ខេត្តស្វាយរៀង ៖ យុវជនម្នាក់ជិះម៉ូតូលឿនដូចហោះបានបុកសត្វក្របី១ក្បាលពេញទំហឹង បណ្តាលឲ្យបាក់.កស្លាប់ភ្លាមៗនៅនឹងកន្លែង រីឯក្របីវិញក៏បាក់.កងាប់ភ្លាមៗដែរ ។ ករណីដ៏អាក្រក់នេះបានកើតឡើងកាលពីវេលាម៉ោង៧និង១៥នាទីយប់ ថ្ងៃទី២៤ ខែកក្កដា ឆ្នាំ២០១៨ ស្ថិតក្នុងភូមិព្រៃស្ទៀង ឃុំស្វាយតាយាន ស្រុកកំពង់រោទ៌ ខេត្តស្វាយរៀង ។
បើតាមមន្ត្រីនគរបាលមូលដ្ឋានបានឲ្យដឹងថា នៅមុនពេលកើតហេតុបុរសរងគ្រោះខាងលើជិះម៉ូតូ១គ្រឿង ម៉ាកហុងដាសេ១២៥ ស៊េរី២០១៦បានបើកបរពីទិសខាងជើងទៅត្បូង លុះមកដល់ចំណុចកើតហេតុក៏មានក្របីមួយហ្វូងកំពុងដើរតាមផ្លូវដែលមានម្ចាស់ដេញពីក្រោយ ខណៈនោះជនរងគ្រោះ បើកបរមានល្បឿនលឿនស្រាប់តែក្របីមួយក្បាលងាកឆ្វេងក៏ជិះបុក ក្របីញីចំ.កពេញទំហឹងធ្វើឲ្យជនរងគ្រោះហោះប៉ើងទៅបុកចំ.កក្របី បណ្តាលឲ្យបាក់.កស្លាប់ភ្លាមៗ នៅនឹងកន្លែង រីឯក្របីក៏បាក់.កងាប់ ភ្លាមៗដែរ គួរឲ្យញាក់សាច់ ។
ប្រភពដដែលបន្តថា ជនរងគ្រោះមានឈ្មោះ សំ រស់ ភេទប្រុស អាយុ២៣ឆ្នាំ មានទីលំនៅភូមិព្រៃស្ទៀង ឃុំស្វាយតាយាន ស្រុកកំពង់រោទ៌ ខេត្តស្វាយរៀង ។ បច្ចុប្បន្នសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ