ខេត្តកំពង់ធំ ៖ កាលពីវេលាម៉ោង២និង០០រសៀលថ្ងៃទី២៣ ខែកក្កដា ឆ្នាំ២០១៨ ប្រជាពលរដ្ឋ២នាក់រស់នៅភូមិក្រចាប់ សង្កាត់អាចារ្យលាក់ ក្រុងស្ទឹងសែន បាននាំគ្នាទៅបង់សំណាញ់តាមប្រឡាយទឹកក្រោយរោងម៉ាស៊ីនកិនស្រូវរបស់ឈ្មោះ គីម…
ខេត្តកំពង់ធំ ៖ កាលពីវេលាម៉ោង២និង០០រសៀលថ្ងៃទី២៣ ខែកក្កដា ឆ្នាំ២០១៨ ប្រជាពលរដ្ឋ២នាក់រស់នៅភូមិក្រចាប់ សង្កាត់អាចារ្យលាក់ ក្រុងស្ទឹងសែន បាននាំគ្នាទៅបង់សំណាញ់តាមប្រឡាយទឹកក្រោយរោងម៉ាស៊ីនកិនស្រូវរបស់ឈ្មោះ គីម ប៉ូ ស្ថិតនៅភូមិក្រចាប់ស្រាប់តែប្រទះក្រពើរួចក៏នាំគ្នាបង់សំណាញ់ចាប់យកតែម្តង ។
ដំបូងឡើយ មានប្រជាពលរដ្ឋ២នាក់ដោយទី១-ឈ្មោះ ជា វិចិត្រ ភេទប្រុស អាយុ២៤ឆ្នាំ និងម្នាក់ទៀតឈ្មោះ ជា ជឿន ភេទប្រុស អាយុ២២ឆ្នាំ ដោយអ្នកទាំង២បានទៅបង់សំណាញ់នៅប្រឡាយទឹកខាងលើក៏បានឃើញក្រពើទាញសំណាញ់ដែលខ្លួនបង់ ហើយឈ្មោះ ជា ចិត្តលោតចុះទៅចាប់ក្រពើត្រូវក្រពើខាំមុតថ្ពាល់ខាងឆ្វេង, ខាងស្តាំ និងឈ្មោះ ជា ជឿន ត្រូវជាប្អូនមុតត្រូវដើមទ្រូង១កន្លែង ចុងដោះ១កន្លែង ហើយបានយកទៅដេរចំនួន៧ថ្នេរ ប៉ុន្តែពុំមានគ្រោះថ្នាក់ដល់អាយុជីវិតឡើយ ។ តាមការណ៍សន្និដ្ឋានមិនបានថា ក្រពើទាំងនោះចេញមកពីប្រភពណានោះទេ ។
លុះដល់វេលាម៉ោង៣និង០០នាទីរសៀលថ្ងៃដដែលស្រាប់តែឃើញក្រពើ១ក្បាលទៀតនៅនឹងស្នាមភ្លោះផ្លូវចូលគ្រួសាររីករាយរួចក៏ចាប់បានសរុបទាំងអស់ចំនួន២ក្បាលតែម្តង ។ តាមការសន្និដ្ឋាន មិនទាន់ដឹងថា ក្រពើទាំងនោះចេញមកពីប្រភពខាងណានៅឡើយនោះទេ ៕
ចែករំលែកព័តមាននេះ