ប្រហែលជាអ្នកធ្លាប់អានអត្ថបទណាមួយដែលបង្ហាញថា មនុស្សម្នាក់អាចរស់នៅក្នុងជីវិតធម្មតា ទោះបីជាមានតម្រងនោមតែមួយក៏ដោយ។ ថ្វីបើការណ៍ពិតវាអ៊ីចឹងមែន តែយកល្អគួរតែកុំសាកល្បងអី និងគួររក្សាតម្រងនោមឲ្យនៅពីរដដែលទើបជារឿងល្អ ។ ជាធម្មតាតម្រងនោមរបស់មនុស្សយើងមាននាទីបញ្ចេញជាតិពុល និងកាកសំណល់ពីក្នុងចរន្តឈាម ដើម្បីកុំឲ្យកោសិកាក្នុងរាងកាយមានបញ្ហា…
ប្រហែលជាអ្នកធ្លាប់អានអត្ថបទណាមួយដែលបង្ហាញថា មនុស្សម្នាក់អាចរស់នៅក្នុងជីវិតធម្មតា ទោះបីជាមានតម្រងនោមតែមួយក៏ដោយ។ ថ្វីបើការណ៍ពិតវាអ៊ីចឹងមែន តែយកល្អគួរតែកុំសាកល្បងអី និងគួររក្សាតម្រងនោមឲ្យនៅពីរដដែលទើបជារឿងល្អ ។ ជាធម្មតាតម្រងនោមរបស់មនុស្សយើងមាននាទីបញ្ចេញជាតិពុល និងកាកសំណល់ពីក្នុងចរន្តឈាម ដើម្បីកុំឲ្យកោសិកាក្នុងរាងកាយមានបញ្ហា ។ ការរក្សាជាតិទឹកឲ្យមានតុល្យភាពល្អក៏ជារឿងជួយឲ្យមានសុខភាពល្អ ហើយក៏ជាមុខងារដ៏សំខាន់របស់តម្រងនោមដែរ ។
ទោះបីជាយ៉ាងណាក៏ដោយ បើសិនជាអ្នកមានបញ្ហានៅតម្រងនោម វាអាចនឹងបង្ហាញអាការខុសធម្មតាដូចខាងក្រោមនេះហើយ៖
១-អស់កម្លាំងជាប់ ៖ តួនាទីដ៏សំខាន់មួយរបស់តម្រងនោមគឺច្រោះជាតិពុលពីក្នុងឈាម ។ បើសិនជាតម្រងនោមមិនមានមុខងារត្រឹមត្រូវល្អទេ វាទំនងជាធ្វើឲ្យជាតិពុលកកកុញក្នុងឈាម ហើយក៏ធ្វើឲ្យមានអារម្មណ៍អស់កម្លាំងគ្រប់ពេលដែរ ។
២-មិនឃ្លានអាហារ ៖ មានរឿងច្រើនណាស់ដែលអាចបន្ទោសលើករណីមិនឃ្លានអាហារ ហើយការដែលមានបញ្ហាមួយក្នុងតម្រងនោមក៏ជាដើមហេតុមួយដែរ ។ វាអាចទាក់ទងនឹងការកកកុញសារធាតុជាច្រើនក្នុងតម្រងនោម ដែលវាមិនអាចបញ្ចេញចោលអស់ ។
៣-មិនអាចផ្ចង់អារម្មណ៍បាន ៖ ការដែលមានជាតិពុល និងកាកសំណល់ក្នុងឈាមច្រើនដោយសារតែតម្រងនោមធ្វើការមិនបានល្អក៏អាចមានឥទ្ធិពលមិនល្អចំពោះមុខងារខួរក្បាលដែរ ។ អ្នកប្រហែលជាពិបាកក្នុងការផ្ចង់អារម្មណ៍ និងការចងចាំដែរ ។
៤-ស្បែកស្ងួត និងរមាស់ ៖ ការដែលតម្រងនោមមិនមានសុខភាពល្អ វានឹងធ្វើឲ្យស្បែកស្ងួត និងរមាស់ដែរ ។ ការណ៍ពិតមួយសម្រាប់រឿងនេះគឺថា តម្រងនោមមិនអាចច្រោះឈាមយ៉ាងមានប្រសិទ្ធភាពទេ ហើយវាក៏ជាអ្វីដែលអាចផ្តល់ផលអវិជ្ជមានដល់ស្បែកផងដែរ ។ អតុល្យភាពជាតិរ៉ែក្នុងខ្លួនបណ្តាលឲ្យតម្រងនោមមានបញ្ហា និងស្បែកមានបញ្ហាទៀត ។
៥-ហើម ៖ តួនាទីមួយរបស់តម្រងនោមគឺរក្សាតុល្យភាពជាតិទឹកក្នុងខ្លួន ។ ហេតុដូច្នេះហើយ អ្នកប្រហែលជាមានបញ្ហាហើមខ្លួនដែរបើសិនជាតម្រងនោមមិនអាចធ្វើការងារមួយនេះបានយ៉ាងល្អទេនោះ ។ អ្នកប្រហែលជាសម្គាល់ឃើញថា ភ្នែក និងមុខទាំងមូលទៅជាហើមយ ហើយវាទំនងជាកើតឡើងនៅប្រអប់ជើង និងកែងជើងផងដែរ ។
៦-នោមញឹកញាប់ ឬមិនញឹក ៖ ការដែលមានបញ្ហាមួយទៅលើតម្រងនោម អាចធ្វើឲ្យអ្នកនោមញឹក ឬមិនសូវនោមផង ។ បើសិនជាអ្នកមិនសូវនោមទេ អ្នកប្រហែលជាសម្គាល់ឃើញថា ទឹកនោមទៅជាខាប់ ។ ឈាមក្នុងទឹកនោមក៏អាចជាសញ្ញាបញ្ជាក់ថា តម្រងនោមមិនស្រួលហើយ ។
៧-រមួលក្រពើ ៖ ចាប់តាំងពីការងាររបស់តម្រងនោមគឺជាអ្នកសម្របសម្រួលដល់តុល្យភាពទឹកមក អ្នកប្រហែលជាធ្លាប់មានអាការរមួលក្រពើច្រើនដងដែរ បើសិនជាអ្នកមានបញ្ហានៅតម្រងនោមដោយសារតែអតុល្យភាពអេឡិចត្រូលីត្រ (ស្រង់ពីគេហទំព័រសុខភាព) ៕
ចែករំលែកព័តមាននេះ