាក់ដល់អាយុជីវិត។ ក្រោយពេលកើតហេតុ រថយន្ដត្រូវបានស្រង់ចេញពីក្នុងទឹកស្រះនៅថ្ងៃដដែលនេះ ហើយបានដឹកយកទៅដាក់នៅកន្លែងជាងដើម្បីជួសជុល៕
ចែករំលែកព័តមាននេះ